陳柏宇狂上Youtube遭連登狠批「好cheap 」 網民意見兩極！
廣告
早前歌手陳柏宇（Jason）登上知名日本音樂頻道「TheFirst Take」後引來唔少迴響，其後更到試當真、微辣做嘉賓。而近日就有連登網民似乎唔太buy，狠批已經40歲嘅Jason而家先學人扮young同班YouTuber玩，搞到好cheap！
不過其他網民就有唔同睇法仲力撐Jason，認為現時Youtube先係主流，加上已經無人睇電視，「拍Youtube好過上電視台，又可以接觸到年青觀眾。」直斥呢位網民諗法有點過時，並表示雖然Jason人氣未必會返去以前咁紅，但起碼唔會俾人嘅感覺好老土，仲舉例其他歌手例如側田、劉浩龍等人係現今世代出新歌反而係上一代嘅宣傳方法。
當然兩邊網民意見兩極，甚至有網友po出早前古天樂、鄭秀文都有到小薯茄youtube頻道做嘉賓，反而感覺令人覺得更貼地，另外亦大讚台灣歌手嘅宣傳方法已經玩到出神入化。
其實睇返出道至今已經17年嘅Jason，推出唔少經典作品好似有《I Miss You》、《你瞞我瞞》、《永久保存》，可以話係想當年K房必定唱過嘅歌，可惜多年來都被指係「紅歌唔紅人」。直到2017年，係出道第11年先有機會踏上紅館舞台開騷，可以話係歷盡艱辛，而早前Jason獲邀登上日本音樂YouTube頻道、以「一Take過」拍攝方式而聞名嘅《THE FIRST TAKE》頻道演唱出經典作《你瞞我瞞》廣受外界好評，成為香港首位出演該節目的歌手，片段係24小時內得到過百萬點擊成為全城熱話！
將來還有什麼演唱會值得留意？
有不少歌手宣布舉辦演唱會，例如：黃妍、五月天、BLACKPINK澳門站、林敏驄、周杰倫、COLLAR、Twins、鄭秀文、鄭欣宜、許冠傑、Backstreet Boys；喜歡K-pop的你亦有福了，ITZY和NCT DREAM亦在香港開演唱會、Apink！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：[email protected]、連登、[email protected]小薯茄
