陳康堤

陳奕迅囡囡陳康堤18歲成人禮 徐濠縈po囡囡側面引熱議

流行娛樂

廣告

陳奕迅與徐濠縈的愛情結晶陳康堤(包包)眨眼已經18歲,細細個就被指似爸爸,近年女大十八變愈來愈似阿媽徐濠縈,日前媽媽在社交網公開同囡囡講生日快樂,仲上載一張康堤梳起髮髻的側面靚相,睇上去母女越來越似,就連由細睇康堤睇到大的梁漢文叔叔都話分唔出!

陳奕迅囡囡陳康堤18歲成人禮 徐濠縈po囡囡側面引熱議

陳康堤 陳奕迅與徐濠縈在康堤2歲時才結婚,小時候的康堤被指似陳奕迅。
陳奕迅與徐濠縈在康堤2歲時才結婚,小時候的康堤被指似陳奕迅。(圖片來源:新傳媒資料庫)

陳康堤終於18歲成年

昨日(10月4日)是陳奕迅與徐濠縈的愛女陳康堤18歲生日,阿媽徐濠縈準時在凌晨12時於社交網站上載女兒的照片,為康堤賀壽。徐濠縈總共發布了三張照片,第一張是康堤梳起髮髻,身穿露肩緊身衫的側臉圖,第二張是徐濠縈的側臉照,第三張是康堤小時候的照片。從第一與第二張照片中可見,長得亭亭玉立的康堤,側臉與徐濠縈極度相似,尤其是畢直的鼻子,不過康堤看上去更有氣質,不枉徐濠縈多年來悉心栽培女兒。

陳康堤 徐濠縈上載了康堤的近照,梳起髮髻的她非常高貴,側臉被指似足陳濠縈。
徐濠縈上載了康堤的近照,梳起髮髻的她非常高貴,側臉被指似足徐濠縈。(圖片來源:[email protected]
陳康堤 徐濠縈又上載了自己的側臉照,與女兒的照片做個對比。
徐濠縈又上載了自己的側臉照,與女兒的照片做個對比。(圖片來源:[email protected]

梁漢文竟分唔清母女二人

不少網民對康堤轉眼已18歲感嘆時光飛逝,表示康堤真的很似徐濠縈,更遺傳了母親修長的身形,而由細睇住康堤大的梁漢文竟然留言:「究竟第二張係邊個?分唔到」呢位Uncle近年專注北上搵人仔,可能見得康堤少喇!

陳康堤 第三張是康堤兒時照片,當時的她五官與輪廓已很標緻。
第三張是康堤兒時照片,當時的她五官與輪廓已很標緻。(圖片來源:[email protected]
陳康堤 梁漢文在徐濠縈的帖文留言,話分唔到第二張相究竟係康堤定徐濠縈。
梁漢文在徐濠縈的帖文留言,話分唔到第二張相究竟係康堤定徐濠縈。(圖片來源:[email protected]

徐濠縈越洋祝賀?

愛女生日咁大件事,一張慶生合照都冇,只因徐濠縈現正身處日本享受自駕遊,她亦有在限時動態發布了老公陳奕迅唱的舊歌〈大個女〉,祝女兒18歲生日快樂。而18歲的康堤現在應該要返學,早已習慣父母常因工作與玩樂周圍飛,康堤自小已非常獨立,再加上有拖拍,同男友慶生仲開心啦!

陳康堤 染了一頭金髮的徐濠縈正身在日本遊山玩水。
染了一頭金髮的徐濠縈正身在日本遊山玩水。(圖片來源:[email protected]
陳康堤 徐濠縈與1比1高達模型合照。
徐濠縈與1比1高達模型合照。(圖片來源:[email protected]
陳康堤 徐濠縈玩得好開心,唔知同邊個去呢?
徐濠縈玩得好開心,唔知同邊個去呢?(圖片來源:[email protected]
陳康堤 徐濠縈日前在社交網影了在日本駕駛的白色車,表示自駕遊正式開始。
徐濠縈日前在社交網影了在日本駕駛的白色車,表示自駕遊正式開始。(圖片來源:[email protected]
陳康堤 徐濠縈女兒陳康堤左)和上山詩鈉女兒Hilary右)兩年前為跟媽咪出席劉嘉玲的生日會,更與Auntie合照,當時康堤已女大十八變。
徐濠縈女兒陳康堤(左)和上山詩鈉女兒Hilary(右)兩年前跟媽咪出席劉嘉玲的生日會,與Auntie合照,當時康堤已女大十八變。(圖片來源:[email protected]

徐濠縈有其母必有其女

現年48歲的徐濠縈繼早前「潮人」出山,去年一身粉紅裝扮現身旺角砵蘭街休憩花園後,再Pink上癮,身穿粉紅色西裝褸配粉紅色Chanel靴,再加埋個Pink頭同桃紅色手袋玩自拍放上社交網,襯到絕!徐濠縈更母女檔上陣,與17歲囡囡陳康堤穿上同款白色Chanel靴,短裙下修長美腿盡現,有其母必有其女。

陳康堤 徐濠縈
徐濠縈的新Look繼續Pink到底,連個頭同手袋都襯埋色。(圖片來源:[email protected]

阿女著同款長靴

徐濠縈唔止自己為品牌時裝做生招牌大賣廣告,就連17歲的囡囡陳康堤都出賣,她在社交網公開女囡囡穿上同款白色長靴的照片,照片中的康堤身穿小背心及短裙,造型青春迫人,康堤當街當巷又企又踎,一雙修長美腿非常搶眼。阿媽徐濠縈更公開問網民:「Pink or White?! Mum or Daughter?!」好友鄭希怡非常畀面,留言話「Both」,亦有不少網民激讚康堤愈來愈省鏡。

陳康堤 冇見一排,17歲的康堤又靚咗,背心短裙下身形更顯修長。
冇見一排,17歲的康堤又靚咗,背心短裙下身形更顯修長。(圖片來源:[email protected]
陳康堤 在徐濠縈的指導下,康堤當街踎低影相。
在徐濠縈的指導下,康堤當街踎低影相。(圖片來源:[email protected]
陳康堤 徐濠縈更公開康堤雙腿的大特寫。
徐濠縈更公開康堤雙腿的大特寫。(圖片來源:[email protected]

康堤情竇初開 索爆16歲勁多仔埋身

身為天王陳奕迅的女兒,陳康堤自小已在大眾目光下成長,一舉一動自然成 為外界焦點,前年康堤被拍到與一貌似彭于晏的小男孩拍拖,情竇初開的她同男 友仔十指緊扣又攬到實,雖然自認係開通父母,阿徐又自爆話一早見過女兒這個男朋友,不過,始終女兒年紀小小便拍拖,父母難免擔心,加上少女康堤外形索爆,身邊有不少小蜜蜂氹氹轉,父母緊張𥄫實亦理所當然!

陳康堤 12歲開始標高,拍埋5呎7吋 Yumiko都去到對方耳仔。
12歲開始標高,拍埋5呎7吋 Yumiko都去到對方耳仔。(圖片來源:新傳媒資料庫)
陳康堤 身材fit爆的康堤,激罕晒泳衣照!
身材fit爆的康堤,激罕晒泳衣照!(圖片來源:新傳媒資料庫)

徐濠縈化身緊張媽咪 阿女第一事業第二

據知情者透露:「阿徐好緊張佢嘅時裝事業,但佢一樣係緊張媽咪,包包 (康堤乳名)出世之後,可以話係由佢一手一腳湊大,無論係搵學校同教功 課,佢都會親力親為,照顧得個女無微不至,同個女感情好好,成日會一齊 孖住行街,不過,依家包包進入青春期,有自己嘅世界,同一般少女一樣好 憧憬愛情,咁佢做阿媽嘅當然特別緊張,但又唔敢管得個女太嚴,怕適得其 反,Eason雖然性格似鬼佬,其實一樣係緊張阿爸,試過跟蹤個女去課外活 動,偷偷幫個女影相,又唔敢畀個女知,當知道個女多仔埋身,兩公婆都好 緊張,有共識多啲陪個女傾心事,了解佢嘅社交圈子,依家阿徐一得閒就會 自己揸車接送個女出入,唔會靠晒司機,所以啲小蜜蜂想埋包包身都唔係 咁易!」

陳康堤 湊女親力親為的阿徐,經常被拍到同女兒孖咇行街,潮媽教路,康堤 有氣質亦識打扮,由細潮到大。
湊女親力親為的阿徐,經常被拍到同女兒孖咇行街,潮媽教路,康堤有氣質亦識打扮,由細潮到大。(圖片來源:新傳媒資料庫)
陳康堤 除咗手握老公財政大權,徐濠縈亦是家中話事人, 15 歲女兒康堤長得亭亭玉立,她亦變身緊張阿媽,即使要睇住自家時裝店生意,仍經常會親自揸車接送女兒出入,全面監控女兒的社交圈子!
除咗手握老公財政大權,徐濠縈亦是家中話事人, 16歲女兒康堤長得亭亭玉立,她亦變身緊張阿媽,即使要睇住自家時裝店生意,仍經常會親自揸車接送女兒出入,全面監控女兒的社交圈子!(圖片來源:新傳媒資料庫)
日前,阿徐親自駕車接送女兒,愈大愈似媽咪的陳康堤,除咗遺傳阿徐修長纖瘦身形,面形輪廓以至五官更如同媽咪倒模,似足姊妹花!
阿徐親自駕車接送女兒,愈大愈似媽咪的陳康堤,除咗遺傳阿徐修長纖瘦身形,面形輪廓以至五官更如同媽咪倒模,似足姊妹花!(圖片來源:新傳媒資料庫)

徐濠縈隨傳隨到 做埋司機親自監控乖女

廿四孝好媽阿徐便變身司機出動,親自駕車去接上完課外活動的康堤返壽臣山寓所;另一日,又負責揸車載女兒去天后探朋友,只見康提獨個兒落車上樓離開,送完阿女,阿徐先返時裝店睇住盤生意,今時今日,對潮媽徐濠縈來說,事業再成功都唔及教出個乖女咁有滿足感!

陳康堤 阿媽係Fashion Icon ,現時已經長得高過媽咪的康堤,即使打扮樸素仍然型格十足,有媽咪優質遺傳,娛圈又一個索二代。
阿媽係Fashion Icon ,現時已經長得高過媽咪的康堤,即使打扮樸素仍然型格十足,有媽咪優質遺傳,娛圈又一個索二代。(圖片來源:新傳媒資料庫)
陳康堤 當日阿徐駕車載女兒去天后,只見康堤獨個兒上咗一棟大廈,管教女兒能收能放的阿徐,冇做埋跟得阿媽,但就醒目掌握女兒行蹤,果然教女有法。
當日阿徐駕車載女兒去天后,只見康堤獨個兒上咗一棟大廈,管教女兒能收能放的阿徐,冇做埋跟得阿媽,但就醒目掌握女兒行蹤,果然教女有法。(圖片來源:新傳媒資料庫)

撰文:東方新地圖片來源:[email protected]

YOU MAY ALSO LIKE ...