陳奕迅

陳奕迅深夜發文釀成連登仔互罵 MIRROR、欣宜、MC都被拖落戰場

流行娛樂

廣告

陳奕迅7月27日48歲生日,深夜發文感謝大家的祝福,卻掀起連登仔互罵起來,爭拗相當激烈,連人氣偶像Mirror、MC張天賦、欣宜等都被牽連﹗

陳奕迅48歲生日出po致謝

陳奕迅喊住大呻存款得三千萬「心裡好慌」的片段早前被瘋傳,及後網民為他澄清原來是舊片,當時用宣傳之用並非事實反映,不過過去一年,陳奕迅工作唔多、生活低調就的確係事實﹗工作用的社交網近半年沒有更新﹗剛踏入48歲的陳奕迅,深夜出po多謝大家的祝福,相中的Eason戴住白色帽僅露出上半塊臉,估唔到生日po釀成罵戰﹗

陳奕迅 陳奕迅出po多謝大家的生日祝福,但被鬧點解要寫英文,又笑佢似院友﹗
陳奕迅出po多謝大家的生日祝福,但被鬧點解要寫英文,又笑佢似院友﹗(圖片來源:IG@mreasonchan)
陳奕迅 陳奕迅出生日po已是兩年前嘅事,當時被指瘦咗﹗
陳奕迅出生日po已是兩年前嘅事,當時被指瘦咗﹗(圖片來源:IG@yisiyinyue)

陳奕迅被重提新疆棉風波

有網民重提陳奕迅去年的「新疆棉風波」,當時其公司宣佈Eason同合作十年的運動品牌割席,有指要賠上過億元﹗引來不少負評,其後Eason便清空了社交網﹗不少網民提起仍然好激動,但同時有一批網民指Eason算係咁,因為有不少香港藝人為表忠所做的行為,Eason都冇做,而且亦沒有趁機北上狂賺人仔,反而低調留港﹗

陳奕迅
(圖片來源:IG@yisiyinyue)
陳奕迅
(圖片來源:LIHKG討論區截圖)

為陳奕迅平反:佢可以食住個勢賺人仔,但佢留喺香港好似退休咁﹗

網民:欣宜上TVB又多謝TVB都被當女神?

網民就此在討論區掀起罵戰,指陳奕迅無論實力或影響力,絕對可以再賺到盆滿砵滿,但疫情期間反而選擇在港,指要「為陳奕迅大平反」,更指連登仔雙重標準,指鄭欣宜出席TVB節目及頒獎禮,更公開多謝TVB,「但就當欣宜女神咁拜」、又指「林二汶同Supper Moment食相仲肉酸啦﹗」,又指MC張天賦最近更接拍了支付保廣告「支賦寶又無事嘅?」、「MIRROR又食M記唱獅子山下,佢哋被迫,好在冇乜乜乜,又揞住個心去撐嘅?」、「仲有Jer食𦼦店,Marf返深圳拜年,屋企睇春晚?」網民互罵令陳奕迅生日出po變成熱搜及戰場﹗

陳奕迅 欣宜出席無綫及港台合辦的《香港金曲頒奨典禮》,後面是《聲夢》出身歌手﹗
欣宜出席無綫及港台合辦的《香港金曲頒奨典禮》,後面是《聲夢》出身歌手﹗(圖片來源:IG@princejoyce)
陳奕迅
(圖片來源:IG@princejoyce)

網民:MIRROR食M記又冇事?﹗

陳奕迅
(圖片來源:IG@mirror.weare)
陳奕迅 姜濤等十二子Mirror之前為M記拍廣告﹗
姜濤等十二子Mirror之前為M記拍廣告﹗(圖片來源:IG@keung_show)

網民:支賦寶又冇人話?

陳奕迅 MC張天賦最近同李璨琛囡囡Lucy拍香港支付寶廣告﹗
MC張天賦最近同李璨琛囡囡Lucy拍香港支付寶廣告﹗(圖片來源:IG@mcheung1201)

踢爆陳奕迅有陰謀?﹗

另外,有網民踢爆陳奕迅忽然上水,好大機會為12月演唱會開始宣傳,不過至今官方未有證實Eason紅館開騷的消息,「之前Mirror話申請唔到12月個紅館期,好大機會係因為Eason霸咗﹗」、「你班人係咁鬧Eason,到時唔好又去搶飛呀﹗」、「你哋繼續插啦睇番啲冇水準的Mirror騷啦,我睇啲咩叫唱歌同實力嘅騷﹗」等﹗

陳奕迅 陳奕迅的社交網已半年未有更新﹗
陳奕迅的社交網已半年未有更新﹗(圖片來源:IG@yisiyinyue)
陳奕迅 LIHKG討論區截圖
(圖片來源:LIHKG討論區截圖)
陳奕迅 LIHKG討論區截圖
(圖片來源:LIHKG討論區截圖)

常見問題

陳奕迅近日出了一個什麼POST?

剛踏入48歲的陳奕迅,深夜出po多謝大家的祝福,相中的Eason戴住白色帽僅露出…詳情請看

為何早前Eason清空了社交網?

去年的「新疆棉風波」,陳奕迅宣佈同合作十年的運動品牌…詳情請看

圖片來源:IG@mreasonchan、IG@yisiyinyue、LIHKG討論區截圖

YOU MAY ALSO LIKE ...