陳奕迅

陳奕迅演唱會售票網水泄不通 「人為操控」定中港之爭?

流行娛樂

廣告

陳奕迅(Eason)於9月21日(星期三)正式宣布於12月舉行紅館跨年騷《陳奕迅FEAR AND DREAMS 香港演唱會》,今次的18場演唱會,將沿用3年前的「FEAR AND DREAMS」主題,今日10月6日(星期四),於城市售票網公開發售。喺Eason宣布搞演唱會時,唔少人都表示唔睇,連登仔昨日更特意出post高呼罷睇。不過今日一開售,城市售票網同mirror演唱會時一樣水泄不通,有網民喺Eason ig留言多謝連登仔。

陳奕迅 2022,Eason重啟紅館跨年騷計劃,新設計的海報沿用3年前主題,但是除了搵來新設計師外,亦有重新拍攝。
2022,Eason重啟紅館跨年騷計劃,新設計的海報沿用3年前主題,但是除了搵來新設計師外,亦有重新拍攝。(圖片來源:演唱會海報)

網民多謝連登仔罷睇

陳奕迅(Eason)宣布搞演唱會時,有唔少人都唔睇好,更放言要罷睇,全因為新疆棉事件令Eason人氣大跌。不過到今日(6日)早上十點於城市售票網公開發售,有唔少網民指城市售票網於9點多時已經入唔到,討論區等都要唔少人表示想睇但搶唔到飛,似乎新疆棉事件並未有對Eason太大影響,有粉絲就湧現Eason ig留言要求加場因為未能撲飛「加場」「都入唔到 電話又打唔通」「希望連登仔罷睇,畀我買多兩張飛」「搶唔到飛呀」「多謝連登仔罷睇,成功買到飛」「啲歌林夕有份作架,梗係要入場撐林夕」「咪x同我搶」

陳奕迅 2013年陳奕迅演唱會
相隔9年再開騷,主辦方指世界各地都有不同單位邀請Eason開演唱會,但Eason仍然堅持要以香港作為起點啓動演唱會。(圖片來源:新傳媒圖片庫)
陳奕迅
(圖片來源:ig@mreasonchan)

網民分析係「人為操控」定香港內地之爭?!

對於此事,網民就有唔同的分析,其一認為唔係香港人買,而係內地網民喺度搶,事源昨日內地網民就於小紅書放言要必睇Eason演唱會,仲整埋教大家點搶飛,睇返Eason ig都有唔少簡體字的用戶留言搶緊飛。其次就係成件事只係「人為操控」12點時網站更新仲有40341張飛未賣,2點更新仲有24075張,網民於討論區發文指係人為故意倒塞網站,造成人氣高漲的效果,不過呢個說法就被唔少網民推翻,因為已經有唔少人出po求飛同要求加場,直指叫罷睇的人係有陰謀「叫人唔睇,跟住等自己搶到飛」。

陳奕迅 小紅書教學
小紅書教學(圖片來源:小紅書@都是億萬富翁阿)
陳奕迅 陳奕迅對上一次演唱會,2013年的《EASON
陳奕迅對上一次演唱會,是在2013年的《EASON’s Life》巡唱。(圖片來源:新傳媒圖片庫)

常見問題

2022還有什麼演唱會值得留意?

除了陳奕迅演唱會,還有更多不同演唱會於2022年舉行,例如:鄭伊健演唱會Twins演唱會洪嘉豪演唱會等。

有什麼攻略搶到陳奕迅演唱會2022門票?

陳奕迅(Eason)將會在年底舉行15場紅館跨年演唱會,想搶到陳奕迅演唱會2022門票,記得留意…詳情請看

圖片來源:新傳媒圖片庫、演唱會海報、小紅書@都是億萬富翁阿

YOU MAY ALSO LIKE ...