陳嘉桓

陳嘉桓師奶身形重現 《熟女強人》住睇瘦身前「肥桓」

流行娛樂

廣告

28歲的陳嘉桓過去幾年經歷災難性肥胖,因為飲食唔節制,被身邊好朋友起花名叫「肥桓」。最近瘦身成功的陳嘉桓,頻頻晒腿又晒胸,自信返晒嚟,不過在ViuTV熱播劇《熟女強人》中的肥腫樣就出晒街,真是慘不忍睹。日前陳嘉桓在社交網上載一段醫美外科中心的廣告片,片中紀錄了她在接受撃脂療程前周身肥膏,身材走晒樣的瘦身前重災區。

撰文、圖片:東方新地 |編輯:K.P(原文刊於:東方新地

陳嘉桓飲食大過天

陳嘉桓初出道時青春逼人,擁D Cup上圍有長腿,是不少男粉絲心中女神,不過女神經歷歲月洗禮,愈變愈大隻,三年前拍《反黑》為角色增肥,竟然一發不可收拾,識飲識食汽水不離手,最終令陳嘉桓肥肉橫生,女神崩壞,更被封「肥桓」。

《熟女強人》客串做家姐

陳嘉桓身形突變對其演藝發展亦有影響,在ViuTV的熱播劇《熟女強人》中只撈到大配角角色,飾演朱鑑然的家姐,現實中的陳嘉桓28歲,朱鑑然31歲,不過拍埋男神身邊,陳嘉桓唔止肥腫難分似大媽,成個人顯得好老。

 

陳嘉桓的起心肝撃脂

娛樂圈好現實,女藝人的身材就是搵食工具,近年陳嘉桓演藝事業停滯不前,是時候痛定思痛。早前陳嘉桓成為一間醫美外科中心的代言人,的起心肝接受撃脂療程,再加上忍口節食及運動,體重終於回落,體態雖不至回到少女時代,起碼回復S身形。為了公告自己瘦身成功及為醫美外科中心宣傳,陳嘉桓把瘦身前後的視頻放上IG,片中有大量肥腩、bye bye肉及虎背相。都好嘅!等陳嘉桓自己可以經常引以為鑑,唔好再畀自己變「肥桓」!

擁有D Cup上圍的陳嘉桓(Rose)日前以超性感造型拍攝瘦身廣告,胸前用「X」形布條將一對南半球夾出「人」字波,她直言為了今次拍廣告努力減磅,成功減了十幾公斤,力Sell瘦身唔瘦胸!

陳嘉桓 瘦身唔瘦胸

陳嘉桓身高5呎9吋半,擁有D Cup上圍,她直言為拍今次拍廣告,努力減去近十幾公斤肥肉,陳嘉桓笑言:「只係做咗啲溶脂療程,同埋調整吓自己平時嘅飲食習慣,戒汽水、戒糖,戒澱粉,盡量唔食宵夜,仲有做多啲運動,已經瘦咗差唔多十幾公斤,又冇影響D Cup身材,我自己都幾滿意。」

陳嘉桓表示溶脂療程助她在三星期內減了十幾磅,曲線再現之餘,變回初出道時的身形。

陳嘉桓表示今次拍廣告的酬勞有近百萬,非常可觀,她說:「差唔多有七位數字,所以都畀咗個幾大嘅動力我去減肥,希望可再減多六、七磅,恢復番以前大家認識嗰個陳嘉桓嘅感覺。」

陳嘉桓直言:「之前我係為咗拍網劇而增肥,後來遇上疫情,我就好似中咗『不瘦降』咁,經常喺家狂食,一餐食足三、四碗飯,肥咗接近二十磅,慘不忍睹,著靚衫時試拉唔上拉鏈。」

陳嘉桓透露接下來會拍攝微電影:「角色我經理人佢哋仲傾緊,因為佢哋話要睇吓我瘦咗之後係咩狀態,再考慮畀一個咩嘢角色我,因為佢哋話瘦嘅時候感覺比較少女一啲,肥嘅時候就好似個師奶咁,所以我就話:『唔得!唔可以再允許呢個感覺再發生。』」

陳嘉桓又話自己現在是單身狀態,跟有傳已分手的緋聞男友黃宗澤只是朋友,平時沒什麼聯絡。

同場加映

湯洛雯幸福肥盡現回顧八年發肉期 豪言放閃:我肥瘦馬明都鍾意!

YOU MAY ALSO LIKE ...