陳凱詠Jace被雪藏丨細數Jace打發時間最愛做之活動！
陳凱詠Jace被雪藏丨細數Jace打發時間最愛做之活動！
Jace陳凱詠自4月出完一首歌後，就沒有比較大型的新動態出現。除了參演梁祖堯劇團「風車草劇團」的舞台劇《隔離童話集》後，就好似每日「過日辰」一樣。近日她上傳一張行文具鋪的照片，並指「閒逛文具店是打發時間的最佳活動」。可見Jace呢排真係幾得閒。
打發時間之鬼
除了行文具鋪外，Jace都不時會去唔同地方影outfit，分享自己的穿搭。另外則會分享自己跳舞的影片，話俾大家佢又跳得又唱得！仲有夏天當然唔可以錯過去玩水，船P係少不了成為Jace最愛做的活動之一！
出Event增曝光率 惟歌唱無進展
不過除了以上的活動外，Jace都有出席唔同Event，去增加曝光率，唯獨是在歌唱發展上沒有太大進展。不過同門師兄弟P1X3L 早前接受訪問，都笑稱：「嘩，有啲咁嘅事呀？」，George續指：「半年冇出歌？我哋都半年冇出歌呀，差唔多情況啫。」。
網民力捧Jace出演《鋼鍊》真人版
網民對於Jace被雪藏都感到可惜，認為她的星途絕對可以行得更遠，更指轉公司後一定力撐。早前有網民在集思廣益拍《鋼之鍊金術師》真人版時，認為Jace可以出演動漫中的Rose Thomas一角，同樣是「黑肉」角色，就連髮型都似。當時Jace更將該留言放上Story，Jace有Mon連登的舉動令網民認為十分貼地親民。
疑似Jace上連登回應！
不過有疑似Jace的用戶在連登Post「Jace Chan 陳凱詠 麻煩入一入嚟」留言指：「好感動，其實又唔算真係雪嘅，多謝大家」，令一眾網民認為真係Jace入咗嚟，不過之後被其他網民原來只是「玩膠」用戶，並非真係Jace。
環球唱片公司維基慘被修改
自傳出Jace被雪後，環球唱片的維基頁面則已經被修改，先是被譽為「香港最廢的唱片公司」，公司類型更被改成「老人院」。
將來還有什麼演唱會值得留意？
有不少歌手宣布舉辦演唱會，例如：黃妍、五月天、BLACKPINK澳門站、林敏驄、周杰倫、COLLAR、Twins、鄭秀文、鄭欣宜、許冠傑、Backstreet Boys；喜歡K-pop的你亦有福了，ITZY和NCT DREAM亦在香港開演唱會、Apink！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
