【父母都係中國人】同孖生細佬都鬼鬼哋 網民：陳凱琳同鄭嘉穎嘅BB究竟會係咩樣？
原文刊於：東方新地 ｜圖片：新傳媒圖片、陳凱琳IG截圖 ｜編輯：150cm女孩@Central
陳凱琳宣布下嫁鄭嘉穎
下個月就49歲的鄭嘉穎和27歲的陳凱琳，因拍攝無綫劇《殭》結緣，兩人在荷蘭拍攝時朝夕相對，擦出愛火！鄭嘉穎與陳凱琳年齡相差22歲，起初戀情不被看好，不過二人從不受外界影響，拍拖以來人前人後愛得甜蜜！
8.12峇里舉行婚禮
有消息指兩人將於8月12日拉埋天窗，到峇里舉行一個小型婚禮！據悉兩人已計劃響婚後會繼續留在峇里度假，並與一眾親朋好友跟嘉穎慶祝 49歲生日(8月15日)。
疑雙喜臨門
另外，亦有消息今次陳凱琳乃奉子成婚，因為有讀者向傳媒爆料，指陳凱琳早在7月12日首次到法國醫院進行產檢，至今已進行了三次檢查。據悉陳凱琳每次到醫院都會包到實兼由母親陪同，更有向醫生詢問是否適合搭飛機。如果係真的話就恭喜晒兩位！
陳爸媽點回應？
連日來有唔少傳媒在陳家位於九龍塘的寓所外守候，陳凱琳的父母步出大屋時接受訪問，被追問到女兒的婚禮係咪下月12日於峇里舉行，陳父笑笑口表示：「佢哋嘅嘢我哋唔知！」又指兩人結婚係遲早的事。陳母雖然未有回應，不過就笑到四萬咁口，心情勁靚！
陳凱琳 孖生弟弟曝光
Grace同孖生弟弟Derek為化妝品牌拍攝影片，首度出鏡的Derek和家姐Grace頭貼頭一齊上妝，為了測試品牌的防水能力，佢哋一齊做運動之餘，Derek仲拎住毛巾為Grace擦臉，好溫馨呀！
拍攝當日廣告商與陳凱琳經理人也在場，他們也詫異Derek 首次出鏡但表現很自然。
由細到大Grace跟Derek也好好感情，一齊玩、一齊同朋友聚會，而細佬更係佢傾心事的對象。
不過，陳凱琳稱細佬不會入行，今次是經驗和回憶，將來他們重溫會好開心。
影片出街後，留言讚cute、cool、靚仔、靚女嘅人好多，但都有唔少網友都話奇怪佢哋嘅父母係傳統嘅中國人樣子，但Grace同孖生細佬居然就好似mix，更有網友更指Derek同外國影星Ryan Reynolds似樣，到底點解呢？
其實早在Grace當選港姐時已被誤會是混血兒，不過父母都中國人臉孔，曾引起一陣話題。當年陳凱琳曾回應傳媒說： 「我係爸爸媽媽親生，細佬同我一樣，由細到大都鬼鬼地⋯」
又睇番Grace嘅全家福，佢同孖生弟弟係似mix，但家姐(左一)又好中國人樣，難怪大家會誤會嘅⋯
又睇呢張姊弟合照，唔講真係似為佢哋係mix！
二人BB外表成疑團
因為細佬曝光後，Grace同細佬都被指鬼鬼地，同中國人嘅父母完全唔似樣。如果Grace同鄭嘉穎真係生BB，咁唔知BB又會係點嘅樣呢？有無網民可以解答下先？
