鍾麗淇不向命運埋怨！ 勇敢高風險追生第二胎

撰文：Andy｜圖片：鍾麗淇IG、《日日媽媽聲》節目 截圖｜編輯：海月

鍾麗淇基因缺陷不向命運埋怨 高風險追生第二胎

TVB清談節目《日日媽媽聲》，最近一集邀鍾麗淇（Margaret）分享自己照顧患有特殊基因病女兒Isabella嘅故事。鍾麗淇喺節目中形容女兒Isabella是戰士公主，而自己作為佢嘅母親，亦同樣不埋怨命運不公。鍾麗淇一遍悉心照料患病嘅女兒，另一邊不懼怕基因缺陷，勇敢追生第二胎。

鍾麗淇透露，自己大女Isabella約6個月大時就確診「四號染色體缺損綜合症」。佢憶述當時情景稱，女兒常會全身抽筋，而且抽筋維持長達1至2小時！就診醫生當時仲判斷Isabella未必能活到2歲！

唯鍾麗淇自己並冇絕望，佢心目旁騖，全心全意照顧Isabella。所幸女兒大步攬過，睇住即將年滿11歲嘅Isabella佢滿心感恩。

女兒長受抽筋困擾 鍾麗淇學識打針為女兒減輕痛苦

Isabella不是會病發而出現突發性抽筋情況。鍾麗淇稱自己一家都已經懂得如何照顧，每次女兒病發抽筋時，鍾麗淇會即時為佢打針，及call召救護車送院治療。

鍾麗淇指女兒嘅病並非完全冇得醫，隨著年紀漸長，抽筋次數逐漸減少。但醫生強調需要連續五年沒再抽筋才可停藥。現時Isabella仍未能擺脫藥物，需要定時服藥控制病情。

照顧病女11年嘅鍾麗淇坦言：「好多人會覺得我付出好大，但我覺得得著更多。」

高風險追生第二胎 生二女不怕再有基因缺陷

鍾麗淇誕下大女五年後再追二胎，當時不少人問她是否擔心二女亦會出現基因缺陷；佢就直言：「我唔怕，就算孩子生落來，都係有特殊照顧需要，呢個係我嘅命運，會堅強面對。有BB就儘量讓佢生存，唔可以中止佢嘅生命。」

鍾麗淇坦言希望有福氣 願細女會好錫家姐

鍾麗淇分享，細女逐漸長大，亦了解自己姐姐於常人有異，不過兩姐妹宜家仍然相處得甜蜜融洽。

鍾麗淇稱自己沒有刻意教細女要照顧姐姐，而是以身教去讓細女知道。被問及大女需要特殊照顧會否對細女產生壓力時，鍾麗淇豁然回應：「若將來細女好錫家姐，這個便是我們的福氣。」

https://youtu.be/U0DKfVmAQj8