鍾柔美

鍾柔美Yumi甜美扭腰熱舞 網民唔收貨:「屯門娜娜?」

流行娛樂

廣告

15歲嘅鍾柔美(Yumi)參加由TVB舉辦嘅《聲夢傳奇》為人熟知,後來同炎明熹(Gigi)、姚焯菲(Chantel)等一同組成女團「After Class」,喺舊年正式出道,不過出道都一段時間,仲係跳緊首《Breakin’ My Heart》,唯有平時上抖音post下啲跳舞片,不過都被批跳極風格都係咁單一。

鍾柔美 Yumi喺IG上嘅甜美照
Yumi喺IG上嘅甜美照(圖片來源:[email protected]

TVB資源太少令曝光率低?

「After Class」嘅各成員都有唔同嘅solo機會,而《聲夢傳奇》第一季總冠軍「傳奇新星」炎明熹資源最為豐富,受力棒北上參加內地節目《聲生不息》同眾多樂壇前輩合作,人氣都因此而急升。相反Yumi自從2月推出咗個人單曲《Breakin’ My Heart》之後,就無任何新作品動向,一眾粉絲們都好擔心Yumi會因此而變成「失蹤人口」。不過就算跳極都係一首歌,都仍然難阻Yumi嘅跳舞夢。

鍾柔美 Yumi喺2月推出嘅個人單曲《Breakin
Yumi喺2月推出嘅個人單曲《Breakin’ My Heart》(圖片來源:[email protected] Chung 鍾柔美)

「抖音」拍跳舞片同粉絲交流

雖然Yumi曝光率無Gigi咁高,但都唔洗擔心會成為「失蹤人口」,事關Yumi平時成日都會喺「抖音」上面同粉絲們分享佢嘅跳舞片,可能真係因為比較得閒,所以隔幾日就嚟一段,不過就算Yumi個靚樣佔咗段片嘅大多數,都仍有好多網民批評Yumi舞技:「跳的好差」、「我覺得跳得唔好睇,好似無乜節奏感。」、「沒咩力度」等等,可能因為平時練極都係得一首跳舞歌,搞到Yumi跳其他舞都跳出「Breakin’ My Heart」嘅感覺啦。

鍾柔美 Yumi喺「抖音」分享跳舞片,但表情顯得略顯呆滯。
Yumi喺「抖音」分享跳舞片,但表情顯得略顯呆滯。(圖片來源:抖音@yumi.1221)
鍾柔美 同「After Class」團友姚焯菲Chantel)、詹天文Windy)一齊拍攝抖音跳舞片,疑似跳緊三隻舞。
同「After Class」團友姚焯菲(Chantel)、詹天文(Windy)一齊拍攝抖音跳舞片,疑似跳緊三隻舞。(圖片來源:抖音@yumi.1221)

舞蹈勁單一可塑性受局限

由Yumi平時啲「抖音」片都睇得出好熱愛跳舞,亦都有指TVB有意力捧Yumi成為跳唱歌手,不過就算有舞蹈底子嘅Yumi跳舞都受到咁多網民批評,可能唱跳呢條路真係唔太啱Yumi行。不過唔緊要啦,就算舞技麻麻,相信粉絲見到Yumi個靚樣就乜都唔介意。

鍾柔美 Yumi喺「抖音」分享靚靚自拍影片
Yumi喺「抖音」分享靚靚自拍影片(圖片來源:抖音@yumi.1221)

即睇!

常見問題

TVB資源太少令Yumi曝光率低?

第一季總冠軍「傳奇新星」炎明熹資源最為豐富,而Yumi自從2月推出咗個人單曲《Breakin’ My Heart》之後,就…詳情請看

網民對於Yumi舞技有什麼評價?

有好多網民批評Yumi舞技:「跳的好差」、「我覺得…詳情請看

關鍵詞
鍾柔美Yumi
圖片來源:[email protected], [email protected] Chung 鍾柔美資料或影片來源:youtube@I_love_Yumi, [email protected]

YOU MAY ALSO LIKE ...