「林鍾大戰」今晚即將展開 大J對戰Steven成另一焦點 話你知邊度有得免費睇
撰文:Lmc丨圖片:林作@IG、鍾培生@IG、17LIVE@YOUTUBE丨編輯:海月、HM(部份原文刊於:東方新地)
林鍾一戰過磅|林作重鍾培生16.5磅
周六(18日)九展舉行的《培生擂台:無敵盃We Are Champs》拳賽,周五(17日)各拳手過磅,體重分別是林作72.3kg、鍾培生64.8kg,雙方相差7.5kg(16.5磅)。
![林鍾一戰|鍾培生上磅後咆哮嚇唔窒對手 林作豪言首回合可分勝負 提出一條件回應對方加碼要求](https://imgs.orientalsunday.hk/wp-content/uploads/2021/09/ce4915c3-0282-4df3-97d8-da1239278010_5983565886144232a5d1cb-1024x577.jpeg)
影合照時鍾培生突然咆哮一聲,在旁的林作表現鎮定,更自信滿滿表示自己自出世已準備好,又指自己是淡淡定定有錢剩選手,預計第一回合可把鍾培生打低。
![林鍾一戰|鍾培生上磅後咆哮嚇唔窒對手 林作豪言首回合可分勝負 提出一條件回應對方加碼要求](https://imgs.orientalsunday.hk/wp-content/uploads/2021/09/b1a29176-352b-4d9d-a9c9-a224bc7de076_6548295086144234614bc6-1024x907.jpeg)
林作要求鍾培生同教練對打
對於拳賽前兩日,鍾培生突然提出加碼新盤口,二人隔空回話,林作一時話鍾培生出口術,一時又話接受新盤口,不過林作和鍾培生周五上磅後,林作就表示:「 鍾培生畀多一百萬我唔要啦,但如果鍾生打到我暈低,我係話要同我教練團之一再打一場,鍾生幾個月前挑戰過我教練,我覺得呢個恩怨應該要了結,我唔貪心,畀一百萬我就得喇﹗」林作指他這個要求鍾培生沒有答應,所以才告吹, 即大家沒有達成共識,所以維持不變﹗
![林鍾一戰|鍾培生上磅後咆哮嚇唔窒對手 林作豪言首回合可分勝負 提出一條件回應對方加碼要求](https://imgs.orientalsunday.hk/wp-content/uploads/2021/09/d9be6095-7e28-4451-a744-e0580f53e80a_4962572186144235d36f2d-630x1024.jpeg)
大J對戰張致恆Steven亦成全城焦點
林鍾一戰周六比賽,周五進行過磅,張致恆Steven能否減磅至大會要求的70kg或以下,成為過磅記者會的焦點之一,Steven明顯比之前瘦但上磅體重達73.5kg,而大J則是69.1kg。Steven透露答應參加拳賽時,體重98kg,現時減至73.5kg。他回應大J指被要求遷就體重,Steven強調沒有呢回事,更指自己無違約,與大J爭辯如羅生門﹗
![大J同Steven過磅後合照。(圖片來源:鍾培生YouTube直播截圖)](https://imgs.orientalsunday.hk/wp-content/uploads/2021/09/275f8c36-4de9-4aa4-a2d4-a5c35a1d9f35_188023091661443e5275fd0.jpeg)
Steven強調無修改合約 承諾唔會揸流灘
Steven張致恆指參加拳賽全因為鍾培生邀請,Steven覺得幾好玩,又認為自己曾參加過毅行者、三項鐵人及長跑等比賽,覺得自己也能應付,而且出場費可觀,Steven話:「我當係一個工作機會,所以當然接啦,最初係抱玩嘅心態,不過經過五個月訓練,真係投入咗,我會盡力打唔會揸流灘。」被大J指超重,Steven強調自己現時體重是按大會指示,表示:「合唔合資格?可以話差少少,但唔係講到咁囉,而且我從來無去要求任何人遷就磅數,冇諗過一個工作變成有政治成分,總之我會做好自己﹗」Steven強調沒有修改合約,但卻唔肯透露要否因磅數而罰錢﹗
大J後台直擊令爭拗場面曝光
記者會後,各拳手返回後台聽大會裁判講解詳細規例,而大J和Steven就磅重問題,在裁判前爭拗,大J一方一直未肯罷休,而Steven一方卻表示簽約條件跟大J的不同,合約訂明中體重並非70kg,雙方爭持不下,大J教練跟Steven教練指:「大家都上過擂台,知道要上台,就死都死去減,減到啱標準為止﹗」Steven大部分時間都由教練代言,雙方你一言我一語相當激烈,不過最後大J還是讓步接受挑戰﹗大J教練怒爆對大J話:「聽日(18日)你同我殺x咗佢﹗」
![大J全程由日本太太麻衣為他開Live直擊,後台情況都拍埋,令他和Steven為磅重爭拗過程同告曝光。(圖片來源:大J直播截圖)](https://imgs.orientalsunday.hk/wp-content/uploads/2021/09/239bdbcf-d415-4d7f-95f9-6b7c777e489a_147486886961443f65b26a3-1024x577.jpeg)
大J繼爆料被要求調高體重遷就對手後,又爆指大會再聯絡他,指每回合的時間,以體力和安全問題為由本來的三分鐘比賽改成兩分鐘,大J表示為免Steven退賽,最後接受新動議﹗
![大J先到拳賽場館視察環境。(圖片來源:大J直播截圖)](https://imgs.orientalsunday.hk/wp-content/uploads/2021/09/65952293-6365-479c-8e94-d4781b63eabd_951356602614444bea63d2-1024x546.jpeg)
17LIVE 免費有得睇 二人繼續隔空口水戰
直播平台 17LIVE 破天荒宣佈天價與鍾培生及林作簽獨家合約,在 5 月 21 日 (星期五)於記者招待會正式公佈合作內容及籌備進度,並為 17LIVE 限定店主持開幕儀式。 鍾培生和林作將加盟 17LIVE 拍攝香港獨家特備節目《鍾林大戰》,以實時直播形式 展開連場激烈比拼,考驗其體能、應變、口才等。17LIVE 觀眾能率先在 9 月拳賽前,一 睹二人的備戰情況。《鍾林大戰》節目共 4 輯,預計 6 月尾在 17LIVE 直播平台播出。活動上,二人繼續大寸對方。鍾培生提到林作早前首場拳賽的表現,直指:「佢啲步伐唔靈活、啲拳係亂揈、個呼吸唔好,睇到佢好緊張,咁我都想佢畀觀眾睇到啲好嘢。」
鍾培生取笑林作打3場官司都輸掉
除了拳賽的表現,鍾培生又取笑林作打3場官司都輸掉,十分不客氣。有網友有指林鍾之戰是掠水表現,鍾培生表示唔會理啲網民,因為好多人支持,冇時間理haters。
![鍾培生取笑林作打3場官司都輸掉,十分不客氣](https://imgs.nmplus.hk/wp-content/uploads/2021/05/-2021-05-22-12.47.06_25900081160a88d6471001-650x1024.png)
女友裕美有到場支持 林作:而家嘅進度超越預期
活動上,林作女友裕美也到場支持,相當唔話得。林作提到好多人搵佢合照,以後影合照口號就係「打X鍾培生」。林作與裕美一同受訪,被問到有沒有緊張,林作自信話「緊條毛吖」,仲有4個月而現時進度超越預期。對於被鍾培生力數,林作又回應嗰啲係流料,只係效果未攞晒實力,唔可以作基準。
![活動上,林作女友裕美也到場支持](https://imgs.nmplus.hk/wp-content/uploads/2021/05/-2021-05-22-12.48.03_172070392460a88d8aab9d9-695x1024.png)