林家棟

金像獎2022|民選影帝林家棟入行血淚史 網民:佢真係付出好多

流行娛樂

廣告

《第40屆香港電影金像獎》延期2年後,昨晚星期日(17日)晚上7:30舉行,連續頒發2屆獎項完滿結束。影帝提名其一的林家棟就成為城中熱話,雖然影帝最後由謝賢《殺出個黃昏》奪得,但林家棟就成為民選影帝,一文回顧林家棟34年辛酸史!

林家棟
(圖片來源:《手捲煙》電影截圖)

林家棟0片酬 對前後輩超好 獲民選影帝

林家棟早前拍戲時,一埸佈滿不同大小的石頭的外景埸面,抱著小孩跑的林家棟因為保護小朋友而不小心倒地送院而備受好評。而昨晚林家棟於《第40屆香港電影金像獎》憑《手捲煙》、《智齒》2部電影榮獲最佳男主角提名,繼2017年憑電影《樹大招風》再次角逐影帝殊榮!2項提名最佳男主角的林家棟卻扶著謝賢奪影帝、小心翼翼幫謝賢戴口罩等。繼而再爆出林家棟0片酬支持新導演陳健朗拍《手捲煙》,由他親自監製的電影《殺出個黃昏》中,願意俾新晉演員鍾雪瑩同顧定軒機會!網民都表示超欣賞林家棟,其行為令人敬佩,以及對前後輩都超好,即被選獲為「民選影帝」。網民:「好型」「林家棟已經係影帝」「又唔收片酬 受咗傷都咁照顧人」「香港電影真係靠晒東莞仔同jimmy仔」「佢對香港電影算好出心出力,智齒同手捲煙兩套都好x好睇,唔講一唔講三講義,唔講風唔講雨講雷,夠雷氣呀家棟!」「佢近10年真係令人另眼相看」「出錢出力支持香港電影」「拍開杜蛇都係義氣仔女」

林家棟
(圖片來源:ig@katung.lam)
林家棟
(圖片來源:VIUTV截圖)
林家棟
(圖片來源:VIUTV截圖)
林家棟 ig貼出與謝賢的合照
ig貼出與謝賢的合照(圖片來源:ig@katung.lam)

林家棟1988參加TVB藝員訓練班入行

林家棟於1988參加TVB藝員訓練班而正式入行,展開了10年的跑龍套生涯,曾經參加超過100套電視劇的演出!而最為人所知就係《茶是故鄉濃》,擔正男主角。

林家棟
(圖片來源:《茶是故鄉濃》截圖)

毅然離巢轉投電影圈 息影3年為甩TVB陣味!

喺TVB捱了10年的林家棟,已係一線小生無誤,但佢毅然放棄TVB,離巢轉投電影圈發展,從新出發,再由小角色做起!2001年時林家棟經萬梓良介紹認識了劉德華,簽約旗下公司,開始接拍電影。不過事情並沒有太順利,當時劉德華突然要求林家棟息影3年,指因為「電視味太重」,無法再突破演技的問題。

林家棟
(圖片來源:《樹大招風》電影截圖)

拍戲超認真 林雪:我心入面有6個字!

林雪曾於有線電線一個訪問節目中億述與林家棟第一次合作的事情,佢指林家棟好緊張而且要求好高「係入咗魔」,當時拍攝《黑社會》林家棟搶返龍頭棍一幕時,原來佢真係真打在林雪身上!林雪表示:我心入面有6個字!我問佢駛唔駛呀!?

林家棟
(圖片來源:《黑社會》電影截圖)
林家棟
(圖片來源:《黑社會》電影截圖)
林家棟
(圖片來源:youtube@有線電視 CABLE TV & 有線新聞 CABLE News)

訪問影片:

圖片來源:《手捲煙》電影截圖,youtube@有線電視 CABLE TV & 有線新聞 CABLE New,《黑社會》電影截圖,VIUTV截圖,ig@katung.lam,《樹大招風》電影截圖,資料或影片來源:有線電視 CABLE TV & 有線新聞 CABLE News

YOU MAY ALSO LIKE ...