鄭嘉穎「浪費時間論」再發酵 表弟王賢誌都割蓆暗寸雙面人? 湯洛雯都有回應

流行娛樂

廣告

54歲鄭嘉穎最近接受訪問時被問會唔會去好友馬國明的婚禮,點知鄭嘉穎竟回應「唔同階段做唔同嘅嘢,有啲嘢係要取捨」、「浪費時間」等言論,傳出2人不和的消息,引起網民熱討。其後事件再發酵,除咗連累老婆陳凱琳被鬧之外,就連表弟王賢誌似乎都割蓆暗寸雙面人? !

鄭嘉穎 王賢誌 仔仔一堂 王賢誌是鄭嘉穎表弟。
王賢誌是鄭嘉穎表弟。(圖片來源:IG@mrvinciwong)

王賢誌IG疑暗寸鄭嘉穎係雙面人

作為香港王氏企業的後人,王賢誌有不少的名人親戚,除了表哥鄭嘉穎外,向海嵐、周勵淇以及名模周汶錡等均是親戚之一。日前王賢誌在個人社交平台上載一則限時動態,表示:「始終都係日久見人心」、「幕前幕後兩個樣其實我早就見識過」,更稱已經沒有和「他」聯繫:「一早已經放棄同呢個人有任何聯繫」、「連朋友都講唔上」,疑似割蓆兼暗寸表哥鄭嘉穎是雙面人。

「始終都係日久見人心
幕前幕後兩個樣其實我早就見識過
所以一早已經放棄同呢個人有任何聯繫
如果問起我佢嘅嘢
Sorry佢唔係我邊個
連朋友都講唔上
千祈唔好問我」

鄭嘉穎 王賢誌 王賢誌在社交平台上載一則限時動態,疑似割蓆兼暗寸表哥鄭嘉穎。
王賢誌在社交平台上載一則限時動態,疑似割蓆兼暗寸表哥鄭嘉穎。(圖片來源:IG@mrvinciwong)
鄭嘉穎 王賢誌 王賢誌家世顯赫,在圈中有不少的名人親戚。
王賢誌家世顯赫,在圈中有不少的名人親戚。(圖片來源:IG@mrvinciwong)

湯洛雯懶理鄭嘉穎會唔會出席婚禮

而準新娘湯洛雯出席活動時,亦有回應未婚夫馬國明與鄭嘉穎的問題。湯洛雯表示的確有邀請鄭嘉穎出席婚禮,但是因為要離港和要照顧小朋友的原因,所以能理解鄭嘉穎未能出席。湯洛雯稱就算鄭嘉穎未能前來觀禮,亦不會影響婚禮進行,更大方表示回港後可以再約對方食飯。

鄭嘉穎 王賢誌 湯洛雯出席活動時表示理解鄭嘉穎未能出席的原因,亦直言不會影響婚禮進行。
湯洛雯出席活動時表示理解鄭嘉穎未能出席的原因,亦直言不會影響婚禮進行。(圖片來源:YouTube@TVB娛樂新聞台)

鄭嘉穎開口回應缺席「鐵馬」聚會真相句句有骨 曾多次被傳與馬國明不和!

鄭嘉穎、馬國明、黃嘉樂、唐詩詠和林子善等人早年因拍攝《鐵馬尋橋》而成為好友並組成「鐵馬家族」,時不時就搞聚會聯誼。早前唐詩詠就上傳了最新聚會合照,不過就不見「大哥」鄭嘉穎身影。其實鄭嘉穎已經不是第一次缺席聚會,早前鄭嘉穎就不和傳聞作出回應,不過就句句都超有骨…

鄭嘉穎 王賢誌 鄭嘉穎 《鐵馬尋橋》的部分主角們都因拍攝劇集而變熟,劇集播出超過13年都依然時不時搞聚會。
《鐵馬尋橋》的部分主角們都因拍攝劇集而變熟,劇集播出超過13年都依然時不時搞聚會。(圖片來源:TVB)
鄭嘉穎 王賢誌 鄭嘉穎 《鐵馬尋橋》亦是鄭嘉穎的代表作之一,「啊......」這一幕仍然是不少網民經常用的Meme圖!
《鐵馬尋橋》亦是鄭嘉穎的代表作之一,「啊……」這一幕仍然是不少網民經常用的Meme圖!(圖片來源:《鐵馬尋橋》劇照)

聞馬明傳峇里舉行婚禮即大耍太極:唔好再問

早前傳出馬國明將會與湯洛雯遠赴峇里舉行婚禮,當鄭嘉穎被問到會否出席婚禮時,鄭嘉穎就即刻話:「婚禮如果係香港就機會大啲嘅,但如果係外面,要離開香港,我就有啲窄窄地,因為就未必走得開啦。」當記者追問會否另外約馬國明出嚟祝賀其結婚,鄭嘉穎就話「自己有分數」,又問身旁曹敏莉「邊個電話響」避答問題。當記者嘗試打圓場問係唔係馬國明打嚟,鄭嘉穎就馬上回指:「佢話你唔好再問啦你,佢話你夠喇!」不少網民見到鄭嘉穎的回應,都紛紛留言指鄭嘉穎冇風度,又小家:「呢個男人好小氣! 更年期!每句說話都冇大將之風! 呸」、「做男人,做到咁冇風度,可能佢結婚時,馬明冇到或禮金少」、「鄭嘉穎真的沒有男人的風範」等。

鄭嘉穎 王賢誌 鄭嘉穎 鄭嘉穎講明如果馬國明婚禮係外地舉行,就未必有時間出席。
鄭嘉穎講明如果馬國明婚禮係外地舉行,就未必有時間出席。(圖片來源:Youtube@TVB 娛樂新聞台)
鄭嘉穎 王賢誌 鄭嘉穎 當記者繼續追問,就扮嘢問身旁曹敏莉係唔係有人電話響。
當記者繼續追問,就扮嘢問身旁曹敏莉係唔係有人電話響。(圖片來源:Youtube@TVB 娛樂新聞台)
鄭嘉穎 王賢誌 鄭嘉穎 仲直接同記者講「唔好再問」,被網民笑佢「太小家」。
仲直接同記者講「唔好再問」,被網民笑佢「太小家」。(圖片來源:Youtube@TVB 娛樂新聞台)

鄭嘉穎親揭缺席鐵馬聚會真相 回應句句有骨

唐詩詠早前上傳了「鐵馬家族」最新聚會合照,合照中可見馬國明、湯洛雯、林子善和唐詩詠等人都有出席,唯獨「大哥」鄭嘉穎就沒有現身聚會。對於多次缺席「鐵馬家族」聚會一事,鄭嘉穎早前出席活動時親口作出回應。鄭嘉穎回應指家庭和家庭都是常缺席聚會的原因之一,他又指發現人生到了一個不同的階段,每天就只有24小時,他直指假如是浪費時間的事都不會去做,會寧願將時間放在更值得的地方上。鄭嘉穎又坦言自己喜歡安靜的環境,一直都不怕孤獨,反而要去適應「熱鬧」,如果要想去湊熱鬧,都要視乎與誰一起去熱鬧。

鄭嘉穎 王賢誌 鄭嘉穎 「鐵馬家族」大部分都有出席,就連馬國明都有帶未婚妻湯洛雯出席聚會。
「鐵馬家族」大部分都有出席,就連馬國明都有帶未婚妻湯洛雯出席聚會。(圖片來源:IG@natalietong53)
鄭嘉穎 王賢誌 鄭嘉穎 鄭嘉穎回應指每日就只得24小時,要講時間放在用喺值得嘅地方!
鄭嘉穎回應指每日就只得24小時,要講時間放在用喺值得嘅地方!(圖片來源:IG@kevincheng_official)

回應與馬國明不和傳聞:有啲嘢係要取捨

當被問到與馬國明不和傳聞,鄭嘉穎就指大家都識咗咁多年,都冇話唔啱,只不過大家去到不同的階段,要去做不同的事情。鄭嘉穎亦指對方都會明白,有些事情是需要取捨的。

鄭嘉穎 王賢誌 鄭嘉穎 明明早幾年馬國明同鄭嘉穎依然攬頭攬頸。
明明早幾年馬國明同鄭嘉穎依然攬頭攬頸。(圖片來源:IG@natalietong53)
鄭嘉穎 王賢誌 鄭嘉穎 馬國明三年前同鐵馬家族聚會時仲攬住鄭嘉穎嗰仔,但三年後就突然反面!
馬國明三年前同鐵馬家族聚會時仲攬住鄭嘉穎嗰仔,但三年後就突然反面!(圖片來源:IG@natalietong53)

多次缺席鐵馬聚會 連黃家樂婚禮都無影

有網民發現自從2021年的新年飯局,鄭嘉穎就沒有再出現於「鐵馬家族」的聚會。「鐵馬家族」的馬國明、林子善都有擔任黃家樂婚禮的「兄弟團」,就連唐詩詠都超有義氣穿西裝反串做「兄弟」,但鄭嘉穎就連人影都唔見。

鄭嘉穎 王賢誌 鄭嘉穎 鄭嘉穎在2021年仲有帶老婆陳凱琳出席聚會,不過馬國明嗰年就冇出席。
鄭嘉穎在2021年仲有帶老婆陳凱琳出席聚會,不過馬國明嗰年就冇出席。(圖片來源:IG@natalietong53)
鄭嘉穎 王賢誌 鄭嘉穎 大家一齊打麻將好開心。
大家一齊打麻將好開心。(圖片來源:IG@natalietong53)
鄭嘉穎 王賢誌 鄭嘉穎 其後鄭嘉穎都少有出席「鐵馬家族」的聚會。
其後鄭嘉穎都少有出席「鐵馬家族」的聚會。(圖片來源:IG@natalietong53)
鄭嘉穎 王賢誌 鄭嘉穎 就連黃家樂的婚禮都冇出席。
就連黃家樂的婚禮都冇出席。(圖片來源:IG@natalietong53)

撰文:東方新地圖片來源:IG@mrvinciwong、YouTube@TVB娛樂新聞台、YouTube@TVB(official)資料或影片來源:原文刊於東方新地