陳豪

郭晉安認叻扯低陳豪口罩 埸面尷尬 惹網民怒轟

流行娛樂

廣告

陳豪一向出名愛妻,為咗家中妻兒,身為藝人的陳豪疫情時一直堅持做足防疫措施,上節目都會帶晒口罩,甚至早前因拍劇tvb疫情大爆發,亦會自行隔離以免傳俾家中妻兒。不過近日TVB舉行《周年慶典節目巡禮2022》訪問中,郭晉安似乎就拎呢樣嘢嚟玩,引起熱議!

陳豪 《東張西望》訪問時
《東張西望》訪問時(圖片來源:youtube@TVB USA Official)

郭晉安賴叻除陳豪口罩

TVB近日舉行《周年慶典節目巡禮2022》,推介嚟緊的重頭劇集以及綜藝節目,當日TVB小生花旦都齊齊出席,加埋都過百人。《東張西望》當時訪問3位視帝郭晉安、馬國明、陳豪,話題問想唔想拍情侶廣告等,只見連埋主持4人只有陳豪仍帶住口罩,而問到陳豪時,郭晉安突然伸手拉低陳豪的口罩,更加故作幽默「你係咪成日要做口罩廣告呢?係咪想接口罩廣告?」,然後陳豪即表露尷尬,郭晉安仍然唔肯放手,直到陳豪妥協表示「okok,撕開俾大家睇。」郭晉安仲對鏡頭表現興奮「Yeah!我終於除到佢口罩啦!」現埸眾人歡笑。

陳豪 郭晉安伸手除陳豪口罩
郭晉安伸手除陳豪口罩(圖片來源:youtube@TVB USA Official)
陳豪 郭晉安對鏡頭表現興奮「Yeah!我終於除到佢口罩啦!」現埸眾人歡笑。
郭晉安對鏡頭表現興奮「Yeah!我終於除到佢口罩啦!」現埸眾人歡笑。(圖片來源:youtube@TVB USA Official)

網民不滿:「咁大個人都無乜禮貌」

節目播出後,惹起網民不滿,不少觀眾質疑郭晉安的做法「陳豪好男人,到哪都戴口罩,保護家人」「咁大個人都無乜禮貌」「人地戴口罩想保護自己老婆仔女,阿旺都係做人老豆,自己唔戴罩咪算囉,做乜要搞x人」「唔好以為熟就乜都玩得先得架,咁大個人都唔化」「防疫x vs 反防疫x」

重溫胡定欣確診 陳豪露台生活

早前拍新劇《破毒強人》的胡定欣確診,令同劇男主角陳豪極度恐慌,疫情期間在家堅持戴口罩的他,防疫行動再度升級!與老婆陳茵媺分房瞓外,一日三餐及活動範圍亦只限於家中約50呎的露台!

陳豪 從陳茵媺放上社交網的照片可見,陳豪在露台的小枱上用餐。
(圖片來源:[email protected]_official)

常見問題

網民對郭晉安的做法有什麼意見?

節目播出後,惹起網民不滿,不少觀眾質疑郭晉安的做法…詳情請看

郭晉安如何扯低陳豪口罩?

在訪問時,問到陳豪時,郭晉安突然伸手…詳情請看

圖片來源:[email protected]_official,youtube@TVB USA Official

YOU MAY ALSO LIKE ...