邱傲然

[email protected]邱傲然自稱下弦鮮浪潮演講獲激讚 網民:Brian Cha都要跟佢學嘢

流行娛樂

廣告

MIRROR近兩年雄霸娛樂圈,十二位成員成績各異,一直被網民以受歡迎程度以及工作量去分成上弦及下弦,被封為下弦的隊長Lokman、Alton早前開腔回應,坦言唔開心好介懷此稱號﹗不過隊中年紀最細的Tiger(邱傲然)日前在頒獎禮上致辭,當眾以下弦來介紹自己,成段演講辭極精彩被大讚超高汁,網民指勁過收錢教人演講的Brian Cha多多聲﹗

邱傲然 Tiger邱傲然是MIRROR十二子中年紀最輕,下月23歲的Tiger比姜濤細三個月﹗
Tiger邱傲然是MIRROR十二子中年紀最輕,下月23歲的Tiger比姜濤細三個月﹗(圖片來源:IG@tiger_yny)

邱傲然:大家好,我係下弦嘅Tiger

Tiger邱傲然日前擔任《第16屆鮮浪潮國際短片節- 本地競賽》頒獎嘉賓,上台頒獎前先致辭,對住台下的導演杜琪峯、MakerVille行政總裁魯庭暉等發言,Tiger話:「呢排好多人搵MIRROR拍戲,當然係好事啦,佢哋好多時都係搵姜濤、Edan(呂爵安)、Anson Lo(盧瀚霆),AK(江熚生),會搵阿Jer(柳應廷)又或者Lokman(楊樂文),大多數都係搵上弦嘅人﹗知唔知咩係上弦呢?就係MIRROR十二個,多啲人識嗰六個就係叫上弦,冇咩人識嘅就叫下弦,所以下弦嗰啲好少人會搵佢哋拍戲,即係Tiger、Alton(王智德)、Frankie(陳瑞輝)嗰啲下弦﹗有見及此,我今日嚟其實就係尋求工作機會﹗大家好,我係下弦嘅Tiger ﹗」全場熱烈拍掌及歡呼聲﹗

邱傲然 杜琪峯上台致辭後,緊隨其後上台的Tiger,演講大受讚賞﹗
杜琪峯上台致辭後,緊隨其後上台的Tiger,演講大受讚賞﹗(圖片來源:FB@鮮浪潮直播截圖)

Tiger:冇機會就努力啲,有機會就盡力啲﹗

Tiger再解讀下弦出現嘅原因:「可能大家覺得我哋(下弦)冇作品點會得?冇作品即係冇人睇,冇人睇即係冇人氣,冇人你即係冇人知,OK﹗咁我就諗,冇作品畀你睇,即係冇睇到,咁點解你會知我哋唔得呢?」Tiger以一位23歲朋友作例子,指呢位朋友被老闆質疑其能力,Tiger話:「點解唔得呢?係咪未得呢?咪盡力試吓囉﹗」Tiger透露之後兩日收到大會邀請,感到相當驚訝不停反問自己:「我喎﹗要講嘢喎﹗我係sell唔講嘢㗎喎﹗但機會嚟到就盡力試,入行呢幾年知道冇機會就努力啲,有機會就盡力啲﹗」

邱傲然 Tiger指呢日嚟係搵工作機會﹗
Tiger指呢日嚟係搵工作機會﹗(圖片來源:FB@鮮浪潮直播截圖)
邱傲然 睇親YouTube都彈出嚟的Brian Cha,早前上咗阿Bob的《360秒人生課堂》﹗
睇親YouTube都彈出嚟的Brian Cha,早前上咗阿Bob的《360秒人生課堂》﹗(圖片來源:IG@brian_cha)

捉緊機會宣傳新劇

Tiger更趁機宣傳新劇:「我有份演嘅新劇《死角》嚟緊10月播,呼籲吓大家到時可以多啲留意劇中一位長髮男子,再去決定佢得唔得﹗」Tiger呢份演講獲大家讚好,花姐都轉發畀Like,獲網民一致激讚「好有激勵性﹗」、「呢種自嘲式演講夠貼地好有說服力﹗」、「勁過Brian Cha啲呃錢堂多多聲」、「正面版Brian Cha」、「專業的speech,以前畀錢去學都係學呢啲技巧,同觀眾有互動,有停頓思考位,又鋪排過,好激勵人心﹗sell唔講嘢嘅Tiger原來咁有腦仲咁識講嘢﹗」

邱傲然 Tiger曾在MIRROR演唱會中騷肌﹗
Tiger曾在MIRROR演唱會中騷肌﹗(圖片來源:IG@tiger_yny)
邱傲然 Tiger同Lokman曾一起拍攝銀行廣告﹗
同被稱為下弦的Tiger同Lokman曾一起拍攝銀行廣告﹗(圖片來源:IG@tiger_yny)

上下弦源於動漫《鬼滅之刃》﹗

MIRROR之所以有「上弦、下弦」之分,是沿於日本人氣動漫《鬼滅之刃》故事中,反派入面共有十二位Boss級壞人,他們有實力高低的排位,主要分為「上弦」「下弦」兩批。恰巧與MIRROR人數一樣,因此被網民用作區分MIRROR十二子的「能力等級」。

邱傲然 MIRROR十二子被外界分為上弦及下弦﹗
MIRROR十二子被外界分為上弦及下弦﹗(圖片來源:IG@tiger_yny)

Frankie:叫我咩都冇所謂﹗

被稱為「下弦」的Tiger、Frankie、Stanley(邱士縉)、Alton、Lokman同Jeremy(李駿傑)都各自發表過感受﹗經理人花姐都承認呢個殘酷現實,並指並非一件壞事,因為要知自己定位同時可以有目標去努力﹗在《IT狗》飾演「冇say」Never嘅Frankie就表示在《全民造星》時,姜濤已經人氣勁,直指如果成員之間有芥蒂早已經有,所以唔太理會別人的稱號,直言「人哋叫我咩都冇所謂㗎﹗」最緊要對得住自己﹗

邱傲然 Frankie在《IT狗》飾演Never而成功入屋﹗
Frankie在《IT狗》飾演Never而成功入屋﹗(圖片來源:IG@frankie729)

Stanley自比梁朝偉?﹗ 努力擺脫下弦

Stanley回應下弦時就話若將他跟姜濤、Anson Lo比較,自己就當然唔似偶像派,所以自己努力向當演員,因為做演員要靠人生歷煉,所以唔介意花時間向演員之路進發,更以梁朝偉作例子,指對方不是姜濤的偶像派,但在街上遇見梁朝偉,大家都會大叫「嘩」,又指如果MIRROR十二個成員都係姜濤就唔好睇﹗

邱傲然 Stanley
Stanley(圖片來源:IG@stanleysc_)

隊長Lokman:個心好唔舒服

Lokman就坦言聽到此稱號時個心感到好唔舒服,但無奈又要接受這正是反映現實,又指自己會努力走上上弦﹗

邱傲然
(圖片來源:ViuTV《IT狗》劇照)

Alton:我最叻調整心態﹗

而Alton亦曾表示被封為下弦時,感到好介意會唔開心,但好快提醒自己要清醒,努力工作才最實際,唔想受這些稱號影響工作表現,直指好叻調整心態﹗

邱傲然 Alton
Alton(圖片來源:IG@altonwongz)

常見問題

Tiger對下弦有什麼解釋?

Tiger再解讀下弦出現嘅原因:「可能大家覺得我哋(下弦)冇作品點會得?冇作品即係…詳情請看

網民對Tiger有什麼意見?

網民一致激讚「好有激勵性﹗」、「呢種自嘲式演講夠…詳情請看

圖片來源:FB@鮮浪潮直播截圖、IG@tiger_yny

YOU MAY ALSO LIKE ...