裝假狗

內地熱播新劇《馭鮫記》迪麗熱巴任嘉倫被爆身材唔掂要裝假狗?

流行娛樂

廣告

改編自九鷺非香的同名小説《馭鮫記》係內地熱播。由迪麗熱巴出演半仙半妖禦靈師「紀雲禾」,以及任嘉倫飾演的鮫人「長意」,展開一段人妖戀故事。劇中有唔少展露身材嘅絕世畫面,令一眾網民大飽眼福,不過近日眼利嘅網民發現男主角任嘉倫疑似裝假狗?!

裝假狗
(圖片來源:《馭鮫記》宣傳海報)

拍劇唔夠時間肌操肌要裝假狗?

任嘉倫飾演嘅人魚因需要成日赤裸上身。為博眼球,完美身材無可避免。圖中可見,任嘉倫擁有健碩既肌肉、線條明顯,一塊塊巧克力引人入勝。不過就因為咁完美嘅身材,反而引起網民的質疑!眼利網民即刻到處搵出破綻,係拍攝花絮影片發現身穿低胸服裝既任嘉綸,佢嘅頸部出現與本身皮膚唔同顏色嘅分界線。網民從有湖水背景推測,佢當時應該拍攝緊從湖水浮出水面嘅一幕。唔少網民紛紛留言諷刺劇集廉價和劣質,甚至認為任嘉倫唔敬業,竟然係裝假狗著肌肉衣!

裝假狗 任嘉倫飾演嘅人魚因需要成日赤裸上身
任嘉倫飾演嘅人魚因需要成日赤裸上身(圖片來源:《馭鮫記》截圖)
裝假狗 網民係拍攝花絮影片發現身穿低胸服裝既任嘉綸,佢嘅頸部出現與本身皮膚唔同顏色嘅分界線
網民係拍攝花絮影片發現身穿低胸服裝既任嘉綸,佢嘅頸部出現與本身皮膚唔同顏色嘅分界線(圖片來源:微博@雪姨别敲门)

導演親應承認著肌肉衣!

其後,導演特意就此回應,原來真係著咗肌肉衣!不過佢表示任嘉倫著肌肉衣只係因為想將魚尾做大一啲,配合身材和魚尾比例先會著,而且當時拍攝係夏天,天氣非常炎熱,著穿肌肉衣拍攝亦非常辛苦吃力。

裝假狗
(圖片來源:《馭鮫記》截圖)

裝假狗係潮流?全身上下都係假!

今次裝假狗事件並非第一次發生。楊洋在《特戰》亦比細心既網民發現疑似用假博頭。楊洋後背有明顯既假體突起。病人服亦可見與本身皮膚唔同顏色既分界線。

裝假狗 楊洋在《特戰》亦比細心既網民發現疑似用假博頭
楊洋在《特戰》亦比細心既網民發現疑似用假博頭(圖片來源:微博@剧综剪刀手)

知名內地女星楊冪都裝假狗?

早前,亦有網民發現女星楊冪係某個頒獎典禮都疑似著假屁股!眼利網民發現楊冪屁股位置好奇怪,仔細一看甚至見到屁股移曬位。

裝假狗 楊冪疑裝假屁股
楊冪疑裝假屁股(圖片來源:微博@这个综艺我看行)
裝假狗
(圖片來源:淘寶)

假身材道具係網上賣到成行成市,係購買網站都可以輕易搵到肌肉衣、提臀內衣、肩墊等裝假狗道具。價錢30人民幣到1000人民幣不等。甚至可以揀唔同膚色,真係可以一秒變型男美女。

圖片來源:《馭鮫記》宣傳海報, 微博@雪姨别敲门, 微博@中新文娱, 微博@剧综剪刀手, 微博@这个综艺我看行, 淘寶

YOU MAY ALSO LIKE ...