賴彥妤

落選港姐賴彥妤訪問郭富城又出醜 被城城秒速指正 無帶腦返工非首次

流行娛樂

廣告

郭富城日前出席商場聖誕亮燈儀式,無綫娛樂台派出主持賴彥妤訪問,卻出醜於人前,被城城秒速更正時,仍然反應不來。28歲賴彥妤是去年落選港姐,擁雙碩士學位,原來非首次無帶腦返工,上次訪問姜麗文犯上更嚴重錯誤,被網民嘲高分低能。

賴彥妤 賴彥妤愛在社交網晒長腿。
賴彥妤愛在社交網晒長腿。(圖片來源:IG@vivianlai0824)

直播影住賴彥妤訪問前只顧照鏡

日前郭富城擔任亮燈嘉賓,無綫相當重視,娛樂新聞台全程直播整個活動,儀式完結電視台等候做訪問時,由於一直未熄機,見到賴彥妤只顧不停照鏡整理儀容,未有跟撰搞員或行家交流,明知是直播還對鏡頭擺鬼臉,心情輕鬆之外,估唔到亦腦輕鬆。

賴彥妤 等待報紙記者訪問郭富城期間,賴彥妤全程只顧儀容,未見有任何為訪問準備。
等待報紙記者訪問郭富城期間,賴彥妤全程只顧儀容,未見有任何為訪問準備。(圖片來源:無綫娛樂新聞台直播截圖)
賴彥妤 明知直播進行中,賴彥妤只對鏡頭擺甫士,扮鬼臉。
明知直播進行中,賴彥妤只對鏡頭擺甫士,扮鬼臉。(圖片來源:無綫娛樂新聞台直播截圖)

郭富城回帶再講一次

郭富城訪問時被問到聖誕節會如何安排,他表示應該會有一至兩天假期,會在派對中扮聖誕老人外, 又指自己作為父親,會帶家人到該商場打卡,因為商場內有很多女兒喜歡的獨角獸裝飾。郭富城答完會帶家人來打卡唔夠三秒,無綫主持賴彥妤就問:「會唔會帶埋小朋友嚟…」即被城城秒速回覆稱剛才已答過,賴彥妤卻不懂反應,郭富城回帶再講一次,對眼望到實賴彥妤,而賴好似被迷住一樣,只是心心眼望住城城不懂反應。被城城「我頭先講咗囉」一句KO的賴彥妤,被網民笑她「金魚記憶」、「無帶腦返工」、「暫時性失聰」、「好在城城好脾氣高EQ」等。

賴彥妤 賴彥妤訪問又出醜!
賴彥妤訪問又出醜!(圖片來源:娛樂新聞台截圖)

之後郭富城回應出席台慶一事,他指自己是TVB出身,今年又是台慶55周年,好多前輩及他尊重的老師當晚都係在場,但詳情就留番TVB公布,其實默認會出席,但賴彥妤卻再追:「即係你confirm會出席台慶?」郭富城勁有風度答到時大家咪知名囉打圓場,原來賴彥妤仲有一單更經典的「訪問事故」!

賴彥妤 郭富城立即指正,賴彥妤似乎被電暈,反應不來!最後城城回帶再將訪問內容再講一遍。
郭富城立即指正,賴彥妤似乎被電暈,反應不來!最後城城回帶再將訪問內容再講一遍。(圖片來源:娛樂新聞台截圖)

賴彥妤訪問姜麗文犯上災難級錯誤

賴彥妤今年訪問在《愛回家》演工人姐姐「Lisa」爆紅的姜麗文時,出現更嚴重的錯誤。今年5月,賴彥妤訪問姜麗文時一再追問,如何跟媽媽慶祝母親節。而姜麗文1歲時遭生母梁子盛遺棄,自小與哥哥姜文杰由父親秦沛湊大,生母並於16年在加拿大因腦溢血猝逝,只要稍為有做功課都知道。

姜麗文 主播賴彥妤提問後,即被其他工作人員提醒這個問題對姜麗文並不恰當。
主播賴彥妤提問後,即被其他工作人員提醒這個問題對姜麗文並不恰當。(圖片來源:[email protected] 娛樂新聞台)

姜麗文高EQ回應化解尷尬

姜麗文被賴彥妤一問之下,沒有顯露不滿或尷尬:「我哋屋企傳統係幾搞笑,反而父親節會同媽咪(繼母)一齊慶祝,因為細個嘅時候,爸爸要飛來飛去做嘢,媽咪基本上係做咗爸爸嘅角色;而母親節係同爸爸慶祝,因為有好幾年爸爸做單親爸爸,因為爸爸今年喺香港,所以會喺哥哥屋企煮餐飯畀佢食,而我亦DIY做咗小小禮物畀佢,呢度唔講賣個關子!」

姜麗文 看賴彥妤當場的反應,一對驚慌眼望住鏡頭,不過姜麗文好專業,唔止冇尷尬,仲答得好大方。
看賴彥妤當場的反應,一對驚慌眼望住鏡頭,不過姜麗文好專業,唔止冇尷尬,仲答得好大方。(圖片來源:[email protected] 娛樂新聞台)

有片!姜麗文以高EQ應對低質主持!

賴彥妤 雙碩士港姐

賴彥妤畢業於英國高雲地利大學法律系碩士,擁兩個碩士同深造文憑學位,19年參加英國華裔小姐攞冠軍,21年參選香港小姐時被封「英國學霸」,不過最後28強止步,其愛好是跳拉丁舞、滑水及畫畫,更有八級鋼琴資格,絕對是內外兼備。選美魂不死,月前再參加《香港小姐再競選》。

姜麗文 賴彥妤去年參選港姐時的官方照。
賴彥妤去年參選港姐時的官方照。(圖片來源:[email protected]

對Body充滿信心又選港姐

落選港姐黃婉恩 受訪者馬時亨:你連名都講錯!

無綫近年安排不少落選港姐加入《娛樂新聞台》或《東張西望》做外景主持,不時因口才或身材成為焦點。20年落選港姐黃婉恩(Yancy)今年1月採訪馬時亨主持的新節目《馬時亨名人堂》以及節目嘉賓林子祥,鬧出笑話更經典。黃婉恩Yancy:「Hello兩位,今日想知點解馬善行會邀請呢…」馬時亨即反問:「馬咩?」黃婉恩答「馬時行」,馬時亨笑笑口:「唔係,咪住,講錯名呀,你連名都講錯,哈哈哈…你一定要cut咗再嚟過﹗」黃婉恩答:「冇問題冇問題﹗」

賴彥妤 黃婉恩訪問馬時亨及林子祥時,連番叫錯馬時亨個名,馬時亨雖然笑笑口,但就叫停訪問,唔想出錯﹗
黃婉恩訪問馬時亨及林子祥時,連番叫錯馬時亨個名,馬時亨雖然笑笑口,但就叫停訪問,唔想出錯﹗(圖片來源:無綫娛樂新聞台截圖)

黃婉恩叫唔出林子祥個名

被馬時亨叫停訪問再重來,黃婉恩未有更正正確全名,索性用「馬生」稱呼﹗黃婉恩問:「兩位好,想知今日馬生點解會邀請阿阿阿…特別嘉賓嚟嘅?」完全叫不出林子祥或阿Lam,相當失禮﹗阿Lam變成阿阿阿嘉賓﹗而黃婉恩對馬時亨主持的新節目未有多提及,不停重覆問了「係咪經常約埋打波?」、「大家會唔會講吓波經?」、「會唔會分享吓大家嘅故事?」、「新年會點過?」等,雖然問題唔夠深入,馬時亨及林子祥都好用心盡量多答幾句,以免訪問有dead air尷尬場面﹗

賴彥妤 馬時亨面對黃婉恩的不專業,仍然笑笑口表現大方,不過阿Lam林子祥就有啲尷尬﹗
馬時亨面對黃婉恩的不專業,仍然笑笑口表現大方,不過阿Lam林子祥就有啲尷尬﹗(圖片來源:無綫娛樂新聞台截圖)

「竟然唔知馬時亨同曾志偉係兩老表,入硬雪櫃」

直播訪問出街後,成為網上熱話,網民指指黃婉恩不專業又不尊重嘉賓「採訪前做功課係基本﹗」、「佢都三張啦,點會唔識林子祥呀?」、「竟然唔知馬時亨同曾志偉係兩老表,唔使照肺,直接入ICU﹗」、「唔知馬時亨係前高官都唔緊要,唔知佢係曾志偉表哥就大件事,入硬雪櫃﹗」

賴彥妤 黃婉恩2020年參選港姐打入十強,簽約成為無綫藝員,以主持工作為主﹗
黃婉恩2020年參選港姐打入十強,簽約成為無綫藝員,以主持工作為主﹗(圖片來源:IG@yancy)

常見問題

農曆新年有什麼好去處及必買必食優惠推介?

農曆新年必定要和朋友、家人及另一半觀賞電影消閒一番,今年香港有4大超強卡士賀歲電影,一齊笑住過新年!視覺滿足完後,味覺都需要被滿足,為你整合新年盆菜外賣直送年糕優惠推介2023。如果想親自出馬,我們更為你準備了蘿蔔糕3大食譜黃金糕食譜,內藏黃金比例竅門,絕對必看!值得注意的是滙豐、中銀、渣打銀行可換新銀紙,即看:換新鈔及迎新鈔預約連結

2023上半年度演唱會多鑼鑼,有咩搶飛攻略?

隨著疫情過去,有不少歌手宣布舉辦演唱會,例如:陳奕迅演唱會「放寬位」購票連結周杰倫演唱會Twins演唱會鄭秀文演唱會Clockenflap梁詠琪演唱會鄭欣宜演唱會!為你整合了香港演唱會一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

圖片來源:無綫娛樂新聞台直播截圖、IG@vivianlai0824、IG@yancy

YOU MAY ALSO LIKE ...