谷婭溦新歌《我管你》勇敢面對網絡欺凌：「愛惜自己不為他人傷害自己」
廣告
香港歌手谷婭溦於11日到訪新城廣播，宣傳她的最新單曲《我管你》。谷婭溦在早年遭受網絡欺凌，一度陷入抑鬱並產生自殺念頭。她透過這首新歌，希望能夠鼓勵大家珍惜自己。「我都想話俾大家知，一定會有人鍾意你同唔鍾意你，你唔好為嗰啲唔鍾意你嘅人傷害自己，佢都唔鍾意你，根本唔會在乎你所有好與壞，或者對你傷害有幾大，咁點解你要為傷害你嘅人折磨自己？」
從自殺邊緣走回生活的光明面
谷婭溦坦承，在最初遭遇網絡攻擊時，她選擇將自己隱藏起來，不斷吸收負面能量，情緒問題隨之而來。在情緒最為低落的時候，她甚至考慮衝出馬路自尋短見。「當你跌入呢個洞時，會出現好多聲音，所有唔好嘅嘢會喺耳邊不停鬧你，鬧你垃圾、癈、滾啦。後尾我離開咗香港半年，去咗北京中央戲劇學院讀戲劇，有個課程叫解放天性，讀完之後開始知道點發洩負能量。」她解釋，雖然當時有尋求情緒科醫生的幫助，但真正的康復還是需要患者自己來實現。「因為你先係主導，如果你跌咗入個洞但唔願意爬番出嚟，都冇人可以救到你，你自己先可以救到自己。」
