譚詠麟

譚詠麟狠批年輕人唔捱得苦 怪罪一孩家庭育成溫室小花

流行娛樂

廣告

譚詠麟之前長駐內地,一度捲入桃色風波,被指疑似「食粉絲」,近來「回流」香港,原來為宣傳新碟,71歲的譚詠麟眼見近年年輕歌手相繼彈出,香港樂壇終於有番起色,譚校長上身教訓下一輩,狠批年輕人唔捱得苦,唔似得佢嗰輩要食盡苦頭先捱出成績嚟喎﹗

譚詠麟想當年捱盡苦頭 喺樂壇捱到5年先叫開始﹗

以前成日講香港樂壇一池死水,近年新一輩歌手彈出終於打破「樂壇已死」宿命,不過譚詠麟就話演藝圈好現實,不進則退,能夠喺樂壇企穩五年先至叫做開始喎,佢仲話想當年做新人時吃盡苦頭,習慣瞓唔超過四小時,又試過一個暑假拍了七部電影,連瞓覺時間都冇,佢話真係一啲都唔容易﹗

譚詠麟 年輕人 一孩家庭
譚詠麟話自己縱橫樂壇幾十年,仍然堅持出碟,因為永不言休,仲話咁多年已習慣了工作模式,仲話覺得瞓覺好浪費㖭﹗(圖片來源:微博@譚詠麟)

譚詠麟指一孩家庭惹的禍﹗

譚詠麟話當年嘅同時,就慨嘆現今年輕一代同佢後生嗰時差好遠,以前嗰代個個家庭成員眾多,習慣在競爭環境下成長,但依家大部份家庭都只有一名子女,小朋友萬千寵愛在一身,個個溫室長大一樣,自然經不起考驗同風浪,莫講話遇到困難好易就放棄,就算面前有個好機會都未必會好好把握﹗直指一孩家庭容易縱壞下一代,愛佢等如害佢﹗譚詠麟話唔同佢哋以前資源缺乏,對任何機會都唔會輕易放棄咁話﹗

譚詠麟 年輕人 一孩家庭
譚詠麟現身《聲生不息》第十集,演唱自己首歌《無言感激》﹗(圖片來源:微博@聲生不息)

網民:原來唔只得一個仔?

譚詠麟振振有詞去講大道理,佢話無非想鼓勵年輕人要成功就唔好放棄喎﹗之不過大家就唔係咁睇囉,對譚詠麟提及一孩家庭會孕育出溫室港孩的言論,網民反應極大,質疑他的兒子譚曉風也是獨子,有網民神回:「佢係咪篤爆自己唔止得一個仔?」、「我唔信佢得一個仔囉﹗」、「唯一獨生子,但有很多私生子﹗」、「所以佢鋪路爆原來兒女成群?」等等﹗

譚詠麟 年輕人 一孩家庭
以往經常避談兒子譚曉風的譚詠麟,2017年譚曉風在英國牛津碩士畢業,阿倫就忍唔住在社交網開心share兒子背影,不過仍將兒子容貌保持神秘!(圖片來源:微博@譚詠麟)
譚詠麟 年輕人 一孩家庭
譚曉風隨即被揭真面目,與譚詠麟後生如餅印﹗(圖片來源:新傳媒圖片庫)
譚詠麟 譚詠麟近日分享早年登上日本雜誌,後生時同阿仔曉風成個餅印﹗
譚詠麟近日分享早年登上日本雜誌,後生時同阿仔曉風成個餅印﹗(圖片來源:微博@譚詠麟)
譚詠麟 年輕人 一孩家庭
譚詠麟穿上兒子的畢業袍,個樣幾咁以子為榮﹗(圖片來源:微博@譚詠麟)

努力「扶正」二奶Wendy

「元配」莎莉(楊潔薇)忍辱半生,「二房」Wendy長年背上二奶惡名,兩個女人背負同樣沉重。對莎莉的虧欠,譚詠麟今生無法彌補,對Wendy母子,阿倫仍可盡力補償。近年更逐步將Wendy情人知己身份浮面,大時大節帶兩母子外遊,閒時與Wendy拍拖飲茶,不避嫌公開談論愛兒曉風,2011年譚詠麟的生日宴上,Wendy以主人家身份現身,扶實譚母,身份得以肯定﹗

譚詠麟 年輕人 一孩家庭
譚詠麟多年來一直對二奶Wendy及兒子行蹤相當保密,早年曾影到Wendy與曉風飯後扶實譚詠麟媽媽﹗(圖片來源:新傳媒圖片庫)
譚詠麟 年輕人 一孩家庭
譚曉風與祖母﹗(圖片來源:新傳媒圖片庫)
譚詠麟 譚詠麟壽宴上,彭健新都有出席﹗
譚詠麟壽宴上,彭健新都有出席﹗(圖片來源:新傳媒圖片庫)

讚兒子遺傳自己優良基因

譚詠麟之前在訪問中再次提及兒子,指曉風早畢業所以已出來社會工作,又話勸兒子要以事業為重,提到個仔就讚口不絕,仲話個仔待人接物好好,因為有佢的優良基因喎﹗

關鍵詞
譚詠麟
圖片來源:微博@譚詠麟,新傳媒圖片庫,lihkg討論區截圖

YOU MAY ALSO LIKE ...