譚小環、渣哥睇舞台劇嫌林雪阻住 事後渣哥笠水自認「渣仔」

譚小環、渣哥睇舞台劇嫌林雪阻住 事後渣哥笠水自認「渣仔」

譚小環與老公蔡強榮(渣哥)婚後一直Sweet爆,雖然夫妻同心打理餐廳好忙,但都會抽時間拍拖出席活動。日前二人就齊齊去睇《大MK日》,小環與渣哥先後在社交網上載與林雪及一女友人的合照,渣哥更笑言本身見坐正他前面的男子遮住晒想發爛渣,點知發現原來是林雪後,自已即時笠水!

撰文:東方新地 |圖片:渣哥Facebook、譚小環Facebook、東方新地 |編輯:Bonita|原文刊於:東方新地

譚小環興奮睇舞台劇

譚小環數年前搖身一變成為「魚蛋皇后」,獲老公蔡強榮(渣哥)打本過百萬轉投飲食界,現為小食店「渣哥一九九六」及手工藝店「Day by Day 手作素材店」老闆娘,去年起更開設茶餐廳「大渣哥茶記」,凡事親力親為的小環,百忙中偷閒與老公渣哥去捧林日曦場,欣賞舞台劇《大MK日》。

譚小環
譚小環這日去睇舞台劇《大MK日》。(圖片來源:譚小環fb)
譚小環
林日曦主演的《大MK日》。(圖片來源:譚小環fb)

譚小環老公有投訴

譚小環在社交網出post表示有得睇舞台劇好興奮,兩公婆更先後出post上載同一張合照,相中除了夫婦二人,還有林雪及一名女友人。而渣哥就留言表示:「我喺MK蒲咗咁多年,正想發爛渣邊個咁夠薑坐正我前面仲要咁大隻遮住哂,你怒眉吖…原來係雪哥,幸會幸會,細佬渣仔呀!」

譚小環
譚小環與老公渣哥在現場巧遇林雪坐在他們前面。(圖片來源:譚小環fb)
譚小環
譚小環老公渣哥在其fb專頁內留言本想向遮住佢的林雪發爛渣。(圖片來源:渣哥fb)

見林雪即縮沙

好彩渣哥冇輕舉妄動,望清楚前面原來是林雪,最後仲一齊開心合照。網民睇完張相同留言,笑言渣哥遇到林雪即變成渣仔,仲有人話林雪冇當場問候渣哥已經算係畀足面對方。

譚小環睇舞台劇 老公渣哥嫌前排林雪阻碇 網民:雪哥冇問候你算畀足面!
(圖片來源:Facebook 截圖)
譚小環睇舞台劇 老公渣哥嫌前排林雪阻碇 網民:雪哥冇問候你算畀足面!
(圖片來源:Facebook 截圖)
譚小環睇舞台劇 老公渣哥嫌前排林雪阻碇 網民:雪哥冇問候你算畀足面!
(圖片來源:Facebook 截圖)
譚小環睇舞台劇 老公渣哥嫌前排林雪阻碇 網民:雪哥冇問候你算畀足面!
(圖片來源:Facebook 截圖)

譚小環息影後轉型

2012年宣佈息影的譚小環,首先寓工作於興趣,在銅鑼灣開設手工藝樓上舖,14年再染指飲食界與老公合作開始小食店賣魚蛋、燒賣,之後分店愈開愈多,去年初首間茶餐廳亦正式開幕。不過在疫市下,開了7年位於銅鑼灣的小食店,於今年已宣布結業。

譚小環
譚小環與老公蔡強榮(渣哥)近年專注搞飲食,對於銅鑼灣店結束,小環說:「這間店是我第一個『BB』,2014年至今經過幾個階段,亦為我的人生帶來轉捩點,起初抱住玩票性質開業,現在變成主打生意,是意外收穫,我和街坊感不捨,不過我還有其他分店為大家服務。」(圖片來源:譚小環IG)
譚小環
小環決定轉行賣魚蛋後,日做八粒鐘,唔介意被叫魚蛋妹,辛苦經營賣魚蛋終於捱出頭,大家以為小環這個老闆娘可以唔使做只係收錢,但她堅持事事親力親為。 (圖片來源:東方新地)

旺角「加盟店」做唔住

譚小環18年接受傳媒訪問時透露,數間「渣哥」都是自己舖,只有17年才開張的旺角店是「加盟店」,該店是由數個年輕人付數十萬作為加盟費,17年底才開業,而「渣哥」就提供一定的服務。在譚小環的個人Facebook專頁就上載相片,她曾為該加盟店做宣傳。可惜該店生意冇預期中好,加上該店租金貴,東主冇耐性守業,最後在打和情況下選擇結業離場。雖然加盟店同「渣哥」簽了兩年合約,本應要每月繼續交加盟費用,但小環決定唔收佢哋錢。

譚小環
譚小環曾為旺角的「加盟店」做宣傳,對於該店執笠感到相當可惜!(圖片來源:譚小環fb)
譚小環
身為老闆娘的譚小環,非常親民。(圖片來源:東方新地)
譚小環
譚小環於銅鑼灣開的小食店深受年青人歡迎,不過今年初已結業。(圖片來源:東方新地)

YOU MAY ALSO LIKE ...