許廷鏗

熊館︳許廷鏗爆做TVB歌手奇怪潛規則 mon住連登負評!

流行娛樂

廣告

許廷鏗接受YouTube頻道熊仔頭訪問,在熊仔頭引領下,不但有問必答,更超出自己想像講出不少真話。在訪問中許廷鏗提及以前在無綫當歌手的不合理事,又直認在意網民留言,十分留意連登討論區,在眾多負評當中,最介意被話以為自己同張敬軒同level,去提攜新人!

許廷鏗
(圖片來源:YouTube@FHProductionHK影片截圖)

熊仔頭驚訝許廷鏗想一直做偶像歌手

在訪問初熊仔頭同許廷鏗熱身,問佢靚仔喺娛樂圈有無著數?一出道被封為「將軍澳吳尊」的許廷鏗真認較有著數,熊仔頭問佢當唔當自己仲係一個偶像歌手?出道十三年的許廷鏗竟然答好想可以繼續做偶像歌手:「實力歌手要講嘅就已經譖啦,唱到唔走音又唱得好,呢啲係歌手基本!」即被熊仔頭笑估佢唔到由始都終都想當偶像歌手,許廷鏗一臉尷尬話:「因為知自己甩緊呀嘛!」隨即被熊仔頭問:「你知唔知近年被人話肥咗先?」許廷鏗更老尷:「唔係聽講,係知嘅!」

許廷鏗
(圖片來源:YouTube@FHProductionHK影片截圖)
許廷鏗 許廷鏗指以前答記者問題會小心翼翼,比較客套,一來是公司教導之下,二來是不想令身邊工作人員增添煩惱,又怕會令公司蒙羞!
許廷鏗指以前答記者問題會小心翼翼,比較客套,一來是公司教導之下,二來是不想令身邊工作人員增添煩惱,又怕會令公司蒙羞!(圖片來源:YouTube@FHProductionHK影片截圖)

許廷鏗大爆TVB當歌手不合理事 毅然離巢

其後許廷鏗提及為何自己開公司,自己捧自己:「因為喺電視台做一個歌手好奇怪,點解唔講得?如果唔係我嗰時點解搵唱片公司啫﹗我嗰時啲歌好亂,喺TVB後期,有時係我自己想做,有時就係啲劇集嘅片尾曲,啲觀眾唔知我做緊乜。其實我做緊大碟嗰啲錢,係因為劇集用剩啲錢,先可以做碟囉,原來係要喺一啲肥水流田之後濕腳嘅位,我先可以用嚟做自己想做嘅音樂,跟住我覺得唔得喇,我真係想做音樂。」

許廷鏗 自己開公司的許廷鏗,大爆昔日經歷。
自己開公司的許廷鏗,大爆昔日經歷。(圖片來源:YouTube@FHProductionHK影片截圖)
許廷鏗 大爆TVB做歌手的奇怪又不合事!
大爆TVB做歌手的奇怪又不合事!(圖片來源:YouTube@FHProductionHK影片截圖)
許廷鏗 許廷鏗想做好音樂,而不是劇集片尾曲歌手!
許廷鏗想做好音樂,而不是劇集片尾曲歌手!(圖片來源:YouTube@FHProductionHK影片截圖)

身兼牙醫、歌手太辛苦 一度萌生退出娛樂圈

許廷鏗又話開公司有一個少少宏念,就係在自己還有能力下,做多點事,但許廷鏗自言都要付出,因為身兼兩職藝人及牙醫,休息時間不足,經常忽然斷電,更一度令他萌生不如專注做牙醫算,至少無咁吃力,熊仔頭就問:「做歌手咁藝術家,但你做牙醫時要咁理性,你做牙醫時會開心咩?」許廷鏗答能醫到人係好開心同好滿足,熊仔頭反問周街牙醫,人地自然有人幫,勸佢專心音樂事業,許廷鏗一臉為難:「但我識,我唔做,又過唔到自己嗰關!呢個就係個屎忽位囉,但有時又會諗我咁辛苦做乜鬼嘢?」熊仔頭笑佢:「即係幫到人就幫嗰種,醫者父母心!」許廷鏗點頭和應!

許廷鏗
(圖片來源:YouTube@FHProductionHK影片截圖)

熊仔頭寸爆:古天樂幫咁多人,唔使自己出聲嘅!

熊仔頭再話:「講咗咁耐都唔知你想表達乜乜乜,原來係無厘頭到想幫多啲人!你係咪驚講呢啲嘢出嚟,會被人話懶偉大?」許廷鏗答係,更表示近來正審視自己呢種行為是否正確:「因為睇到啲留言,有個po將我同張敬軒比較,以為我成日覺得可以軒仔咁樣,去提攜樂壇新人,但大家明明唔同級數,身份地位完全不同層次。」許廷鏗表示正審視自己未來點做:「我又唔會唔幫,或者做完唔好畀人知,唔好講出嚟。呢個世界有個說法係做善事係最難,做一啲冇自己私慾去做嘅嘢,啲人就會諗好多嘢出嚟!」熊仔頭即笑佢:「古天樂夠幫得人多啦,佢自己唔講,人哋講出嚟㗎嘛!」

許廷鏗 許廷鏗認為助人為快樂之本。
許廷鏗認為助人為快樂之本。(圖片來源:YouTube@FHProductionHK影片截圖)
許廷鏗 張敬軒曾邀請許廷鏗任演唱會嘉賓。
張敬軒曾邀請許廷鏗任演唱會嘉賓。(圖片來源:大會提供)
許廷鏗
(圖片來源:大會提供)

大爆圈中男藝人癖好

除了講啲正經嘢,許廷鏗更爆圈中男藝人癖好,熊仔頭稱自己有失眠,許廷鏗關切問他知唔知咩原因,問佢係咪睡前經常諗好多嘢,熊仔頭話睡前只會睇AV,許廷鏗即大爆一位圈中男藝人有一個解決失眠良方,爆對方會自我解決令自己精盡人亡,許廷鏗笑住話:「佢以親身經歷同我講,佢話呢個係一個膠誤,整完又要抺又盛,成個人都醒晒啦,所以佢之後就整完即刻瞓。」

常見問題

FH熊仔頭新片疑似曝光真樣?

YouTube頻道FHProductionHK 的「熊仔頭」向來拍片出名都是帶頭套不露樣子。有網民發現FHProductionHK新上載的影片,疑似意外曝光「熊仔頭」樣子(附圖片)。

網民對「熊仔頭」疑似真樣有什麼看法?

不少網民看到疑似「熊仔頭」的樣子後,紛紛表示「個樣似…詳情請看

圖片來源:YouTube@FHProductionHK影片截圖

YOU MAY ALSO LIKE ...