《萬千星輝頒獎典禮2020》王浩信奪視帝 公開多謝陳自瑤 YoYo人前黑面 人後一個窩心舉動

《萬千星輝頒獎典禮2020》王浩信奪視帝 公開多謝陳自瑤 YoYo人前黑面 人後一個窩心舉動

《萬千星輝頒獎典禮2020》王浩信憑《踩過界II》「文申俠」一角分別奪得「最佳男主角」及「馬來西亞最喜愛TVB男主角」,成為「雙料視帝」,王浩信奪得「最佳男主角」講得獎感受時,不但感謝各方好友及TVB一眾台前幕後外,仲罕有地在鏡頭前感謝太太陳自瑤(Yoyo),但當鏡頭影去陳自瑤時,陳自瑤竟目無表情,甚至疑似是「黑面」。

撰文:HM|圖片來源:《萬千星輝頒獎典禮2020》截圖、東方新地(部份原文刊於:東方新地)|編輯:海月

《萬千星輝頒獎典禮2020》王浩信奪視帝 公開多謝陳自瑤 YoYo人前黑面 人後一個窩心舉動

《萬千星輝頒獎典禮2020》王浩信成「雙料視帝」

《萬千星輝頒獎典禮2020》各個賽果都已塵埃落定,而王浩信就憑劇集《踩過界II》「文申俠」一角,擊敗馬國明、林峰、陳豪、黎耀祥等人成功奪得「最佳男主角」及「馬來西亞最喜愛TVB男主角」,成為「雙料視帝」。

《萬千星輝頒獎典禮2020》王浩信成「雙料視帝」公開多謝陳自瑤 Yoyo疑似黑面回應

 

王浩信奪獎講感受時,先多謝TVB、TVB高層及劇集《踩過界II》、《反黑路人甲》的台前幕後,還特別多謝剛與他一齊奪得「最受歡迎電視拍檔」的張振朗:「你真係好辛苦,易服又係你,動作又係你。」

《萬千星輝頒獎典禮2020》王浩信成「雙料視帝」公開多謝陳自瑤 Yoyo疑似黑面回應

之後,他又罕有地多謝太太陳自瑤:「多謝Yoyo,非常悉心照顧個女,多謝daddy mommy」,而當王浩信講感謝時,鏡頭一轉就影到陳自瑤,但陳自瑤竟目無表情,甚至疑似是「黑面」,之不過,據在場記者所影到的相片中,在全台藝員上台時,陳自瑤有主動走到王浩信面前與對方相擁,是多年來難得一見的二人互動。

 

而陳自瑤行開時,隻手仲係攬實王浩信,人前黑面人後一個窩心舉動!睇到「阿姐」都一面甜絲絲!

《萬千星輝頒獎典禮2020》王浩信成「雙料視帝」公開多謝陳自瑤 Yoyo疑似黑面回應

 

而YoYo在深夜亦有個人IG上發文,表示以後會努力兼顧家庭及工作。

《萬千星輝頒獎典禮2020》王浩信奪視帝 公開多謝陳自瑤 YoYo人前黑面 人後一個窩心舉動

王浩信平均一年一劇 再憑《踩過界II》奪得事業上第二個視帝

王浩信其實最初是以歌手身份加入娛樂圈,在2005年時簽約Neway集團旗下唱片公司Neway Star,翌年推出其首張個人專輯,惜歌唱事業一直無起色,當其約滿後,即加入TVB一直至今。

《萬千星輝頒獎典禮2020》王浩信成「雙料視帝」公開多謝陳自瑤 Yoyo疑似黑面回應

 

加盟TVB已有14年的王浩信,幾乎主力拍劇居多,由《野蠻奶奶大戰戈師奶》、《刑警》、《樓奴》、《飛虎》、《廉政行動2014》、《東坡家事》、《再戰明天》、《EU超時任務》、《致命復活》、《不懂撒嬌的女人》、《踩過界》等,無論古裝劇或時裝劇都統統接拍,而近年來,有關王浩信的新聞除了是他與太太陳自瑤的婚姻感情外,他的劇集也會掀起起話,如在《名媛望族》、《法外風雲》、《兄弟》、《踩過界2》等,王浩信都會被人掌摑,令他被網友封為「兜巴信」。

《萬千星輝頒獎典禮2020》王浩信成「雙料視帝」公開多謝陳自瑤 Yoyo疑似黑面回應

直至3年前,劇集《踩過界》王浩信首次飾演失明大律師文申俠(盲俠),劇集當年一出即大獲好評,還同時令他奪得演藝生涯中,首個視帝殊榮;而在今日,王浩信亦再憑《踩過界II》重奪視帝一獎。

《萬千星輝頒獎典禮2020》王浩信成「雙料視帝」公開多謝陳自瑤 Yoyo疑似黑面回應

王浩信、陳自瑤結婚多年頻傳離婚

王浩信、陳自瑤早在2011年11月11日上午11時,奉女成婚,在婚宴上陳自瑤講感受感動到喊,當時王浩信溫柔抹眼淚。

王浩信

生完愛女後不久,王浩信與YoYo一齊為劇集《飛虎》做宣傳,當時二人仲肯配合活動當眾又攬又錫大耍花槍。

王浩信

YoYo否認同王浩信離婚

陳自瑤(YoYo)同老公王浩信近年來盛傳婚變消息,甚至傳出主動提出離婚嘅係YoYo,之不過YoYo在出席活動時,就曾一口氣提出三點澄清婚變傳聞:「一直首先,冇提出過離婚;第二,我冇趕老公出門口;第三,我小朋友依然同我哋住一齊,好多各方面新聞,覺得唔係事實,亦覺得好笑。」

【就咁玩完?】王浩信緋聞源源不絕 傳陳自瑤死心搞離婚

堅信王浩信會買樓贈自己

王浩信曾話打算買樓氹老婆陳自瑤,目標瞄準豪宅地段淺水灣,當時王浩信回應話距離目標尚有距離。榮升視帝,又話會代囡囡送禮物俾太太,就係獨立屋!但後王浩信卻以3306.6萬,購入清水灣傲瀧11座高層B單位,實用面積1,837呎,呎價1.8萬元。但呢個單位送畀媽媽,陳自瑤冇份,更有傳買樓一事太太全不知情。亦有傳王浩信故意唔寫太太名,他日離婚時不會被分身家。

YoYo曾澄清:「絕對冇,我係知道,我想話俾大家知,作為子女,送禮物俾父母係應該嘅事,點解大家要咁樣大造文章?佢(王浩信)係應承我,但係未必係o依家。我好多謝佢送咁厚禮俾我,我係好開心,相信佢應承咗我嘢,係一定會做,只不過今次係作為仔女,首先要孝順咗父母先喇,係咪?我覺得好應該,好正常嘅事。」

【就咁玩完?】王浩信緋聞源源不絕 傳陳自瑤死心搞離婚

冇分居 但承認一個住樓上一個住樓下

問到係咪已分居?陳自瑤話:「冇分居,(樓上樓下住?)其實係冇呢件事,不過可能係佢有個office,佢依家除咗拍戲工作外,仲有一啲生意,所以搵咗個地方做office,當然喺屋企唔方便,可能因為一件咁樣嘅事,令到大家有咁樣揣測。」即係樓上樓下?「係呀,我知道今日會見大家,所以咪希望一次過講,唔再再逐回應。」Yoyo拒用「恩愛」形容同王浩信夫妻關係,話只係「老夫老妻」。

【就咁玩完?】王浩信緋聞源源不絕 傳陳自瑤死心搞離婚

 

陳自瑤 王浩信 最後大龍鳳

能共患難與富貴,並非人人都做得到,王浩信與陳自瑤(YoYo)多次傳婚變,空穴來風未必無因,男人要變心,女人忍得一時忍唔到一世。YoYo婚前一直受無綫力捧,與王浩信結婚生女後,她甘願做個平凡花旦,睇住老公王浩信扶搖直上,由三線攀上視帝之位,夫婦之間距離卻愈來愈遠,為了王浩信的形象與發展機會,YoYo對老公在外的緋聞一直逆來順受,每次有負面新聞,她都願意企出來做大龍鳳,事實卻是有苦自己知。

陳自瑤
王浩信與蔡思貝合作《踩過界》鬧緋聞,王浩信被指夜訪蔡思貝北角香閨,疑出軌對唔住老婆。YoYo曾以火紅Tube Dress陪住王浩信出席商場開幕活動,以正印的高姿態為老公解畫,話王太得一個,仲爭抱好友陳敏之個仔冬至,話好想生多個。

為個女啞忍

今次二人多次傳婚變,不少圈中人都不感意外,因為早已有跡可尋,據知情者透露:「Vincent(王浩信)近年緋聞多成咁,做老婆嘅點會心安,最弊就係Vincent一啲都唔避忌,舊年同蔡思貝傳完,佢仲攬住人出嚟影相話冇嘢,一啲都唔畀面YoYo,之後都仲唔避忌,真係唔抵幫㗎!大家都睇得出YoYo好想挽救段婚姻,自己幾唔開心都好,佢都陪Vincent出嚟硬撐,結果做完戲個老公順利拎埋視帝,但關係就未見好轉。Vincent 表面上話想同YoYo 生多個又承諾帶佢去旅行,全部都係得個講字,呢半年嚟成日都話忙,到近月拍完套《兄弟》冇劇開啦!都冇守每年一次二人世界旅行嘅承諾。呢幾個月到YoYo出埠拍劇,Vincent平時連電話都冇個。YoYo辛苦為頭家,返到屋企都想老公錫吓,但有等於冇,YoYo都係行內人,聽聽埋埋唔少Vincent啲嘢,好多姊妹都勸佢唔好再忍,YoYo 為咗個女好唔忍心,亦畀咗好多次機會Vincent,可能聚少離多,佢終於諗通再勉強落去都係冇結果,所以一返香港就同Vincent講清楚,仲叫佢即刻搬走。」

陳自瑤
之後11月在無綫2018節目巡禮,YoYo再為幫老公挽形象搶視帝,翹實王浩信做大龍鳳。

各自湊女

近年已不見王浩信一家三口現身公開場合,他為搶視帝洗底,不時湊女共敍天倫,本刊記者曾影到他帶女兒QQ到寓所附近踩單車,父女二人相處非常有愛。

王浩信

之前王浩信對婚變之說的回應是:「唔係事實嘅嘢我唔想再回應啦!多謝大家關心。」其後他再表示近年信基督教,開始學識放下,明白要活在當下,面對愛情,他聲言會接受好與壞的情況,並認為婚姻一定會有困境,要學習同汲取教訓,認為珍惜身邊本來擁有的東西已經好快樂,因為是無價。冰凍三尺,非一日之寒,當老婆係草定寶亦只有王浩信自己知,不過可以肯定嘅係YoYo唔會再幫佢做大龍鳳,以後要力挽形象就要靠自己囉!

同女唔同命,王浩信努力維護蔡思貝,對同樣傳過緋聞的江嘉敏卻避之則吉,早前拍《兄弟》開廠拉大隊放飯,江嘉敏坐正隔籬,王浩信目不斜視九秒九扒完碗飯就走人,望都冇望江嘉敏一眼。
同女唔同命,王浩信努力維護蔡思貝,對同樣傳過緋聞的江嘉敏卻避之則吉,早前拍《兄弟》開廠拉大隊放飯,江嘉敏坐正隔籬,王浩信目不斜視九秒九扒完碗飯就走人,望都冇望江嘉敏一眼。

YOU MAY ALSO LIKE ...