豬肉威威

港爸因豬肉威威同屋企人大嘈「你有你睇Mirror我有我睇威威,我地冇衝突!」

流行娛樂

廣告

爆紅荃灣豬肉威威近日不斷被網民爆料。早前有傳威威之前疑似做傳銷,又被爆狂串mirror同collar,疑似做過古惑,威威仲因為呢件事出片澄清。不過雖然威威是非不斷,但依然無阻大家對佢嘅熱愛。威威唔止令一眾師奶為之瘋迷,就連港爸都比威威深深吸引。近日,有網民指佢阿爸因為威威而同佢阿媽產生罵戰,更一度演變成鏡粉同威威豬嘅戰爭?

荃灣ak豬肉威威 威威生活照。
威威生活照。(圖片來源:[email protected]_608)

港爸迷上威威 面紅買攬枕

近日,有網民以「我阿爸迷上左威威」為題發文分享屋企事。網民表示發現自己阿爸迷上威威。網民留意到阿爸「每次開facebook第一個post都係威威應援團既野」。當網民問佢阿爸喺咪鐘意威威,做埋威威豬嘅時候。網民竟發現阿爸面紅咁答喺,更解釋話「覺得威威雖然依家紅左但仍然堅持佢既職業真係好勤力」。聽到回應嘅阿媽即刻無繼續洗碗, 「就走出黎問阿爸係咪講真」。而網民阿爸則回應「你有你睇Mirror我有我睇威威,我地冇衝突!」。隨即演變成「鏡粉同威威豬既戰爭」。網民更表示「今朝出門口之前,阿爸叫我收工去順豐站幫佢拎埋威威個攬枕先返屋企」。可見,港爸對威威嘅喜愛。對於今次事件,網民都唔知阿爸阿媽有自己興趣係咪一件好事?只希望「屋企唔好越黎越多唔等洗既野」,以及慶幸「好彩呢排冇餐餐食豬肉」。

荃灣ak豬肉威威 網民發文「我阿爸迷上左威威」。
網民發文「我阿爸迷上左威威」。(圖片來源:香港討論區截圖)
荃灣ak豬肉威威 樓主回應網民評論。
樓主回應網民評論。(圖片來源:香港討論區截圖)
荃灣ak豬肉威威 網上有賣威威抱枕。
網上有賣威威抱枕。(圖片來源:淘寶)

網民激動回應:臨老入花叢

事件引起一眾網民熱議,有網民接受唔到稱「傻X咗」、「臨老入花叢」。有網民則表示「我覺得威威幾好吖」、「銀髮經濟救港」、「阿爸終於揾到自己真正想要嘅嘢」。都有網民推測「你老豆因為你阿媽追Mirror」所以先鐘意威威。不過有網民質疑喺宣傳手法,指「一次過宣傳兩邊,厲害」。

荃灣ak豬肉威威 網民評論。
網民評論。(圖片來源:香港討論區截圖)
荃灣ak豬肉威威 網民評論。
網民評論。(圖片來源:香港討論區截圖)

圖片來源:[email protected]_608, 香港討論區截圖, 淘寶

YOU MAY ALSO LIKE ...