荃灣豬肉佬威威

揭荃灣豬肉佬威威退隱娛圈真因 苦主公然追數

流行娛樂

廣告

聞名全港,今年5月突然爆紅彈出的「荃灣偖肉佬威威」(劉宋威),挾半遮面型男樣出道,更有「豬粉」為他成立專頁「荃灣鮮肉威威應援團」,粉絲超過18.2K!不過隨著威威黑材料non-stop地瘋傳人氣激減,日前有傳媒拍得他回歸豬肉檔繼續斬大嚿豬肉,之後仲消失埋,有錢唔搵果然有原因,最新消息有人公開在威威的instagram公然追數,唔縮都搞唔掂!

結婚週年禮物推薦

龜縮幕後 西面發老脾

近日威威的專頁同應援群組被揭自上月15號之後冇再更新,粉絲大爆連管理員都消失,有豬粉特別到豬肉檔探究,有指威威已經唔使斬豬肉,轉戰「幕後」幫同事做其他嘢,有傳媒除了致電和WhatsApp聯絡威威經理人、助手等都完全深潛狀態,生死未卜令豬粉好擔心!之後有傳媒走訪威威做事的豬肉檔,終於見番威威放心晒,不過一向對傳媒好客氣的他,態度同之前大相逕庭西晒面話自己好唔得閒!

荃灣豬肉佬威威 威威的經理人助手等全部深潛,威威就打回原形返豬肉檔搵食,不過退居「幕後」。
威威的經理人助手等全部深潛,威威就打回原形返豬肉檔搵食,不過退居「幕後」。(圖片來源:香港突發事故報料區@fb)
荃灣豬肉佬威威 因為戴口罩斬豬肉而吸引豬粉熱捧,除罩口變咗吳耀漢以至瘋狂「走粉」!
因為戴口罩斬豬肉而吸引豬粉熱捧,除罩口變咗吳耀漢以至瘋狂「走粉」!(圖片來源:廣告發料)

威威被追數

龜縮有因,昨晚有「苦主」直踩威威的instagram追數,暗指做枚出席藝人(威威)生日會撐場造勢後,有汗出冇糧出,公關公司同威威等大部份人深潛龜縮問極唔覆,似乎迫不得已下就在威威instagram追番啲血汗錢,心水清網民直指威威買「豬粉」,更紛紛留言叫威威等人找數、浮上水面、還錢等等!

荃灣豬肉佬威威 有網民稱出席完威威生日會兩小時未出糧,追討無門,好無助!
有網民稱出席完威威生日會兩小時未出糧,追討無門,好無助!(圖片來源:[email protected]
荃灣豬肉佬威威 有人建議直接去荃灣搵威威收數,仲笑言生日會的豬粉係流嘢,反問威威當日流馬尿為乜?
有人建議直接去荃灣搵威威收數,仲笑言生日會的豬粉係流嘢,反問威威當日流馬尿為乜?(圖片來源:[email protected]

過百豬粉撐場幾成堅?

5月彈出爆紅,當時還被封「荃灣豬肉檔AK」的威威,在6月5日於荃新天地舉辦生日會,慶祝6月8日的35歲生日,活動吸引過百「豬粉」到場滴晒汗吶喊助威,禮物應援牌一應俱全,生日會吸引唔少媽媽級粉絲連年過80的婆婆、印傭都有,到底有幾成係「真・豬粉」呢?

荃灣豬肉佬威威 威威搞大型生日會,當日因應疫情理所當然以口罩樣只露眼示人,仲識做狂發電派心心。
威威搞大型生日會,當日因應疫情理所當然以口罩樣只露眼示人,仲識做狂發電派心心。(圖片來源:[email protected]
荃灣豬肉佬威威 現場人山人海,不過家陣被指「未找數」。
現場人山人海,不過家陣被指「未找數」。(圖片來源:[email protected]
荃灣豬肉佬威威 「豬粉」大部份都好專業,威威笑到矇晒眼,佢哋都同威威大合照留念。
「豬粉」大部份都好專業,威威笑到矇晒眼,佢哋都同威威大合照留念。(圖片來源:威威應援團@fb)

常見問題

荃灣豬肉佬威威近期的狀況是?

被譽為「荃灣豬肉AK」的威威劉宋威,自除罩拍廣告後人氣急跌,消失多日的他,曾被拍到在自己的肉檔…詳情請看

荃灣豬肉佬威威的Fan Page還有運作嗎?

一早就有網民發現「豬肉威威」一向活躍的粉絲群組「荃灣鮮肉威威應援團」對上一個post已經是…詳情請看

圖片來源:[email protected],[email protected],廣告發料,香港突發事故報料區@fb

YOU MAY ALSO LIKE ...