與神的對話 李敏鎬

與神的對話 李敏鎬

正當筆者準備寫呢篇訪問之際,微博與facebook同時被「李敏鎬秘戀秀智」瘋狂洗版,最好笑係見到有朋友留言:「好多媽媽失戀,同時修補咗好多家庭。」又啱喎!次次去採訪李敏鎬活動,全場大半粉絲都係中女級或以上。
男神上週首次來港開騷,筆者有幸同佢做訪問,靚仔不在話下,加上每當回答問題時,佢都會付上誠懇同真摯的眼神……又確係迷人嘅。訪問中,問到佢有否幻想將來自己嘅家庭會係點,男神要求非常之簡易……

text-Phoebe photo-Billy、Tung Special thanks-G music(HK)ltd、L2 Entertainment HK

1_resize

會飲酒嘅凡人
訪問韓星,其經理人一般都將問題預先篩選,筆者曾經想問某星:「劇中嘅你同現實中嘅自己,性格有咩分別?」百思不得其解會被刪走,難道現實中嘅佢性格差到冇朋友?今次訪問李敏鎬,單係冇篩選,已經值得俾個讚。
出道快10年,覺得自己有咩改變?
「多人認識咗我,年紀都加咗10歲,哈哈!其實都唔係好知,可能係思想上改變咗,其他方面都有好大嘅改變。」

每次因工作關係,出門時總會被工作人員、粉絲包圍,會唔會覺唔方便?
「有唔方便,因為總係喺一齊,冇晒私人時間,自己想做嘅嘢都慢慢做唔到。不過,又唔係唔好嘅,惟有一邊諗多啲好嘢,一邊做落去,其他唔方便、做唔到嘅事就另外搵時間私下做囉!其實平日有時間的話,我都係瞓覺、打機、睇番一啲之前冇時間睇嘅電影、見下朋友、飲下酒咁,基本上,日常生活會做嘅,我都會做,因為我都係個好平凡嘅人。」
大家都稱你為男神,你覺得自己嘅魅力之處係?
「我到底有咩魅力,我自己都唔知,哈哈!全部都係大家對我嘅睇法,應該係話大家製造魅力俾我。或者係大家睇到我展現嘅模樣,同感受到我內心表達出嚟嘅真實感情,所以先會將我當作做男神。(你眼中男神又會係邊位?)嗯……張國榮,佢好有自己嘅氣質,所以好欣賞佢。」

韓國狗仔隊越洋到倫敦,全程直擊李敏鎬同秀智密會過程,報道出街後,雙方都透過經理人公司承認戀情,而同日,秀智所屬嘅公司JYP股價市值約蒸發近68億韓圜(2,608萬港元)。
韓國狗仔隊越洋到倫敦,全程直擊李敏鎬同秀智密會過程,報道出街後,雙方都透過經理人公司承認戀情,而同日,秀智所屬嘅公司JYP股價市值約蒸發近68億韓圜(2,608萬港元)。

假如結婚了
早前以客串嘉賓身分現身《一路上有你》,見到節目中嘅3對夫妻,有冇幻想自己將來嘅家庭生活?
「同大家拍攝時,相處得好愉快同開心,我之後亦有睇過節目,大家傾下玩下都好好睇。如果將來結婚,我希望另一半好似朋友咁嘅關係,多啲溝通咁就最好啦!」
韓國唔少藝人都有拍攝真人騷形式嘅綜藝節目,假如有機會,你會想拍《Roommate》、《真正的男人》、《我們結婚了》、《叢林的法則》定係《花樣爺爺》?
「無論係咩綜藝節目,都可以體驗到私生活中經歷唔到嘅嘢,如果有機會嘗試嘅話,《叢林的法則》可以令我經歷到辛苦嚴峻嘅環境,如果係《我們結婚了》嘅話,心情應該會好緊張又好期待。不過,對我嚟講,樣樣都試下,咁先可以等大家見到我另一面。」

唱歌/演戲對你嚟講,各自有咩吸引之處?
「19歲已經鍾意做戲,演戲需要長時間拍攝,而且直到播出前,觀眾又需要等一段時間,所以唔可以馬上互動溝通。但當中會帶有深層意義,而且可以俾到觀眾一啲思考嘅空間。唱歌嘅話,就需要上台前準備好,然後喺台上一瞬間爆發出嚟,嗰瞬間嘅快感會更大,所以兩者都有唔同嘅吸引之處。」

浙江衛視真人騷《一路上有你》,搵嚟3對圈中夫婦去韓國旅行,除咗有SJ成員金希澈負責挑戰3對夫妻之外,李敏鎬喺第6集以特別嘉賓身分出現,令袁詠儀為之瘋狂。
浙江衛視真人騷《一路上有你》,搵嚟3對圈中夫婦去韓國旅行,除咗有SJ成員金希澈負責挑戰3對夫妻之外,李敏鎬喺第6集以特別嘉賓身分出現,令袁詠儀為之瘋狂。
記者會上,男神表情多多,又話自己一向有水腫問題,試過N咁多種方法都搞唔掂,之後被問到幾時會有新作時,佢就話:「今年都想拍電影同電視劇,而家揀緊劇本中。」
記者會上,男神表情多多,又話自己一向有水腫問題,試過N咁多種方法都搞唔掂,之後被問到幾時會有新作時,佢就話:「今年都想拍電影同電視劇,而家揀緊劇本中。」

9_resize

開騷係咁加分
雖然李敏鎬來港次數頻密,但開騷就係首次,作為1個演員,深信冇乜幾多個可以令整個亞洲博覽館爆滿。演唱會上重唱近14首歌,對筆者嚟講,雖然唔係話非常動聽,但至少冇咩走音,係唱到下半部分時,把聲有少少沙。舞呢?其實都係簡單動作,見男神有時跟唔上beat,其實都幾好笑。玩遊戲時,以動作扮完蝴蝶、恐龍,再出埋聲扮飛機,粉絲一句話自己生日,男神即時自動唱生日歌,加上情深擁抱,真係「紅到面晒」兼暈大浪。見到台下粉絲高舉「敏鎬,我愛你」紙牌,男神即以廣東話表示:「我都係。」之後司儀要求男神同全場粉絲補祝白色情人節,怕怕醜醜之下,講完「我愛你」再連環送飛吻,真係殺人於無形之中。

演唱會上,李敏鎬公布去年開始嘅「PROMIZ(PMZ)慈善計劃」,佢除咗捐出5萬元美金俾非洲窮困村落,掘井發掘乾淨食水之外,又將自己設計嘅產品喺網上義賣,一舉一動都係幫自己加分。

一出場,粉紅西裝唱番首〈Painful Love〉,暈低未?
一出場,粉紅西裝唱番首〈Painful Love〉,暈低未?
 男神做出游水動作俾粉絲估,粉紅衫呢位粉絲心中應該正在大叫:「游埋嚟!游埋嚟!」
男神做出游水動作俾粉絲估,粉紅衫呢位粉絲心中應該正在大叫:「游埋嚟!游埋嚟!」
一字排開呢款舞,係就係old school咗啲,但粉絲受落,加上皮褲窄到將男神嘅下半身線條盡現,對眼顧得邊?
一字排開呢款舞,係就係old school咗啲,但粉絲受落,加上皮褲窄到將男神嘅下半身線條盡現,對眼顧得邊?
關鍵詞
Suzy李敏鎬

YOU MAY ALSO LIKE ...