肥媽力撐契仔陸浩明非「余黨」「讚曾志偉叻仔」!自爆:退休後一個人去中國自住

肥媽力撐契仔陸浩明非「余黨」「讚曾志偉叻仔」!自爆:退休後一個人去中國自住

唔少人都知肥媽都算係「愛國藝人」,而且肥媽亦愛得相當真誠,真金白銀喺大陸置業。不過今次肥媽就係為契仔陸浩明發聲,到底係咩事?即刻睇睇!

撰文:神仙b|圖片:TVB|編輯:海月

肥媽讚曾志偉叻仔 力撐契仔陸浩明非「余黨」

日前,肥媽出席大灣區新樓盤活動,透露自己經已買咗5個內地物業,更準備退休後一個人往中國自住,而部份打算送俾子孫。肥媽內地購入5個物業中,當中包括一個大灣區1000呎頂樓連天台單位,肥媽稱退休後會搬往內地居住,希望將來退休後可在天台種菜。不過肥媽就話唔會同子女同住︰「我不會和仔女住,相見好同住難。從前計劃退休後和老公去住,現在老公離開了,我會一個人去住」。

【內文有片】肥媽力撐契仔陸浩明非「余黨」「讚曾志偉叻仔」!自爆:退休後一個人去中國自住
肥媽出席大灣區新樓盤活動,透露自己經已買咗5個內地物業,唔知會唔會瘋狂食河魚魚生呢?

肥媽讚曾志偉「叻仔」 望唔好打壓自己契仔6號

自曾志偉TVB掌權後,不斷有動作改革綜藝、音樂節目,不過肥媽並不擔心管理層變動會影響自己︰「我煮飯咋嘛 ﹗他回巢是好事。」而肥媽更睇好無綫將來發展,認為無綫同四大唱片行破冰,節目上嘅歌單會更豐富。更讚曾志偉成功破冰,係「叻仔」。

【內文有片】肥媽力撐契仔陸浩明非「余黨」「讚曾志偉叻仔」!自爆:退休後一個人去中國自住
肥媽並不擔心管理層變動會影響自己,亦表示6號有才能

另外,肥媽契仔6號(陸浩明)最近因為被歸類在余詠珊幫(余黨),前途「危危乎」,不過肥媽表示不怕6號受影響,更認為「6號係有才華嘅人,唔怕冇工作」,仲話如果睇工作表演,6號絕對「交到功課」。肥媽更形容曾志偉係「唯才是用」嘅人,希望曾志偉以自己嘅關係幫到多啲年輕人,令TVB有更多新血、更多人有出路。

【內文有片】肥媽力撐契仔陸浩明非「余黨」「讚曾志偉叻仔」!自爆:退休後一個人去中國自住
肥媽更形容曾志偉係「唯才是用」嘅人,希望曾志偉以自己嘅關係幫到多啲年輕人

YOU MAY ALSO LIKE ...