【聲夢傳奇】《聲夢》學員譜出戀曲!紅隊23歲Archie冼靖峰被爆撻著15歲Windy詹天文

【聲夢傳奇】《聲夢》學員譜出戀曲!紅隊23歲Archie冼靖峰被爆撻著15歲Windy詹天文

近年有唔少音樂新秀節目,而且好多參賽者都會喺比賽中譜出戀曲!估唔到《聲夢傳奇》第一單戀事,就係已被淘汰嘅15歲學員Windy(詹天文),被爆撻著同屬紅隊的23歲學員Archie(冼靖峰)!唔單止有人爆料指兩人在餐廳撐枱腳外,就連導師泳兒都喺社交網分享嘅相片都露出玄機!

撰文:東方新地|圖片:Windy、Archie、泳兒IG圖片|編輯:20|原文刊於:東方新地

《聲夢傳奇》第一單戀事

Windy(詹天文)與Archie(冼靖峰)同屬紅隊,雖然Windy已在上周六(6月12日)的《聲夢傳奇》第9集中被淘汰,但兩人仍keep住密切聯絡,昨晚Windy更溫緊書都陪Archie開Live,仲傾足近廿分鐘,Archie更在Live中賣口乖大讚Windy皮膚好好。

聲夢傳奇
Windy(後排左三)與Archie(前排者)同屬紅隊,不過Windy已在上周六被foul。(圖片來源:[email protected]_sin)
聲夢傳奇
昨晚完成訓練後正在坐Uber回家的Archie,突然邀請Windy開Live。(圖片來源:[email protected]_sin)

當有網友留言指兩人公開放閃時,Archie即生硬地引開話題,指著車外說:「係話我後邊支街燈好閃!」跟住仲忽然唱了一句〈黑夜不再來〉的「如果將街燈的光線代表真愛」,令氣氛變得更加尷尬。

聲夢傳奇
已被foul出《聲夢》的Windy,當時正忙於溫書準備考試,但都陪Archie傾足近廿分鐘,期間Windy不時被Archie逗得開心大笑。(圖片來源:[email protected]_sin)

Live期間Archie話自己有1米8高,Windy就笑指他得1米5左右,Archie竟問她:「邊度1米5?」Windy呆了一下後,即緊張話:「開緊Live㗎!」之後Windy又補充指自己身高有165cm,比Chantel(姚焯菲)更高。

聲夢傳奇
中途Gigi(炎明熹)曾加入他們的Live中,但似乎三人未有太多共同話題,Gigi好快便閃走。(圖片來源:[email protected]_sin)
聲夢傳奇
之後Yumi(鍾柔美)和Aska(張馳豪)亦先後加入,Aska更做出多個搞笑表情包,但Archie直言:「我唔想Add咁多人入嚟呀!」(圖片來源:[email protected]_sin)

被泳兒爆相露玄機

而在泳兒昨日於社交網分享的相片中,可以發現Windy和Archie竟然一個Headphone兩份聽,看得出關係非常親密。此外更有目擊者爆料,指曾看到過兩人在撐完枱腳後,一同離開餐廳。

聲夢傳奇
作為導師的泳兒踢爆Archie和Windy背住她分享Headphone。(圖片來源:[email protected]
一個Headphone兩份聽,看得出Archie和Wind關係非常親密。(圖片來源:IG@vincychan)
一個Headphone兩份聽,看得出Archie和Wind關係非常親密。(圖片來源:[email protected]
聲夢傳奇
網友都大讚Windy和Archie好合襯又Sweet。(圖片來源:[email protected]
聲夢傳奇
有網友重提兩人之前一齊去買戒指一幕。(圖片來源:[email protected]_sin)
聲夢傳奇
更有網友笑Archie在Live中不停讚Windy皮膚好靚!(圖片來源:[email protected]_sin)

YOU MAY ALSO LIKE ...