美好的  鄭容和

美好的 鄭容和

又一組合成員作個人發展,今次主角係CNBLUE嘅主唱鄭容和,首次推出只屬於自己嘅音樂世界,用上2年多時間,除一手包辦作曲、作詞及編曲之外,亦搵嚟韓國樂壇前輩級嘅楊東根、Verbal Jint同尹道賢等人合作。
上星期,鄭姓花樣男子來港開騷前夕,抽出寶貴時間做訪問,毫不保留咁同大家分享佢嘅音樂、肌肉以及外貌。

text-Phoebe photo-Sun

2_resize
曾經喺節目上話自己外貌有99.8分,重有0.2去咗邊?「其實係100分,0.2係等大家唔好覺得我太自信,哈哈!我好滿足。如果我為咗表現得好謙虛而俾低分,反而好奇怪,既然係咁,我就俾100分!哈哈!」 講完全場爆笑。

反應好到癲咗
專輯名稱《One Fine Day》嘅由來,鄭容和解釋係因為專輯嘅歌同內容都好有one fine day感覺,而問到佢近來最美好嘅1天,鄭容和毫不考慮咁揀咗香港演唱會之日。首次推出個人音樂大碟,既要作曲、作詞,又要編曲兼搵啱嘅人去featuring,1日24小時真係夠用嗎?
「因為係大碟,唔想好急咁做,想慢慢去做,用最大誠意去做,第1次同前輩們合作,各自嘅音樂風格都好唔同,一齊作曲覺得自己學咗好多嘢。喺CNBLUE時,自己較少唱慢歌,所以今次solo時,試咗ballad,fans反應都唔錯,唱現場嗰陣,反應好到癲咗。(平日創作靈感嚟自邊度?)睇書、身邊朋友嘅事,其實多數都係好突然,瞓瞓下突然有靈感,就會用手電錄音,或者係突然諗到一啲詞語/生字,之後會創作番一啲歌詞去符合。遇上樽頸位嘅話,會馬上停低休息,因為喺咁嘅情況之下創作出嚟嘅作品,之後都一定會改,咁就冇咗本身嘅意思。」

鄭容和既靚仔又曉作曲,但出道至今仍能保持零緋聞,莫非真係音樂與佢同在?新碟中同已婚嘅楊東根前輩合作,鄭容和話聽到前輩提及自己嘅家庭同小朋友,確係有啲羨慕喎!
鄭容和既靚仔又曉作曲,但出道至今仍能保持零緋聞,莫非真係音樂與佢同在?新碟中同已婚嘅楊東根前輩合作,鄭容和話聽到前輩提及自己嘅家庭同小朋友,確係有啲羨慕喎!
〈Checkmate〉搵嚟JJ林俊杰合唱。「JJ好專業,亦都對音樂有好多想法,歌詞好敏銳,今次同佢合作學到好多嘢,見面時都會傾下大家工作上嘅嘢,或者食嘢。」
〈Checkmate〉搵嚟JJ林俊杰合唱。「JJ好專業,亦都對音樂有好多想法,歌詞好敏銳,今次同佢合作學到好多嘢,見面時都會傾下大家工作上嘅嘢,或者食嘢。」

操肌變打機
首次以個人身分喺韓國進行宣傳,鄭容和認為最唔慣係上音樂節目時,遇上新人歌手嚟打招呼,會唔識點反應,除此之外,一切都好自在。轉眼出道5年,除咗多咗個個人歌手身分之外,最大改變,佢話真係唔認老唔得。
「年紀,哈哈!真係老咗好多,返唔到轉頭……你問我有咩改變?當然有,好似出道時咩都唔怕,咩都想試,好有熱情。有膽量可以係優點,亦可以係缺點。(之前騷過嘅肌肉而家重有冇?)呢排完全冇做過運動,所以好需要去做,哎……為咗今年夏天⋯⋯其實都重有,但得番少少,要再練下,而家嗰啲已經唔係你講嗰啲肌肉,哈哈!其實本身都鍾意踩單車,但韓國冬天真係太凍,所以唔想出門,到而家天氣好,又發現條軚已經冇晒氣,加上之前買咗PlayStation,而家成日打機。」

單拖上陣拍攝綜藝節目《鄭容和Hologram》,首集除咗食之外,就係瞓,連佢自己當初都好擔心唔知點拍落去。「起初好擔心,因為自己剩係瞓,冇咩嘢做,到底咁落去係咪得呢?之後開始知道自己做咩,但又已經拍完,好可惜。」
單拖上陣拍攝綜藝節目《鄭容和Hologram》,首集除咗食之外,就係瞓,連佢自己當初都好擔心唔知點拍落去。「起初好擔心,因為自己剩係瞓,冇咩嘢做,到底咁落去係咪得呢?之後開始知道自己做咩,但又已經拍完,好可惜。」

7_resize

開騷好分裂
首次以個人身分喺亞洲博覽館開騷,鄭容和high足兩小時,冇林俊傑(JJ)合唱嘅〈Checkmate〉,才子1人分飾兩角,唱完韓文再唱中文,之後突然笠上假髮戴黑超,原來係要唱Oasis嘅〈Supersonic〉同Bon Jovi嘅〈You Give Love A Bad Name〉,誠意可以有幾盡?才子一口氣以廣東話表示:「大家好,我係鄭容和。我係你男神,你係我女神。我好開心呀!今次出咗第1張個人專輯,重有第1次喺香港開個人演唱會,因為有你哋嘅支持。」雖然唔算講得好標準,但一定冧死粉絲。以為才子會含蓄?唔係囉,演唱會上照樣聽到「I love you」甚至係「you are my energy」。

訪問時,鄭容和有提到何以會喺個唱上戴上假髮扮Jon Bon Jovi:「我細個開始,到讀書都好鍾意Oasis同Bon Jovi,好想試下喺舞台唱佢哋嘅歌,所以今次就做咗。」
訪問時,鄭容和有提到何以會喺個唱上戴上假髮扮Jon Bon Jovi:「我細個開始,到讀書都好鍾意Oasis同Bon Jovi,好想試下喺舞台唱佢哋嘅歌,所以今次就做咗。」

13_resize

 

YOU MAY ALSO LIKE ...