校花校草選舉

《試當真》|羅家英李麗珍著校服宣傳校花校草選舉 網民激讚:依然省鏡!

流行娛樂

廣告

由《Yes!》主辦的「校花校草選舉」當年風靡一時,唔少靚仔靚女都係由《Yes!》發掘出嚟,不過已經停辦多年。近日終於捲土重來,《Yes!》聯同youtube頻道《試當真》、JFFT合作舉辦、叱咤903商業二台合作舉辦《校花校草2022:從現在 發掘未來》。《試當真》昨晚(27日)就推出為校花校草選舉的宣傳片,當中仲搵嚟羅家英李麗珍「出山」,再次發揮大膽本色,暗串電視台、娛樂圈文化!

校花校草選舉 羅家英
(圖片來源:試當真截圖)

羅家英李麗珍重出江湖著校服重拾青春

現時75歲的羅家英積極為粵劇界貢獻,但今次拋低大老倌形像,為活動一人分飾四角拍攝宣傳短片,令一眾網民非常驚喜!除了與李麗珍一同穿起校服化身校花校草重拾青春之外,更一人分飾四角:持槍擊退壞人的英雄;光頭惡相的大壞蛋;還有炙手可熱的歌手。而一代女神李麗珍即使已年過半百,穿起校服亦不失嬌滴,不少網民亦大讚她依然省鏡!

校花校草選舉 羅家英一向有一種與生俱來的幽默感。
羅家英一向有一種與生俱來的幽默感。(圖片來源:試當真截圖)

宣傳短片暗串香港娛樂圈生態

其實除了羅家英和李麗珍之外,宣傳片段的故事其實是講述Locker林家熙以及阿慈倪安慈打開電視,發現每個電視台都見到羅家英以不同身份現身,每次轉台都有個疑問「點解又係佢」,不少網民都很有同感,覺得似是影射現時電視圈「來來去去幾個人」的情況,留言表示:「完完全全咁道出我被迫睇屋企人部電視時候嘅心聲!」而另一方面,李麗珍一句對白「你都可以係校草,點解我唔可以係校花」又被解讀為現時香港的藝人質素參差。

校花校草選舉 羅家英 一句「搞咩呀!又係佢」似乎有弦外之音!
一句「搞咩呀!又係佢」似乎有弦外之音!(圖片來源:試當真截圖)

網民:珍妹超正

到底宣傳片蘊含什麼喻意,就只能靠觀眾自己解讀,但短片中發放的笑彈卻是大部分觀眾都認同的,尤其是見到羅家英和「連登女神」李麗珍的現身,更時拍案叫絕,紛紛留言「家英哥都同你地玩,一路睇一路笑」、「笑到我咳唔停」、「真係有家英哥~珍妹超正」、「唔理咁多,見到背景兩個學生look,like咗先」、「嗚呀唐記真係好靚仔」等等。就連家英哥事後都有在IG分享幕後花絮相片,並寫道:「成為明星,非一朝一夕。一門專業,需要時間磨煉,從小開始。」正能量爆燈!

校花校草選舉 羅家英
(圖片來源:試當真截圖)

睇埋家英哥嘅花絮相片:

去片!

校花校草選舉 羅家英 當年袁偉豪都係校草出身。
當年袁偉豪都係校草出身。(圖片來源:《YES》)
校花校草選舉 羅家英
當年袁偉豪都係校草出身。(圖片來源:《YES》)

撰文:東方新地圖片來源:[email protected]、《YES》、試當真截圖資料或影片來源:試當真

YOU MAY ALSO LIKE ...