真正演技dol 任時完

真正演技dol 任時完

韓國男團ZE:A帝國之子成員任時完,去年分別以電視劇《未生》及電影《逆權大狀》而大獲好評,成功擺脫偶像唔識做戲嘅定義,「演技dol」一詞從此跟身。
上星期任時完以個人身分來港舉行粉絲見面會兼接受訪問。訪問嗰陣,任時完除咗會重複1次翻譯所問嘅問題之外,亦偶爾會出現嗯……嘅情況,個人認為呢啲叫認真。完成訪問後,連番嘅「謝謝」加上一句「nice to meet you」,連因為工作上同筆者見盡唔少韓星嘅男攝影師都讚佢好仔。

text – Phoebe photo – Sun location – Hotel ICON

2_resize

保持初心
韓國釜山出生嘅任時完,從小已經係成績優異嘅模範生,大學時期,喺1次校園歌唱比賽上,被而家嘅經理人睇中,從此踏上星途。就有如佢自己所講,一切都係好運:出道無耐已經執到好籌拍攝劇集《擁抱太陽的月亮》(最高收視42.2%);首次拍攝電影《逆權大狀》遇上影帝宋康昊,電影成為韓國最佳票房第8位;去年喺劇集《未生》活演職場殘酷,惹人憐愛。
「其實如果冇入行嘅話,我諗我都係大學畢業之後投身社會工作,之後應該會好似《未生》咁?哈哈!其實我真係唔知自己有咩魅力,你覺得呢?嗯……樣應該有少少,不過最重要應該都係好運。而家雖然係人氣爆發,但心態上同以前冇咩唔同,不過感受都有啲唔同嘅,譬如而家去餐廳食飯,老闆或者一啲阿珠媽都會同我講有睇過我套劇,感覺識我嘅人多咗,所以我會更加注意自己嘅言行。」

《未生》算係任時完首次獨挑大樑嘅演出,劇中嘅情境你同我都隨時喺職場上遇過,有晒共鳴,去年開播後,收視一直創新高。任時完話其實每次拍劇或戲都會好認真咁對待自己所演嘅角色,但講到最愛嘅,都一定係《未生》中嘅張克萊。
《未生》算係任時完首次獨挑大樑嘅演出,劇中嘅情境你同我都隨時喺職場上遇過,有晒共鳴,去年開播後,收視一直創新高。任時完話其實每次拍劇或戲都會好認真咁對待自己所演嘅角色,但講到最愛嘅,都一定係《未生》中嘅張克萊。

演技dol的死穴
《未生》同《逆權大狀》並非談情說愛嘅輕鬆之作,公司推演都正常,好在任時完有眼光,睇完劇本之後,極力爭取演出,由偶像歌手轉型做演員,外間多數唔睇好,不過,任時完以實力去證明一切。
「我知而家好多人識我係因為劇集嘅關係,大家都覺得我做戲好睇,而未必太在意我係歌手嘅身分,但呢件事對我嚟講其實唔需要太care。如果可以嘅話,唔想太局限自己喺歌手或者演員呢個身分,我都會諗自己其他方面嘅可能性,都想知觀眾或者粉絲想喺我身上睇到啲咩。如果真係有機會,想試多啲綜藝節目,作為1個觀眾去睇《花樣爺爺》、《Running Man》或者《無限挑戰》,真係睇得好開心好過癮,但你要我喺節目中去引觀眾笑,真係好難,重要啲時間去摸索下,希望自己有日可以成功。」

帝國之子嘅代表作……我剩係記得舊年隊長文俊英喺Twitter上,指控公司老闆呃錢。
帝國之子嘅代表作……我剩係記得舊年隊長文俊英喺Twitter上,指控公司老闆呃錢。

回想辛酸史
帝國之子嘅另外兩位成員桐俊以及炯植,近年主攻劇集同綜藝節目,任時完一有時間就會同佢哋分享拍攝心得。對於舞台同螢幕,任時完認為缺一不可。
「第1次拍《懷抱太陽的月亮》時,發現原來做戲好好玩,由嗰陣開始愛上演戲。演技係你每一瞬間都要好集中去處理所演嘅角色,要用好多心思。唱歌時,大部分時間都會同粉絲有直接嘅溝通同接觸,喺舞台上,大家聽到我唱歌都會好開心好興奮。
「(拍《未生》時,有冇諗起自己嘅辛酸史?)當我做張克萊(《未生》角色)嗰陣,自然會諗番自己初出道嘅日子,嗰時其實都幾迷惘,因為當你出道成為歌手之後,咁之後會點呢?幾時可以出碟呢?好多都係未知數,好多嘢都好猶豫,同張克萊所遇到嘅差不多。」張克萊喺《未生》中最終苦盡甘來, 得到賞識,任時完呢?個人就認為佢已經發光發亮中啦!

首次以個人身分喺香港舉行粉絲見面會,任時完話都有啲緊張同擔心,因為要負好大責任。
首次以個人身分喺香港舉行粉絲見面會,任時完話都有啲緊張同擔心,因為要負好大責任。
粉絲見面會上,唔唱帝國之子嘅歌,反而選擇EXO嘅〈Growl〉同BIGBANG太陽嘅〈只看着我〉,任時完話因為本身好鍾意呢兩首歌,加上歌曲係韓國夠hit。
粉絲見面會上,唔唱帝國之子嘅歌,反而選擇EXO嘅〈Growl〉同BIGBANG太陽嘅〈只看着我〉,任時完話因為本身好鍾意呢兩首歌,加上歌曲係韓國夠hit。
問到任時完嘅理想女生要有啲咩條件?「理想形……理想形……理想形……嗯……哈哈!又係好難答嘅問題,因為每人都有唔同嘅特質,所以好難……不過一定要心地善良,最好就梗係靚啦!最好就有身材啦!不過呢啲都唔係必需嘅,最好有啫,哈哈!」
問到任時完嘅理想女生要有啲咩條件?「理想形……理想形……理想形……嗯……哈哈!又係好難答嘅問題,因為每人都有唔同嘅特質,所以好難……不過一定要心地善良,最好就梗係靚啦!最好就有身材啦!不過呢啲都唔係必需嘅,最好有啫,哈哈!」

YOU MAY ALSO LIKE ...