由幕後到新人 李榮浩

由幕後到新人 李榮浩

05年出道,主力為唱片公司旗下藝人寫歌,8年後,以歌手身分出道,即以「最強黑馬」姿態入圍金曲獎5項提名,最終得到「最佳新人」獎。冇錯!講緊嘅係李榮浩,到底對眼似周杰倫多啲,定把聲似陳奕迅多啲,曲風又係咪咁John Mayer?下月等佢嚟香港嗰陣,自己去睇/聽咪知囉!

text-Phoebe

cover campaign final

王菲都冧
被喻為「中國最年輕資深製作人」嘅李榮浩,曾經幫過陳坤、趙薇等人嘅專輯做監製,2013年推出首張專輯《模特》,即獲提名金曲獎嘅「最佳新人」、「最佳男歌手」、「最佳專輯」、「最佳作詞人」、「最佳專輯製作人」5項提名。不過喺網友發掘佢嘅同時,亦掘出佢專輯中嘅〈兩個人〉以及〈太坦白〉似有抄襲John Mayer嘅〈St. Patricks Day〉同〈Vultures〉之嫌,為此,李榮浩就話自己係JM粉絲,創作上難免受到影響。有回應就有反應,李榮浩最終成為金曲新人,兼且簽約大公司,去年推出同名專輯《李榮浩》,更得到王菲喺微博加持(轉發),人氣上升快過坐火箭。下月更首次嚟到香港開騷!好想去呀喂!

李榮浩07年幫過楊丞琳寫歌,去年男方出碟,女方現身記者會撐場,更表示非常欣賞李榮浩。今年初李榮浩喺微博上載同楊丞琳頭貼頭嘅相,似係有啲嘢想表達,但之後又刪除咗,咁即係點?
李榮浩07年幫過楊丞琳寫歌,去年男方出碟,女方現身記者會撐場,更表示非常欣賞李榮浩。今年初李榮浩喺微博上載同楊丞琳頭貼頭嘅相,似係有啲嘢想表達,但之後又刪除咗,咁即係點?
《模特》一共報咗7個金曲獎項目,最終5個獲提名,名單公布之後,李榮浩已經被視為黑馬,最終亦順利得到金曲新人。
《模特》一共報咗7個金曲獎項目,最終5個獲提名,名單公布之後,李榮浩已經被視為黑馬,最終亦順利得到金曲新人。
「JOOX Presents:李榮浩1st Live in Hong Kong 2015」 日期:4月4日(星期六) 時間:8:00pm 地點:九龍灣國際展貿中心宴會3 所有門票不作公開發售,想入場的話,即上《新Monday》fb。
「JOOX Presents:李榮浩1st Live in Hong Kong 2015」
日期:4月4日(星期六)
時間:8:00pm
地點:九龍灣國際展貿中心宴會3
所有門票不作公開發售,想入場的話,即上《新Monday》fb。

YOU MAY ALSO LIKE ...