王浩信大陸騷爆歌手變演員「無飯食」 摑足21巴好榮幸好享受!
廣告
去年宣布離巢TVB並轉往大陸發展嘅王浩信,工作幾乎無停手接二連三拍大陸劇集同電影,日前佢就擔任talk騷《今晚開放麥》嘅嘉賓,即係類似《TED Talks》咁,期間王浩信提到係TVB嘅辛酸史,不過網民睇完就話又擺娘家上檯,睇黎不值佢嘅言論。
王浩信從歌手轉做演員:「徹底沒飯吃了」
王浩信係一出場就慨嘆無人識,又提到自己出演過兩套大熱劇集《踩過界》同《反黑路人甲》,仲因爲佢哋所以拎到「視帝」獎項,「這個可能你們不信,但其實我真的拿過,不過拿完獎後還是沒有人認識我。」佢之後講到自己本身係歌手出身,「當時是靠賣CD,我基本上連飯都快沒得吃,之後我改行去做我熱愛的工作就是演員,生活條件一下子改變,我徹底沒飯吃了。」
![王浩信 王浩信一出場就慨嘆無人識,又提到自己拎過兩屆「視帝」,但都係無人識。](https://imgs.nmplus.hk/wp-content/uploads/2023/03/-2023-03-21-12.20.22_13394769786419309f92510-1024x569.png)
誤會『大咖』意思被前輩立即封殺!
佢又提到早前香港傳媒曾報導佢返大陸後要做「大咖」,台下觀眾聽完就立即拍手,搞到王浩信即刻澄清,「他不是在誇獎我,因爲在香港『大咖』的意思是跑龍套。」因爲「大咖」係大陸嘅意思係大明星咁解,佢表示初到當地發展都唔識分「大咖」嘅意思,仲意外被某前輩封殺,「有一次與內地德高望重的前輩一起做訪問,主持人也是這樣介紹,當時我聽起來我憋不住了,他不是『大咖』,我才是!當時我覺得沒什麼問題,但當晚他就把我拉黑。」從此之後王浩信話終於明白『大咖』嘅真正意思。
![王浩信 王浩信表示因爲誤會『大咖』係大陸嘅用法,所以被前輩封殺!](https://imgs.nmplus.hk/wp-content/uploads/2023/03/-2023-03-21-12.01.57_41094150164193112e6beb-1024x567.png)
節目播《名媛望族》摑足21巴場面 自稱號好榮幸好享受
之後節目組播出《名媛望族》王浩信被劉松仁摑足21巴嘅經典場面,其他嘉賓同台下觀眾睇完片段都話覺得「好痛」,搞到王浩信笑而不語,而主持人仲抵死話,「回內地拍劇是對的。」嘉賓黄奕問到點解唔可以借位時,王浩信就解釋如果摑一巴就可以,「因為劇本是寫打很多下,所以就沒有借位。」佢提到當初因爲自己對手係前輩劉松仁,自己梗係要搏命,「其實是挺榮幸、挺享受。」講完之後主持人都講笑話王浩信係咪有病。
![王浩信 節目組播出《名媛望族》王浩信被劉松仁摑足21巴嘅經典場面!](https://imgs.nmplus.hk/wp-content/uploads/2023/03/w644_121839723864193053d8e4f.jpg)
關鍵詞
王浩信
圖片來源:youtube@BesTVofficial、微博@今晚開放麥