《熟女強人》何珮瑜笑言打破拍劇性感尺度 床戰爆肌楊天宇!

《熟女強人》何珮瑜笑言打破拍劇性感尺度 床戰爆肌楊天宇!

ViuTV全新劇集《熟女強人》以女性一生要面對的難題作題材,劇集透過七個女性去探討及穿梭一些大膽的話題,包括雪卵、爭撫養權、同性戀、換妻、爸爸去哪兒及脫單等等。日前劇中女主角之一的何珮瑜(Jeana)為劇集拍攝大膽床戲,而對手就係爆肌小鮮肉楊天宇!

撰文、圖片:東方新地丨原文刊於:東方新地丨編輯:白子

《熟女強人》何珮瑜床戰爆肌楊天宇

與楊天宇又攬又錫,床戰連場,Jeana笑指呢次打破自己拍劇尺度:「一定係啦!因為我都冇咩拍劇,做咩都會打破紀錄,我今日都著咗四層衫防走光,對手就要騷肌肉,咩都除晒!有一場我唔小心壓住佢大髀筋,痛到佢即刻慘叫。」

何珮瑜
何珮瑜與楊天宇為ViuTV新劇《熟女強人》拍攝大膽床戲,二人雖然首度合作,但彼此早已認識,故未感尷尬。
何珮瑜
二人又攬又錫,激戰連場。
何珮瑜
被Jeana不小心壓住條大髀筋,楊天宇當場痛到慘叫!

劇中其他女主角,都需要外景拍攝,唯獨Jeana大部分場口酒店完成:「可能監製錫我啦,又可能劇本需要,我好多場景都喺酒店完成,唔使日曬雨淋係好舒服嘅。」咁又真係幾爽喎!

何珮瑜
Jeana有感而發:「劇入面講我有咗BB,而現實中我都想有個小朋友,依家我母性大發,可能拍完部劇要公開招婚先得。」

YOU MAY ALSO LIKE ...