火雞姐

火雞姐轉行賣保險晒獎被踩 同行林作加多腳:有名氣唔代表簽到單﹗

流行娛樂

廣告

火雞姐(丁可欣)去年參加ViuTV《全民造星4》落選後,未見有任何動向!原來最近轉行做保險經紀,日前更在社交網大晒加入保險界後僅兩個月即獲獎,一臉威威,不過被網民笑只係豬肉獎!同行林作都衝出來講佢﹗

火雞姐 28歲的火雞姐轉行做保險經紀﹗
28歲的火雞姐轉行做保險經紀﹗(圖片來源:IG@yankidin)

火雞姐轉行賣保險兩個月

火雞姐去年先後參加《全民造星》、無綫《盛.舞者》,之後一直未有任何新動向!月前,火雞姐在社交網指自己在6月正式成為保險公司的理財計劃顧問,正式轉行賣保險,她解釋是因忙於接受培訓、溫書、考試、考牌,所以在社交網消失!出po不忘sell保險:「經過呢兩年疫情,明白必須有全方位保障,先有能力去照顧自己同屋企人…用心去幫人係我嘅專業範疇,我會全心全力去幫助每一位客人。」

火雞姐 月年透露為考保險牌而努力溫書!
月年透露為考保險牌而努力溫書!(圖片來源:IG@yankidin)

火雞姐大晒獲保險獎項 網民恥笑:豬肉獎咋!

火雞姐日前興奮報喜:「開心仔,攞獎了,入職2個第一個獎《A動力新星獎》!多謝我嘅客人,用心服務你哋一世就梗㗎啦!」她又寫道指努力不會白費,會永遠相信自己的價值,知道是上天一早安排,又指「做好自己,問心無愧,別讓他人決定您人生的價值。」正當火雞姐自信滿滿之際,有網民留言:「這個獎項是AIA的豬肉獎!這個獎有簽單就有」而火雞姐留哈哈笑emoji!

火雞姐
(圖片來源:IG@yankidin)
火雞姐
(圖片來源:IG@yankidin)
火雞姐
(圖片來源:IG@yankidin)
火雞姐 火雞姐中)上台攞獎!
火雞姐(中)上台攞獎!(圖片來源:IG@yankidin)
火雞姐
(圖片來源:IG@yankidin)

林行踩「行家」火雞姐:娛樂圈,搵唔到!

同行林作亦留意到火雞姐轉行賣保險,發表一番偉論,他發覺火雞姐、布志倫及柳俊江都先後加入保險界,證明了「網紅、娛樂圈,搵唔到(錢),保險業,有得做」,但對火雞姐撈保險佢就抵死指「知名度不是一切,我認識許多略有知名度人士,其實都有牌但無生意,點解?因為唔專業!」林作指自己因為全情投入,對保險項目了解比別人多,同時因為「讀書多,又做過律師…」讚完自己出類拔萃後,佢就呼籲有意投身保險界的,可加入他的團隊,明踩人抬高自己!

火雞姐 林作對火雞姐轉行又有一番偉論!
林作對火雞姐轉行又有一番偉論!(圖片來源:IG@jolamchok)

火雞姐被爆黑歷史 歌手夢玩完!

28歲的火雞姐因在YouTube拍片而彈起,本身舞蹈員的她在2017加入樂壇,成為一名歌手,又參演過賀歲片《恭喜八婆》,略有名氣,2019年卻被爆中學時黑歷史,曾欺凌同學及偷電話等惡行,她拍片公開道歉,形象及事業同告插水!

火雞姐 火雞姐過去影相及拍片都不顧形象,唔知日後會否收歛?
火雞姐過去影相及拍片都不顧形象,唔知日後會否收歛?(圖片來源:IG@yankidin)
火雞姐 火雞姐最愛晒努力練成的蜜桃臀!
火雞姐最愛晒努力練成的蜜桃臀!(圖片來源:IG@yankidin)
火雞姐 在保險團隊專頁內的個人照!
在保險團隊專頁內的個人照!(圖片來源:IG@yd_agents.life_aia)

圖片來源:IG@yankidin、IG@IG@yd_agents.life_aia、IG@jolamchok

YOU MAY ALSO LIKE ...