洪永城、梁諾妍711拉埋天窗大爆造人成功 新娘凌晨起身梳妝有靚景靚姊妹陪嫁

洪永城、梁諾妍711拉埋天窗大爆造人成功 新娘凌晨起身梳妝有靚景靚姊妹陪嫁

洪永城與模特兒兼跑步教練梁諾妍(Inez)上月10日在社交網公布婚訊,今日(7月11日)就正式舉行婚禮,早前已有消息指兩人將於尖沙咀瑰麗酒店舉行婚禮,昨晚梁諾妍便和黎紀君等一班好姊妹在酒店房舉行婚前派對,玩到夜晚11點幾,到今日凌晨4點幾便要起身梳妝,在一眾靚姊妹和酒店窗外的靚景下開心出嫁!

文:東方新地|圖:梁諾妍IG、黎紀君IG、洪永城IG

梁諾妍等嫁洪永城 酒店房聚足20人

早前已有消息指洪永城與梁諾妍的婚禮已落實於7月11日在尖沙咀K11 Musea的瑰麗酒店舉行婚禮,不過一對新人唔想婚事外洩,只以口頭通知親朋戚友,未有派帖。非常緊張做老襯的洪永城,更被梁諾妍踢爆對婚禮要求甚高,二人角色掉轉。

梁諾妍被好友黎紀君在《晚吹》爆料好恨做媽媽,當時梁諾妍話唔介意未婚懷孕﹗(圖片來源:梁諾妍IG)
梁諾妍早前曾被好友黎紀君在《晚吹》爆料好恨做媽媽,當時梁諾妍仲話唔介意未婚懷孕﹗(圖片來源:梁諾妍IG)
洪永城
洪永城婚前仍然十分勤力工作,為其首次擔任監製的無綫新劇《凶宅清潔師》日夜趕工拍攝,對於婚禮非常口密。(圖片來源:洪永城IG)

昨日到了婚禮前夕,梁諾妍相約了的一班好姊妹先是在日頭長跑5公里熱身,之後再移師到酒店房內舉行婚前單身派對。從合照中可以見到連梁諾妍在內共有20人,跟足疫情下在酒店房間舉行婚嫁儀式的人數上限,可見梁諾妍朋友眾多。

梁諾妍相約了的一班好姊妹先是在日頭跑步熱身,後再移師到酒店房內舉行單身派對。(圖片來源:梁諾妍IG)
梁諾妍相約了的一班好姊妹先是在日頭跑步熱身,後再移師到酒店房內舉行單身派對。(圖片來源:梁諾妍IG)
梁諾妍更拍片分享酒店房內的布置和景色。(圖片來源:梁諾妍IG)
梁諾妍更拍片分享酒店房內的布置和景色。(圖片來源:梁諾妍IG)
從酒店房的落地窗戶外望,可以見到日落靚景。(圖片來源:梁諾妍IG)
從酒店房的落地窗戶外望,可以見到日落靚景。(圖片來源:梁諾妍IG)
(圖片來源:梁諾妍IG)
(圖片來源:梁諾妍IG)

作為待嫁新娘的梁諾妍,在社交網上感性表示:「我愛你們,真係好有愛,謝謝大家的陪我癲。你哋真係都好黐線,多謝大家啲咁可愛氣球同擺設。我們能夠做朋友是我的福氣,愛你們。大家都要健康幸福。」

即將做人妻的梁諾妍笑到見牙唔見眼,幸福滿瀉。(圖片來源:梁諾妍IG)
即將做人妻的梁諾妍笑到見牙唔見眼,幸福滿瀉。(圖片來源:梁諾妍IG)
除了開香檳外,房內又布滿氣球,慶祝梁諾妍出嫁。(圖片來源:梁諾妍IG)
除了開香檳外,房內又布滿氣球,慶祝梁諾妍出嫁。(圖片來源:梁諾妍IG)
梁諾妍戴上寫著「Bride」字樣的頭飾、襟章和彩帶,在派對上不顧形象喪食。(圖片來源:黎紀君IG)
梁諾妍戴上寫著「Bride」字樣的頭飾、襟章和彩帶,在派對上不顧形象喪食。(圖片來源:黎紀君IG)
黎紀君上載與新娘子的合照,送上祝福。(圖片來源:黎紀君IG)
黎紀君上載與新娘子的合照,送上祝福。(圖片來源:黎紀君IG)
又上載兩人的搞笑跳舞片,玩得勁High!(圖片來源:黎紀君IG)
又上載兩人的搞笑跳舞片,玩得勁High!(圖片來源:黎紀君IG)

到了今早,姊妹中的黎紀君(Christy)天未光就開始在社交網po相,大爆昨晚眾姊妹和新娘玩到夜晚11點幾,到今日凌晨4點幾便要起身梳妝,仲影埋酒店窗外的日出靚景作證,同時更晒出一眾姊妹著上粉色晚裝的合照,力圖搶新娘子鏡!

黎紀君大爆昨晚眾姊妹和新娘玩到夜晚11點幾才去安睡。(圖片來源:黎紀君IG)
黎紀君大爆昨晚眾姊妹和新娘玩到夜晚11點幾才去安睡。(圖片來源:黎紀君IG)
到今日凌晨4點幾眾人便要起身梳妝。(圖片來源:黎紀君IG)
到今日凌晨4點幾眾人便要起身梳妝。(圖片來源:黎紀君IG)
黎紀君仲影埋酒店窗外的日出靚景作證。(圖片來源:黎紀君IG)
黎紀君仲影埋酒店窗外的日出靚景作證。(圖片來源:黎紀君IG)
又影埋自己著上粉紅色姊妹裝後的靚相。(圖片來源:黎紀君IG)
又影埋自己著上粉紅色姊妹裝後的靚相。(圖片來源:黎紀君IG)
同眾姊妹一齊鬥靚!(圖片來源:黎紀君IG)
同眾姊妹一齊鬥靚!(圖片來源:黎紀君IG)

洪永城、梁諾妍爆造人成功

洪永城與梁諾妍於今日中午12點見傳媒,仲大勁興奮大叫:「多謝晒各位。」隨後更應眾媒體要求錫老婆;洪永城指自己昨晚沒有睡,因心情十分緊張,還大爆二人在講愛的宣言時流下眼淚。

(圖片來源:梁諾妍ig)
(圖片來源:梁諾妍ig)

而洪永城亦大方透露婚禮只是用了六位數,並大爆:「呢個好消息終於可以同大家講,除咗希望做個好老公,都想做個好爸爸,有咗差唔多四個月到。」眾傳媒即場恭喜二人外,亦有問到是否一擊即中,洪永城就表示:「我諗六、七擊呱,其實都想做爸爸好耐,係時候組織一個家庭。」

(圖片來源:梁諾妍ig)
(圖片來源:梁諾妍ig)

黃翠如讚洪永城叻仔

黃翠如得知洪永城榮升做爸爸,就表示:「之前已經知,覺得佢好叻仔,我哋一路睇住佢,由小朋友到變成男人,依家做埋爸爸。其實佢一話有小朋友我就諗慘啦,似爸爸好定似媽媽好,其實都好好嘅,好期待見到個BB。」

(圖片來源:黃翠如IG)
(圖片來源:黃翠如IG)
(圖片來源:林夏薇IG)
(圖片來源:林夏薇IG)

 

重溫洪永城晒婚照宣布婚訊

洪永城貼出和女友梁諾妍行山的照片以公布喜訊,相中梁諾妍拿住小花束,而洪永城一臉興奮!洪永城出po留言指和梁諾妍由拍拖到現在展開人生新旅程「追到你是我的僥倖,娶到你是我的福氣」冧到爆﹗

由一齊跑步、到傾電話、睇日出、拍拖、不計劃的旅行、到扮攰逃避跑步、通宵睇動漫、同居、到我們至愛的Coco離世、到開工連晚安早晨都沒有機會同你講、到今日一齊攜手踏上我倆的新旅程

好在有你,緊握我手
我希望一世都有你在身旁

追到你是我的僥倖,娶到你是我的福氣

Let’s get Married !

梁諾妍手上拿上小花束,洪永城一個興奮表情,相信是求婚成功時拍下﹗ 洪永城最近為拍劇而剷青。
洪永城公布婚訊,相片中梁諾妍手上拿上小花束,洪永城一個興奮表情。(圖片來源:洪永城IG)

洪永城廁所求婚多蝦碌

梁諾妍回憶被求婚時過程,她透露洪永城在家中廁所求婚:「求婚過程係好好笑,好多蝦碌嘢發生,佢喺屋企個廁所度求婚,好係佢嘅 style,成個過程我係笑到喊,不過都好感動,有晚佢拍完嘢返屋企,就入咗廁所一陣出嚟,跟住到我人有三急入廁所,佢又跟住我入廁所,當我打開廁所門,原來佢喺廁所度佈置咗有一個攝錄機,又喺洗手盆度放咗啲微型燈泡,又有一束鮮花,鏡上又貼咗啲心型卡,仲寫上MARRY ME?我好笑又感動,我問佢點解要喺洗手間求婚?佢話知道我一定要去,最好笑係佢拎隻戒指出嚟求婚時候,我話我真係好急,你等一等我去完廁所先,結果佢要等我辦完大事再求婚,我就Say Yes!」

婚照都影埋,梁諾妍左手無名指戴上求婚戒﹗(圖片來源:梁諾妍IG)
洪永城帶住煲呔,背住戴上花環的梁諾妍,一臉幸福,梁諾妍左手無名指戴上求婚戒﹗(圖片來源:梁諾妍IG)

同時間,梁諾妍亦在IG公布喜訊,回應洪永城的愛的宣言:「願餘生我們也一起笑住過﹗」公布喜訊後,圈中好友紛紛留逼祝賀,但洪永城前度唐詩詠未有祝福﹗

梁諾妍愛的宣言:

下半生手拖手

繼續一起跑下去
繼續跑去世界每個角落👫🏽

感恩遇到你
常常帶給我歡樂
照顧我陪我通宵睇動漫睇網球比賽
工作上的互相扶持
願餘生我們也要一起笑住過!

洪永城
(圖片來源:梁諮妍IG)

YOU MAY ALSO LIKE ...