江嘉敏願「識帶眼識人」有骨生日願望暗寸馮盈盈

江嘉敏願「識帶眼識人」有骨生日願望暗寸馮盈盈

日前26歲生日的江嘉敏,在社交平台po出一張身穿鮮橙色喜慶衫,笑容滿臉祝自己生日快樂,然後公開今年的生日願望,除了希望疫情早日消失外,更似有所指話希望自己「識帶眼識人」,呢句「有骨」的生日願望,被外界聯想到與過氣閨密馮盈盈之間的恩怨。

撰文:東方新地 | 圖片:江嘉敏IG| 編輯:K.P(原文刊於:東方新地

江嘉敏馮盈盈為富豪船p反目

江嘉敏今年6月同好姊妹馮盈盈因為富豪船p而反目,先是江嘉敏弦外之音指「係咁被人拖落水」,大爆船p不是由她拉線,馮盈盈封口更在記招上和江嘉敏合照以示姊妹情不變,不過其後有傳馮盈盈在高層面前哭訴扮可憐兼四圍唱衰江嘉敏,江嘉敏先以狼人殺暗示邊個講大話都冇人知,之後繼續咬住唔放,又在IG即時動態發文「有啲嘢適可而止,好收手喇﹗其實世界好細﹗」其後有自稱江嘉敏的好友拎出「證據」指船p之約並非江邀約,姊妹情正式決裂﹗

 

江嘉敏、馮盈盈呢對昔日好姊妹,以前經常孖公仔現身,對大家的另一半更早已熟悉,呢張舊照片,便是由馮盈盈前度「寶寶」負責揸機的。
江嘉敏、馮盈盈呢對昔日好姊妹,以前經常孖公仔現身,對大家的另一半更早已熟悉,呢張舊照片,便是由馮盈盈前度「寶寶」負責揸機的。

 

 

今日(11月4日)係江嘉敏的26歲生日,在社交網出po祝自己生日快樂。
今日(11月4日)係江嘉敏的26歲生日,在社交網出po祝自己生日快樂。

 

再寸馮盈盈?
今日江嘉敏26歲生日,許下生日願望:「我生日喇!生日願望簡簡單單,疫情快啲同我消失,全部人都有野做,食得飽,人類乖乖愛護地球。少用啲膠袋,膠飲管,即棄餐具……地球冇咁快滅亡,我可以聽多幾年生日快樂丫!最後梗係想自己食極唔肥,同埋希望自己成熟啲,識帶眼識人。太耐冇自拍,搞到個頭勁大」一句「識帶眼識人」明顯有骨落地,未知是否又在單打昔日好姊妹馮盈盈?而馮盈盈亦未有送上生日祝福,閨密情不再﹗

 

江嘉敏的生日願望希望大家愛護地球合力走塑,以及疫情快點消失﹗
江嘉敏的生日願望希望大家愛護地球合力走塑,以及疫情快點消失﹗

 

重點當然放最後,「識帶眼識人」,呢個人係指.....
重點當然放最後,「識帶眼識人」,呢個人係指…..

 

生日po一出,圈中好友個個留言祝賀,當中包括有黃智賢、余香凝、鄧卓殷、張繼聰、伍允龍、傅嘉莉、王卓琪、李佳芯、黃翠如、劉穎鏇等,未見有馮盈盈。
生日po一出,圈中好友個個留言祝賀,當中包括有黃智賢、余香凝、鄧卓殷、張繼聰、伍允龍、傅嘉莉、王卓琪、李佳芯、黃翠如、劉穎鏇等,未見有馮盈盈。

 

呢對過氣閨密,過去經常行孖咇。
呢對過氣閨密,過去經常行孖咇。

 

吃喝玩樂都孖住一齊。
吃喝玩樂都孖住一齊。

同場加映

馮盈盈掛住瘟仔人氣跌 高層照肺要求低調戀情力挽人氣

YOU MAY ALSO LIKE ...