江嘉敏

「時裝車禍」江嘉敏開腔回應瀨朋友 Do姐:個朋友絕咗交未?

流行娛樂

廣告

堪稱「是非磁石」的TVB小花江嘉敏,原來仲有另一個名叫「時裝車禍」!終於走出情傷的江嘉敏重新振作,仲係IG大晒事業線,戰鬥格谷胸性感相,點知就被網民狂踩,指佢唔識著衫等,惹來一地「負皮」,日前佢上do姐電台節目《口水多過浪花》開腔回應佢衣著品味一事的睇法。

江嘉敏 江嘉敏因衣着品味頻頻「出事」而成為焦點。
江嘉敏因衣着品味頻頻「出事」而成為焦點。(圖片來源:[email protected]_kong)
江嘉敏 江嘉敏與拍拖4年的電競高層男友Anthony於今年初分手。
江嘉敏與拍拖4年的電競高層男友Anthony於今年初分手。(圖片來源:網上圖片)

戰鬥格慘被嘲「東莞味」「係咪致敬仙杜拉?」

發福不少的江嘉敏日前則於IG貼谷胸照,自稱獲友人大讚「身瘦咗但塊面圓咗」,並謂:「我把自己吃得這麼圓,就是為了不被別人看扁。」自信滿滿的她早前還以戰鬥格,穿黑色Deep V Bra Top披藍色西裝外套入馬場,惟有網民嫌「鄉姑」味濃,紛紛留言「件衫隻色想點,以為返咗大陸」、「東莞夜場小姐」、「啲Taste咁差」、「花家姐咁款」、「以為夾個髮夾喺頭就會似番女人?」等。然而去年底換上新造型時,江嘉敏已被指「完全Carry唔到短髮」,甚至問:「係咪致敬仙杜拉?」

江嘉敏 江嘉敏近日於IG貼出谷胸照,自稱獲友人大讚「身瘦咗但塊面圓咗」。
江嘉敏近日於IG貼出谷胸照,自稱獲友人大讚「身瘦咗但塊面圓咗」。(圖片來源:[email protected]_kong)
江嘉敏 江嘉敏早前戴上髮夾,怎料被網民嘲「花家姐咁款」,「鄉姑」味濃。
江嘉敏早前戴上髮夾,怎料被網民嘲「花家姐咁款」,「鄉姑」味濃。(圖片來源:[email protected]_kong)
江嘉敏 江嘉敏去年底換上短髮新造型,有網民問她是否向前輩仙杜拉致敬。
江嘉敏去年底換上短髮新造型,有網民問她是否向前輩仙杜拉致敬。(圖片來源:[email protected]_kong)

自認醜 爆造型搵朋友幫手!

對於被封「時裝車禍」,江嘉敏接受鄭裕玲(Do姐)主持的商台節目《口水多過浪花》訪問時,大方直認不懂扮靚、幫自己化妝都幾恐怖,「可能件衫本身係靚,但我冇諗到咁深層次,原來件衫唔啱我身形著,我冇留意呢啲。」又表示造型是搵朋友幫手,現會考慮聘請形象指導,Do姐追問:「嗰個朋友絕咗交未?」江嘉敏即解釋:「冇,朋友好好,佢哋有勸我嘅,但我就好堅持,我覺得呢件衫真係好靚,咁其實自己衰囉!」

江嘉敏 江嘉敏日前接受Do姐左)的電台節目訪問,她自認唔識扮靚。
江嘉敏日前接受Do姐(左)的電台節目訪問,她自認唔識扮靚。(圖片來源:[email protected]_kong)

回顧歷年「時裝車禍」台慶最大獲 狂踩顯肥兼老氣

假如「宇宙巨肺」鄧紫棋是歌壇「時裝車禍」的代表,那麼劇界的「佼佼者」必定是江嘉敏,皆因她幾乎次次現身大型活動都例牌炒車!好似2019年出席《萬千星輝頒獎典禮2020》,當時蜜運中的江嘉敏一身「幸福肥」,卻穿上一襲Bling Bling直間緊身魚尾裙,將其腰間贅肉表露無遺,相當趕客;而經常被批評打扮過於成熟的她,上月以黑色喱士襯藍色連身短裙Look亮相《周年慶典節目巡禮2022》,雖然「中門暗開」身形若隱若現,但仍遭網民狂踩顯肥兼老氣。

江嘉敏 江嘉敏於IG自貼《萬千星輝頒獎典禮2020》的造型照。
江嘉敏於IG自貼《萬千星輝頒獎典禮2020》的造型照。(圖片來源:[email protected]_kong)
江嘉敏 然而媒體鏡頭下的江嘉敏現晒粗腰、肥腩。
然而媒體鏡頭下的江嘉敏現晒粗腰、肥腩。(圖片來源:網上截圖)
江嘉敏 江嘉敏出席《周年慶典節目巡禮2022》的一身造型被指顯肥又老氣。
江嘉敏出席《周年慶典節目巡禮2022》的一身造型被指顯肥又老氣。(圖片來源:[email protected]_kong)

更多「炒車」之作

撰文:東方新地圖片來源:[email protected]_kong、網上截圖、網上圖片

YOU MAY ALSO LIKE ...