鄭中基

機動電視台RTV|姜濤上鄭中基節目笑料不斷都惹機動粉批評?

流行娛樂

廣告

近日姜濤獲鄭中基(Ronald)邀請上咗自家youtube頻道《機動電視台RTV》大玩真心話大冒險,自爆咗唔少大鑊,Ronald亦發揮佢的搞笑本色令整個節目笑聲不斷,姜濤的粉絲姜糖都齊齊留言激讚,不過似乎Ronald的機動粉絲唔就多收貨!

鄭中基
(圖片來源:youtube@機動電視台RTV)

姜濤自爆大鑊 搞到花姐食血壓藥

姜濤於真心話大冒險的節目中透露唔少自己的嘢同近況,例如自己係一個好硬頸的人,而最爆一定係自爆同花姐嘈架一事,表示係近排最後悔的決定,雖然無講咩事,但認真激襯花姐,係電話同花姐嘈架,仲嘈得好勁,搞到花姐要食高血壓藥。轉數快又幽默的Ronald一邊加插幽默位,令整個節目氣氛都非常好,姜濤喺整個節目都不斷忍唔住笑!

鄭中基 姜濤自爆同花姐嘈架一事
姜濤自爆同花姐嘈架一事(圖片來源:youtube@機動電視台RTV)
鄭中基 姜濤表示好後悔,即刻扁晒咀
姜濤表示好後悔,即刻扁晒咀(圖片來源:youtube@機動電視台RTV)

姜糖留言大讚:組合好新鮮好正

唔少姜糖都留言大讚「Ronald真係好攪笑,好正,期待你地好快一齊開戲」「這個組合太新鮮,好正呀!很喜歡他們的互動,很喜歡這樣的姜濤」「唔同年代,唔同風格,性格都唔同,但夾起上嚟又好有化學作用,又好舒服好自然!希望你哋有多啲合作機會,帶多啲歡樂比觀眾同fans」

鄭中基
(圖片來源:youtube@機動電視台RTV)
鄭中基
(圖片來源:youtube@機動電視台RTV)

Ronald機動粉唔收貨:好尷尬又悶

有睇開Ronald《機動電視台RTV》的粉絲好似就唔多收貨,於討論區表示今次「好尷尬又悶,越睇越唔明有乜咁靚仔,平時睇Ronald 汁都撈埋,呢集真係搞唔掂」「見到姜濤無興趣睇」「平時真係重睇幾次都幾x好笑,呢集睇一陣都覺得好尷尬」「平時會睇鄭中基d片,見到姜濤就無撳入去睇」「我都係…佢集集既片我都睇晒(有啲好笑仲會翻睇,例如中秋個集),琴日個集真係攪唔掂,5分鐘就熄左」「靚唔靚仔都其次 佢怕醜到縮埋一舊又唔係好敢對望 隔住個mon都戥佢尷尬 唔敢睇落去」「條片啲comment又係一式一樣」「平時睇開鄭中基個channel,但姜濤d回應真係好尷,睇唔哂認真」不過就有粉絲反駁「Ronald呢個暗星真係要多謝姜b上佢個節目」「因為要賣廣告影響咗」

常見問題

為何Ronald機動粉唔收貨?

有睇開Ronald《機動電視台RTV》的粉絲好似就唔多收貨,於討論區表示今次「好尷尬又悶,越睇越唔明有乜咁…詳情請看

姜濤透露了什麼?

姜濤於真心話大冒險的節目中透露唔少自己的嘢同近況,例如自己係一個好硬頸的人,而最爆一定係自爆同花姐…詳情請看

圖片來源:youtube@機動電視台RTV

YOU MAY ALSO LIKE ...