楊思琦 虛擬老公

楊思琦幸福解畫被質疑多年的「老公」 網民:part time 老公?

流行娛樂

廣告

43歲嘅楊思琦近年將事業發展嘅重心放喺內地,除了不時登台表演之外,亦經常拍拍上抖音,同內地網友互動,雖然有彈有讚,楊思琦仍然好積極同網民交流,早前更推出直接「明買明賣」,單對單傾偈收費套餐,奮力搵人仔,令唔少網民認為她負擔好重「係咪爭落好多錢」「咁博做咩」又再次質疑起她那位神秘老公,楊思琦老公從未曝光,因此引來不少網民猜測他其實並不存在,只是一個「虛擬老公」。而日前楊思琦接受內地傳媒訪問時,罕談起那位「神秘老公」,仲一路講一路笑得勁開心!

無人見過楊思琦老公:佢係圈外人!

楊思琦自2001年成為港姐冠軍後,最為人熟悉應該是當年棄拍拖九年的李泳豪搭上空心老倌吳帥,結果未婚生女被指拜金一沉百踩。2020年2月,楊思琦再被踢爆離奇生多個仔,事後她解釋與圈外老公已在2019年結婚,不過從來冇人見過她口中的老公,令楊思琦的虛擬老公成謎,日前她接受內地《南方周末》訪問,難得提到其神秘老公,她笑言:「我有老公啦喎!因為佢係圈外人,佢本身過住一個正常嘅生活,我唔想令到佢畀人哋去追訪,搞到佢未必可以接受得到。」

楊思琦 虛擬老公 楊思琦 楊思琦在訪問中講到她在香港出世,但她也是梅州蕉嶺的客家妹,自從拍了無綫節目《回鄉》後,她就覺得鄕下給她很有親切感,感覺像是在「尋根」一樣,即使沒見過面,也有一種血濃於水的感覺。
楊思琦在訪問中講到她在香港出世,但她也是梅州蕉嶺的客家妹,自從拍了無綫節目《回鄉》後,她就覺得鄕下給她很有親切感,感覺像是在「尋根」一樣,即使沒見過面,也有一種血濃於水的感覺。(圖片來源:微博@南方周末)
楊思琦 虛擬老公 楊思琦 楊思琦在訪問中難得講到她的神秘老公,仲一路講一路笑得好開心。
楊思琦在訪問中難得講到她的神秘老公,仲一路講一路笑得好開心。(圖片來源:微博@南方周末)
楊思琦 虛擬老公 楊思琦 楊思琦在訪問中難得講到她的神秘老公,仲一路講一路笑得好開心。
不過網友對她解釋隱瞞老公身份多年的原因依然拒絕收貨,紛紛繼續追問楊思琦神秘老公的真正身份。(圖片來源:微博@南方周末)

楊思琦都囡囡就快十歲!

楊思琦在訪問中難免提到自己一對仔女:「我依家囡囡好快十歲,囝囝都眨吓眼兩歲,但喺佢兩歲嘅時候,我嚟咗廣州差唔多半年,即係(由佢出世到依家)有成四分之一嘅時間,我陪唔到佢,其實我都有少少內疚嘅感覺,都好想陪吓佢。」她又講起對小朋友的期望︰「我都會想我啲小朋友好似我咁,如果係做事嘅話,就係好認真好投入,好有責任感,我唔理佢係咪一個成功嘅人,自己努力過,就算我唔成功,我盡咗本分,都唔會覺得有遺憾。」

楊思琦 虛擬老公 楊思琦 楊思琦話希望自己的拼搏努力,能夠成為一對仔女的榜樣。
楊思琦話希望自己的拼搏努力,能夠成為一對仔女的榜樣。(圖片來源:[email protected]

楊思琦被網民嘲淪落做主播

講到事業,楊思琦指最近拍戲是比以前少了點,但不代表她不會再拍,因為她對演戲方面仍很有興趣,她直言:「以往我拍劇會長時間去投入一個角色,係做其他人,但我反而覺得做主播可以好舒服咁做返自己,我唔理可能有人打啲字話:點解你要同啲網紅PK?點解依家啲演員要淪落到嚟做主播?以往如果拍一個電視劇,我真係要花好長好長嘅時間去鑽研一個角色,但依家就唔同,網絡上面就係好容易接收到啲新嘅訊息,好容易就會同所有普羅大眾有一個緊密嘅接觸。」

楊思琦 虛擬老公 楊思琦 楊思琦揚言希望能拍一些不需要怎樣去化妝的戲,講一些現實生活或者講一些鄉村女孩的戲,又或者講一些朴素些的生活方式的戲。
楊思琦揚言希望能拍一些不需要怎樣去化妝的戲,講一些現實生活或者講一些鄉村女孩的戲,又或者講一些朴素些的生活方式的戲。(圖片來源:微博@南方周末)

屋企人幫手睇住小朋友

楊思琦續說:「有好多人都會話:做咗媽媽應該留喺屋企,照顧多啲自己小朋友,陪佢多啲,咁我都贊成嘅,但我覺得如果係一個體諒嘅伴侶,或者係一個和諧嘅家庭,男同埋女都應該係平等㗎囉,現今嘅社會我覺得真係事業對於女性嚟講係好緊要。其實我自由度都算係好大㗎喇,好彩有屋企人幫我睇住啲小朋友,令到我喺我工作上面可以有啲唔同嘅發揮同埋一個新嘅嘗試。」

楊思琦 虛擬老公 楊思琦 楊思琦話好感謝有屋企人幫佢睇住兩個小朋友,令佢可以喺事業上衝刺,唔知係講緊佢媽媽,定係佢老公呢?
楊思琦話好感謝有屋企人幫佢睇住兩個小朋友,令佢可以喺事業上衝刺,唔知係講緊佢媽媽,定係佢老公呢?(圖片來源:微博@南方周末)

重溫楊思琦被林盛斌追問未婚懷孕:生小朋友係我打算

楊思琦去年接受阿Bob林盛斌和麥玲玲師傅《Master’s Talk師父有請》訪問,講到楊思琦當年突然傳出未婚懷孕的消息,一度震驚娛樂圈,楊思琦話:「生小朋友係我打算,不過之後發生嘅事,係我同對方(前男友吳帥)有問題冇再喺埋一齊。」楊思琦表示對方沒有經濟上支援女兒的生活費,她認為自己負擔到就問都沒有問對方。

楊思琦 虛擬老公 楊思琦和羅霖日前上《Master
楊思琦和羅霖日前上《Master’s Talk師父有請》節目,大談感情、婚姻。(圖片來源:《師父有請》截圖)

被追問虛擬老公:我覺得好好笑!

阿Bob問大女有冇追問生父?楊思琦話:「佢冇問起生父,不過有講過話想要個弟弟,同埋話想要個爸爸,所以依家佢叫我現任丈夫做爸爸,不斷咁叫,佢恨咗好耐﹗」不過楊思琦對現任丈夫還是好口密,她解釋因為丈夫是圈外人,不讓對方曝光是尊重他的決定,楊思琦話:「我由細到大都喺呢行,大家記者朋友都睇住我大,有咩都可以講,不過佢話唔想講我咪配合,(呢個世界係咪冇乜人知你丈夫身份?」係呀,有傳聞話係虛擬老公㖭,又話我作出嚟,又話咩大話冚大話,我覺得好好笑,如果我作大話出嚟,我咪好辛苦囉,我點會諗到咁多嘢?」楊思琦又謂現在生活很開心﹗

楊思琦 虛擬老公 楊思琦 楊思琦
楊思琦(圖片來源:《師父有請》截圖)

被志雲大師打爛沙盤問到篤 楊思琦黑面

楊思琦當年戀吳帥搞到變成未婚媽媽,逃去美國生女後兩個月返港,成為一時佳話,14年楊思琦約滿無綫電視後決定不續約,近年為養家攻入內地市場,去年唔聲唔聲又生仔,已經行錯一次的楊思琦今次仲離奇,老公與兒子生父身份隻字不提,只強調對方是圈外人不想曝光。愈神秘就愈惹人揣測,之前陳志雲在其網上節目《Stephen‧傾》內多方位單刀直問,楊思琦多次保持緘默唔知點答好,仲試過黑面。

楊思琦 虛擬老公 楊思琦 楊思琦上陳志雲的網上節目做嘉賓,一見面即手踭踫手踭打招呼。
楊思琦上陳志雲的網上節目做嘉賓,一見面即手踭踫手踭打招呼。(圖片來源:《Stephen‧傾》網上影片截圖)

重提前度李泳豪 楊思琦態度迴避

其實楊思琦上得陳志雲節目就預了要答刁鑽問題,不過當話題轉到前度李泳豪時,楊思琦妹態度迴避,表示感情世界好難拿捏,面對負面新聞指她專搵有錢人,楊思琦叫陳志雲幫佢平反。對於當年未婚誕女,她說自己諗清諗楚,決定獨力撫養,自言好鍾意小朋友,不會因為其他因素抹殺生存權利,不過陳志雲不斷追問當年的情況,楊思琦就話:「呢啲嘢唔想答唔想講!細節嘢唔想提!」楊思琦只肯回答當年她與吳帥,最後是由她主動斬纜。

楊思琦 虛擬老公 楊思琦 另一個糾纏好耐的話題,就是當年錯愛吳帥,陳志雲話要「畀個叻楊思琦」,因為當年是她主動斬纜。
另一個糾纏好耐的話題,就是當年錯愛吳帥,陳志雲話要「畀個叻楊思琦」,因為當年是她主動斬纜。(圖片來源:《Stephen‧傾》網上影片截圖)

楊思琦曾聲稱永遠不曝光老公!

對於楊思琦再生第二胎,陳志雲來來回回不停追問,對於虛擬老公被質疑根本無此人,楊思琦堅持老公是圈外人要低調,即使永遠不曝光都無所謂,不過陳志雲就追問如何可以永遠不曝光,又問楊思琦與老公怎樣共同生活,楊思琦的答案全部都好虛,不停在遊花園。陳志雲繼續窮追不捨,問楊思琦會不會接受與其他人共享一個男人,楊思琦面色一沉答得有點遲疑:「如果對方結咗婚唔可以接受!」

楊思琦 虛擬老公 楊思琦 陳志雲多番追問,話題離不開楊思琦的虛擬老公,搞到佢數度面有難色口窒窒。
陳志雲多番追問,話題離不開楊思琦的虛擬老公,搞到佢數度面有難色口窒窒。(圖片來源:《Stephen‧傾》網上影片截圖)

楊思琦自爆被傷害

講到當年在美國生女的經歷,楊思琦突然自爆當年某人做了傷害她的事情,現在已原諒對方:「佢做過傷害我嘅事,我可以原諒佢對我做過嘅嘢,我唔係講緊另一半嗰啲,係在位者!因為嗰個人係在位者,當其時嘅在位者。如果依家見到我都會同佢打招呼!」陳志雲表示對在位者身份好好奇,不過楊思琦不肯透露半句內情,陳志雲笑言訪問後會私底下問清楚楊思琦。

楊思琦 虛擬老公 楊思琦 楊思琦更自爆曾被在位者傷害,但她唔肯開名爆係邊個!
楊思琦更自爆曾被在位者傷害,但她唔肯開名爆係邊個!(圖片來源:《Stephen‧傾》網上影片截圖)

楊思琦辛苦養家供五物業

楊思琦絕對是圈中奇女子,當年因飛甩拍拖多年感情穩定的李泳豪,搭上空心吳帥錯晒,在美國生埋大女楊卓穎後,她返港重過新生活,辛苦養家又要供五個物業,搵少啲都唔掂,所以楊思琦14年離開無綫後,密集式中港兩地走,拍劇、拍電影、代言、登台與酒吧騷來者不拒,生活上自己慳得就慳,甚至為工作捱到病都要供囡囡讀國際學校,培育女兒多方面發展。

楊思琦 虛擬老公 楊思琦12年誕下大女楊卓穎,八年後再迎來兒子Kody,冇爸爸的全家福,楊思琦似乎已經習慣了。
楊思琦12年誕下大女楊卓穎,八年後再迎來兒子Kody,冇爸爸的全家福,楊思琦似乎已經習慣了。(圖片來源:微博@楊思琦szeki)
楊思琦 虛擬老公 單身多年一直話感情冇著落的楊思琦,去年10月驚爆又大肚,臨盆前與囡囡卓穎去影孕婦寫真,老公未見影。
單身多年一直話感情冇著落的楊思琦,前年10月驚爆又大肚,臨盆前與囡囡卓穎去影孕婦寫真,老公未見影。(圖片來源:微博@楊思琦官方影迷會論壇)
楊思琦 虛擬老公 今年2月中兒子出世,楊思琦只透露囝囝英文名叫 Kody,暱稱「豬豬」,她更與囝囝去影初生寫真,雖然細仔出世前她聲稱與老公在外地已婚,但Kody也跟媽咪姓楊。
2020年2月中兒子出世,楊思琦只透露囝囝英文名叫 Kody,暱稱「豬豬」,她更與囝囝去影初生寫真,雖然細仔出世前她聲稱與老公在外地已婚,但Kody也跟媽咪姓楊。(圖片來源:微博@楊思琦szeki)
楊思琦 虛擬老公 為湊B冇覺好瞓的楊思琦,笑指大女卓穎懂事聽話,是照顧弟弟的好幫手,而兩個月大的「豬豬」能吃能睡,生長線超晒標,現在已變成「大豬豬」。
為湊B冇覺好瞓的楊思琦,笑指大女卓穎懂事聽話,是照顧弟弟的好幫手,而兩個月大的「豬豬」能吃能睡,生長線超晒標,現在已變成「大豬豬」。(圖片來源:微博@楊思琦官方影迷會論壇)

虛擬老公從未online 努力搵人仔

2019年10月楊思琦突然被驚爆大肚,近年冇承認過有拍拖,第二胎經手人自然備受關注,每次被追問老公身份,她都避重就輕遊花園,只表示在對的時間遇上對的人,對方是圈外人卻十分支持她的工作,對於被質疑老公在懷孕期間冇影,她又解釋老公要低調,到兒子出世被發現都是與大女一樣跟楊思琦姓楊,外界對其老公是否真的存在更加成疑。據知情者透露:「真係從來冇人見過思琦老公,佢喺香港生,冇理由一次都未見過佢有男人陪佢產檢,就算影孕前同產後寫真,爸爸都係冇出現,搞到思琦好似一直喺度虛擬緊自己個老公咁,成件事真係好奇怪,所以大家都猜測 BB生父唔見得光嘅種種原因。最離奇就係生前同生後思琦都繼續搏命搵錢,佢講到個虛擬老公對佢咁好,又點解會忍心佢未坐完月已經急住復出做嘢?」

楊思琦 虛擬老公 得天獨厚的楊思琦,懷孕期間都是肥胎唔肥人,產後她即搵專人紮肚,唔使一個月已回復美好身材。
得天獨厚的楊思琦,懷孕期間都是肥胎唔肥人,產後她即搵專人紮肚,唔使一個月已回復美好身材。(圖片來源:微博@楊思琦szeki)
楊思琦 虛擬老公 上年推出單曲〈愛的森林〉正式進軍樂壇的楊思琦,產後一個月現身公開活動接下《 2019年 AEG音樂排行榜頒獎典禮》「鑽石新人獎」及「鑽石全方位歌手」獎。
2019年推出單曲〈愛的森林〉正式進軍樂壇的楊思琦,產後一個月現身公開活動接下《 2019年 AEG音樂排行榜頒獎典禮》「鑽石新人獎」及「鑽石全方位歌手」獎。(圖片來源:微博@楊思琦szeki)

2020年2月兒子 Kody出世後,楊思琦即急不及待搵專人幫她紮肚修身,很快小蠻腰已經歸位,而她亦四出放風準備好產後復出,可惜香港受新冠肺炎影響,九成九的演藝工作都叫停,據知楊思琦非常心急,不斷聯絡國內的中介單位,知情者說:「原來內地好多夜場都繼續經營,思琦話唔驚,佢會做好抗疫措施,總之有登台同騷佢都照接,可以繼續安排。」楊思琦博成咁,全因有對年幼仔女要養又要孭起頭家,而佢口中嘅好老公究竟身在何方呢?

楊思琦 虛擬老公 楊思琦 思琦妹年過四十女人當自強,雖然口口聲聲說有個非常關心和照顧她的老公在身邊,但老公形同虛擬,生完囝囝遇上疫情亦冇有怕,狀態已回勇的她希望疫情過去可以繼續正常搵錢養家。
思琦妹年過四十女人當自強,雖然口口聲聲說有個非常關心和照顧她的老公在身邊,但老公形同虛擬,生完囝囝遇上疫情亦冇有怕,狀態已回勇的她希望疫情過去可以繼續正常搵錢養家。(圖片來源:微博@楊思琦szeki)
楊思琦 虛擬老公 楊思琦在情路上極盡坎坷,幸有母親做最強後盾,年初被影到陀住巨肚湊大女放學,而囝囝出世後,楊母亦幫忙湊孫,分擔楊思琦的辛勞。
楊思琦在情路上極盡坎坷,幸有母親做最強後盾,年初被影到陀住巨肚湊大女放學,而囝囝出世後,楊母亦幫忙湊孫,分擔楊思琦的辛勞。(圖片來源:新傳媒照片庫)

撰文:東方新地圖片來源:微博@楊思琦szeki、微博@南方周末、[email protected]、新傳媒照片庫

YOU MAY ALSO LIKE ...