【日日媽媽聲】森美與老婆親熱遭子女撞破、機智回應笑爆全場！

撰文：Andy｜圖片：《日日媽媽聲》節目截圖｜編輯：海月

森美與老婆親熱遭子女撞破 機智回應笑爆全場

森美日前於TVB節目《日日媽媽聲》分享一家人之間嘅「趣事」，包括被問及有冇被子女撞破床事？森美先直認不諱，其後就以幽默化解。

森美坦言被子女撞破難免尷尬，面對咁嘅情況，森美同子女說佢地夫妻喺度做緊瑜伽。仲又問佢地：「要唔要細佬？」以幽默化解主持人咁尷尬嘅問題。

女兒抗拒森美「騷肌」自己唔再係女兒心中嘅偶像

森美曾努力操肌，擁有令人羨慕嘅健碩身材，不過佢嘅女兒好似唔多受落啦。節目內森美承認女兒並唔中意自己「騷肌」。有一次佢陪女兒參加學校步行籌款活動，因為天氣炎熱，佢到咗山頂休息時打算除外套散熱，點知女兒十分唔中意，直接喝止佢除衫「騷肌」。

森美仲話，女兒大個咗進入青春期，自己已經唔喺女兒嘅「偶像」。森美自嘲，自己宜家喺女兒心目變成咗一個「油膩的大叔」。

當兒子係兄弟 兒子冷門知識題考起自己

森美透露，自己對待女兒和兒子有分別，形容女兒係「前世情人」，而兒子則是「前世兄弟」。佢指現今宜家已經唔係大人教化、小朋友聽話嘅年代。因為資訊發達，小朋友接觸資訊太多，不會輕易認同大人嘅說話，兒子仲不時問佢一些冷門知識題，佢都被「考起」。

https://youtu.be/6xHnw54ZLFA