林鍾大戰|鍾培生自爆被當紅偶像紅星請食檸檬 仲指193可做陳冠希第二?網民:唔係有錢大晒

林鍾大戰|鍾培生自爆被當紅偶像紅星請食檸檬 仲指193可做陳冠希第二?網民:唔係有錢大晒

《林鍾大戰》雖然已告一段落,不過鍾培生近日連出數條影片大爆拳賽內幕,自揭《林鍾大戰》如何成功吸金八位數,後再出片透露原本構思,邀請人氣偶像同紅星做拳賽嘉賓,但最後請唔郁,鍾培生繼續自high詳盡講本來的計劃,遭網民撥冷水﹗

文:東方新地|圖:鍾培生影片截圖|編輯:HM(原文刊於:東方新地)

林鍾大戰|鍾培生爆拳賽內幕

鍾培生繼續出片大講《林鍾大戰》內幕,他透露能有八位數收益主要是源於門票及贊助商,全因他敢將門票價錢提高至$28,800,並指過去歌手因為害怕外界輿論而唔敢將票價提高,所以製作一場演唱會基本上不能賺錢﹗

鍾培生話搞拳賽前被指「二世祖掟百萬出嚟自high」,最後他要證明成功搞一場國際性拳賽盛事,(圖片來源:鍾培生影片截圖)
鍾培生話搞拳賽前被指「二世祖掟百萬出嚟自high」,最後他要證明成功搞一場國際性拳賽盛事。(圖片來源:鍾培生影片截圖)

鍾培生搵MIRROR、ERROR十六子被拒

鍾培生其後講到當晚邀請的嘉賓都係唔容易,鍾培生話:「忠哥(梁榮忠)做旁述,但佢已經冇乜幕前工作,都係半退休狀態,尹光啦,仲有LMF係大嘢,好難叫得齊成班出嚟﹗搵埋Kolor係因為打拳想搵啲嘉賓 man啲﹗」鍾培生話本來計劃是請人氣偶像炒熱個場「一開始其實係有搵MIRROR、ERROR,但佢哋Turn down咗﹗」

鍾培生話一開始已邀請MIRROR任表演嘉賓﹗(圖片來源:MIRROR官方圖片)
鍾培生話一開始已邀請MIRROR任表演嘉賓﹗(圖片來源:MIRROR官方圖片)
鍾培生力邀MIRROR及ERROR任拳賽表演嘉賓,不過都被拒﹗(圖片來源:ERROR官方圖片)
鍾培生力邀MIRROR及ERROR任拳賽表演嘉賓,不過都被拒﹗(圖片來源:ERROR官方圖片)

原本搵鄭伊健唱《數碼暴龍》

鍾培生又指成功打造香港史上最長的進場儀式,佢沾沾自喜話近八分鐘的個人出場環節,是他的意思亦是拳賽策略之一,鍾培生話:「我就係要林作等吓,都等咗半年,唔差在,同埋有擾敵作用,令對方本來戰意cool down,都係一個策略﹗」鍾培生又自爆出場環節原本構思邀請鄭伊健做嘉賓:「 想搵鄭伊健去唱《數碼暴龍》,現場效果有一條BB龍啱啱出世,跟住噴少少火啦,然後變大,用CQ特效令條龍喺現場飛幾個圈,不過鄭伊健推咗,但我哋都係揀咗好貴嘅特效,咁本來搵鄭伊健都唔會平啦﹗」

鍾培生透露曾邀請鄭伊健在拳賽上唱動漫《數碼暴龍》主題曲《自動勝利Let's Fight》。(圖片來源:鄭伊健Facebook)
鍾培生透露曾邀請鄭伊健在拳賽上唱動漫《數碼暴龍》主題曲《自動勝利Let’s Fight》。(圖片來源:鄭伊健Facebook)
「古惑仔」成員陳小春、謝天華及林曉峰參與內地真人騷《披荆斬棘的哥哥》,唯獨不見鄭伊健及錢嘉樂,有報道指鄭伊健因為唔想同太太蒙嘉慧分隔兩地太久,加上不缺錢而推掉此工作﹗(圖片來源:鄭伊健Facebook)
「古惑仔」成員陳小春、謝天華及林曉峰參與內地真人騷《披荆斬棘的哥哥》,唯獨不見鄭伊健及錢嘉樂,有報道指鄭伊健因為唔想同太太蒙嘉慧分隔兩地太久,加上不缺錢而推掉此工作﹗(圖片來源:鄭伊健Facebook)

遭網民潑冷水

鍾培生講出原本想搵人氣偶像MIRROR同天團ERROR,又話邀請過鄭伊健,都都慘食檸檬,網民留言大潑冷水:「唔係有錢大晒﹗」、「伊健淨係為錢就唔會推內地真人騷啦﹗」、「唔係個個林作恨錢到唔要尊嚴嘅﹗」、「二世祖終於明唔係有錢乜都得﹗」、「鍾生被派檸」等。

鍾培生繼續爆拳賽內幕﹗(圖片來源:鍾培生影片截圖)
鍾培生繼續爆拳賽內幕﹗(圖片來源:鍾培生影片截圖)
鍾培生邀請MIRROR、ERROR同鄭伊健,統統被拒﹗(圖片來源:鍾培生影片截圖)
鍾培生邀請MIRROR、ERROR同鄭伊健,統統被拒﹗(圖片來源:鍾培生影片截圖)

鍾培生:我由細到大都想做皇帝

鍾培生出場時坐龍吊在半空出場,因為「我由細到大都想做皇帝,我成日久不久就著龍袍,我21歲生日都著龍袍,龍係皇帝嘅動物、交通工具,所以我坐住佢出場﹗」

林鍾大戰|鍾培生親爆請唔郁人氣偶像及紅星任拳賽嘉賓 網民:唔係有錢大晒﹗
鍾培生出場環節近八分鐘之久,並坐龍吊高半空出場,佢解釋因為恨做皇帝所以構思坐龍出場﹗(圖片來源:鍾培生IG)

鍾培生推193做陳冠希第二

鍾培生指因為在拳賽營造壞男孩形象,要man又要壞壞哋,以他認為香港壞男孩代表令人想起的已是離開香港娛樂圈的陳冠希,現在或者是ERROR中的193(郭嘉駿)﹗

林鍾大戰|鍾培生親爆請唔郁人氣偶像及紅星任拳賽嘉賓 網民:唔係有錢大晒﹗
193郭嘉駿對鍾培生形容為陳冠希後的壞男孩,唔知有乜睇法呢﹗(圖片來源:193@IG)
LMF任拳賽嘉賓﹗(圖片來源:鍾培生影片截圖)
請唔到MIRROR同ERROR,最後請來LMF任拳賽嘉賓,立即令場氣氛高漲﹗(圖片來源:鍾培生影片截圖)
尹光唱《少理阿爸》(圖片來源:鍾培生影片截圖)
尹光任壓軸表演嘉賓唱《少理阿爸》,鏡頭竟影住鍾培生爸爸,唔知係咪又係鍾生的構思呢?(圖片來源:鍾培生影片截圖)
Kolor都係表演嘉賓﹗(圖片來源:鍾培生影片截圖)
Kolor都係表演嘉賓﹗(圖片來源:鍾培生影片截圖)
梁榮忠等任拳賽旁述﹗(圖片來源:鍾培生影片截圖)
梁榮忠等任拳賽旁述﹗(圖片來源:鍾培生影片截圖)

YOU MAY ALSO LIKE ...