林欣彤上唔到一線歌手歌迷戥不值 網民：同期欣宜、許廷鏗全部上過紅館
廣告
林欣彤（Mag）日前路經沙田鬧市，欣賞街頭busking時即興落場自彈自唱，令圍觀者眾，成為熱話，同時令林欣彤的歌藝被激讚，網民以「被遺忙的天使歌聲」形容，同時在討論區熱議林欣彤跌落神壇，紛紛戥佢唔抵，認為她應該在樂壇有更好成績，就像2010年參加《超級巨聲2》一樣受觸目。
林欣彤成名作《洗澡》無限loop
林欣彤能否再翻hit，近日在討論區惹熱議，有網民指林欣彤歌好聽而且唱得，成績應該不止現在，值得獲更多人的肯定，「依家仲聽緊佢首《洗澡》無限loop」、「唔講以前啲歌﹐近年《次元壁 》、《無名指勇氣》、《 鐵樹 》成堆都爆好聽」。
網民：唔明點解同欣宜成績差咁遠
有網民指她不獲公司力捧，「唔受TVB重用係咁」、「其實佢啲歌同唱功都係中等以上，只係當初跟錯公司，無人幫佢，你睇下二胡撈，無實力但咁紅」、「其實佢樣易認，細細粒身材好，皮膚又白滑」、「當年佢比賽時好有觀眾緣，成家都鍾意佢，但公司唔識捧佢，開個頭開得唔夠靚」、「都唔明佢輸乜，樣又唔差過欣宜，身材點都好過欣宜，唱歌唔差過欣宜」。
網民：淨係記得佢不停拍拖同分手
有不少網民指林欣彤，令人留深刻象只有戀情，「佢好似淨係掛住拍拖同分手，都唔覺得佢有做嘢」、「淨係記得佢被家暴同不停做第三者」、「佢把聲無進步過，但不停見報只係情緒病同啲戀情」、「佢好似唔拍拖唔做小三會死咁」、「形象唔好，不停被爆做小三」、「佢花邊新聞仲紅過佢啲歌」。
飛甩專一羅孝勇去出軌！？
有不少網民指林欣彤被緋聞蓋過歌聲，2020年參加《超級巨星2》奪軍的林欣彤，與參賽者之一羅孝勇拍拖，林欣彤患上情緒病，男友不離不棄，但拍拖三年終分手收場，有傳是林欣彤暗撻另一位當時有女友的男星。
先後暗撻天堂鳥成員變最強小三！？
其後林欣彤傳與初戀圈外男友Ben復合，但有傳被男方家暴，打到眼瘀。有指因為遭家暴，林欣彤與天堂鳥隊長Gordon暗撻。未其，被爆林欣彤介入天堂鳥成員Tyrese與余思霆當中，被指為第三者。
被鼓手Anton女友數臭做第三者
去年2月林欣彤與樂隊One Promise鼓手Anton同期中招因而被爆撻著，無耐二人即公開戀情，同時被爆原來男方原本有一位拍拖七年女友，女友公開大爆被林欣彤搶男友。同年11月宣布分手。
關鍵詞
林欣彤
圖片來源：IG＠maglam_
