林作獲媽咪全力支持打爆鍾培:代表市民向權貴出氣

林作獲媽咪全力支持打爆鍾培:代表市民向權貴出氣

全城最關注嘅花生必定係林作與百億富三代鍾培生約戰!雙方一輪嘴砲熱身後,雖然未落約實幾時開打,但已經足夠吸睛。林作嘅炒作攻勢一波接一波,林作尋日仲公開媽媽王莉妮批准他迎戰的片段,再次引起網民熱烈討論。

撰文:神仙b|圖片:林作IG Facebook、鍾培生IG、裕美IG、麥明詩Facebook截圖|編輯:海月

林作老母都出面打氣 叫仔仔打殘鍾培生

鍾林大戰令全城市民都引頸而待。前日,鍾培生寄拳賽合同俾林作,但林作就拍片撕爛合約,仲話份合約垃圾,指住嘅cam叫鍾培生親自出面同他傾。

對此,鍾培生於IG轉發林作影片回覆:「除咗生死狀同埋出場費唔改得,有咩可以配合你。」

【有片】林作老母都出面打氣 叫仔仔打殘鍾培生
鍾培生:「除咗生死狀同埋出場費唔改得,有咩可以配合你。」

林母出場為仔仔打氣 下令林作打爆鍾培生

林作尋日公開媽媽王莉妮批准他迎戰的片段。片中林作稱要得到媽媽批准先可以打交。於是佢轉個鏡頭對準佢老母問:「可否打鍾培生一鑊?」林母眉飛色舞說:「打爆佢,我一定支持你,打爆佢,你一定要爭氣,贏番嚟!」

林母眉飛色舞說:「打爆佢,我一定支持你,打爆佢,你一定要爭氣,贏番嚟!」
林母眉飛色舞說:「打爆佢,我一定支持你,打爆佢,你一定要爭氣,贏番嚟!」

林作得母支持既感動又興奮 女友裕美則叫林作人壽寫佢個名

上年一眾媒體都報導林作因為同裕美拍拖,引起林媽媽不滿。因為林母拒俾裕美入門,所以林作為維護自己女友不惜公開炮轟媽媽。自此,母子關係開始轉壞。令一直愛母個林作心有有條刺。

【有片】林作老母都出面打氣 叫仔仔打殘鍾培生
之前因為林母拒俾裕美入門,林作為維護自己女友不惜公開炮轟媽媽。

但今鋪林母不但冇反對,更全力撐仔仔上擂台打交。重獲母愛嘅林作表現得相當開心。

【有片】林作老母都出面打氣 叫仔仔打殘鍾培生
重獲母愛嘅林作表現得相當開心。

而林作另一位重要嘅女性——裕美得知兩人要隻揪後,只係淡淡然吩咐男友林作:「買定人壽保險寫我個名。」

【有片】林作老母都出面打氣 叫仔仔打殘鍾培生

前女友麥明詩斥責林作鍾培生侮辱女性 林作稱不明佢點解有咁嘅解讀

此外,林作前女友麥明詩看到報道後,在網上發文示意兩人不要再公開提及女性性器官,林作隨後亦回覆表示沒有侮辱女性的意圖,坦言這次是兩個男人之間的事,不想牽涉到其他人,不理解麥明詩為甚麼會誤會。

【有片】林作老母都出面打氣 叫仔仔打殘鍾培生
對於前女友的指控,林作回應表示沒有侮辱女性的意圖

林作強行代表香港市民 網民多嘲笑佢膽怯

不少人見到林作撕毀合約都大失所望,以為林作膽怯要走佬,於是網民紛紛留言叫林作盡早上擂台應戰。而林作就話自己唔會走,一定同鍾培生打。

不過唔知點解,林作唔啦啦話自己代表全港市民。佢仲係社交媒體放話:「支持我,就等於支持香港人,幫自己爭一口氣,威番次畀權貴階層睇。我會代表大家打殘佢。記住,我唔係代表林作,其實係代表緊你地(哋)。各位市民畀少少耐性,打硬,不要急,不打好難給香港人一個交代,不打贏他,無辦法對權貴階級出一口氣。」

 

【有片】林作老母都出面打氣 叫仔仔打殘鍾培生
林作表示:支持我,就等於支持香港人,幫自己爭一口氣,威番次畀權貴階層睇。我會代表大家打殘佢。

 

 

 

 

YOU MAY ALSO LIKE ...