林作半山屋企舉行記招 強調唔會道歉大把人撐！最索靚女下屬已割席

林作靚女下屬唔會轉即刻割席

林作出名專請靚女做下屬，其中兩位靚女下線Jasmine同Bronte就最出名，社交平台都有幾萬Followers。不過其中嘅「保險KOL」Jasmine係老闆林作被炒之後，就迅速在本人社交平台出限時動態，講明唔會轉公司：「收到很多客人查詢，大家請放心，你們的保單不會受到影響，還未批的保單會繼續努力跟進。已受保的保單，我也會一直努力幫你們處理。不用擔心，絕不變成孤兒單，我會努力做好自己最愛的事業。另外：致大保險公司的愛戴，不會考慮轉公司了。」

林作親回，原來係佢要求佢所有下線係唔需要表態支持佢，以免被牽涉其中。

林作稱開記招 記招日子改完又改

林作今次抽水抽著火水，引來網民連環負評，不過林作就一而再聲稱自己不會道歉，亦不後悔作出相關言論。林作在6月3日下午曾發文表示會在4日開「辯論大會」，不過隨後又即刻刪Post，最新發文指會在6月5日下午6點喺佢半山的屋企開記者招待會！

林作記招教人分清楚咩叫抽水 強調網上只係「人設」

林作記招中表示今次被炒的結果感到可惜，特別係言論自由，佢不斷強調網上的「自己」只係人設，就好似啲藝人咁，鏡頭前有另一面，私底下的佢係好似正常人咁有愛心、有同理心，更強調無論係佢嘅朋友定係公司都清楚佢為人。林作又叫網民要分清楚咩叫「抽水」同攻擊，認為抽水係唔帶惡意無攻擊性，佢的抽水係以黑色幽默的形式進行，所以佢係唔會為佢今次的抽水道歉，除非係慘案中涉事的人認為佢的言論令佢哋受傷，叫大家唔好太過放大嚟睇。

曾深得林作歡心 獲讚為顏值最高的新成員

去年3月林作在IG貼出一張美女合照，歡迎相中的Jasmine Tang加入旗下團隊，更叫網友盡情Follow她、鞭策她，他說：「相信是目前 #林作保險軍團 顏值最高的一位新成員。」而Jasmine亦有在自己的IG宣布加入保險業，不但大讚林作是值得信賴、有智慧的領袖，還指新工作是她的終身職業，在短短半年時間內，Jasmine就成功成為「百萬圓桌」一員，更試過大曬二十萬嘅糧單，非常厲害。