杜琪峯

杜琪峯鬧速遞員被cap圖放上網 網民反應兩極撐杜Sir起罵戰

流行娛樂

廣告

杜琪峯執導四十多年,行內盛傳杜Sir在片場好火爆會用粗口鬧人,唔少大明星都畀佢問候過﹗近日有網民爆料指杜琪峯鬧爆一名速遞員,仲cap埋圖放上討論區,隨即引起大家熱烈討論,網民反應兩極,各為撐杜Sir或該名速遞員引起罵戰﹗

杜琪峯爆粗鬧速遞員車仔送貨會撞崩樓梯

有網民在某觀塘群組討論區,貼出一張杜琪峯同一名速遞員在樓梯間的照片,指背景是杜Sir位於觀塘鴻圖道甲級寫字樓,指當時杜Sir因不滿該名速遞員送貨車仔會「撞崩佢啲樓梯」而爆粗鬧人﹗不過有不少網民撐杜Sir指這只是「看圖作文」po去屈杜Sir,亦有不少網民撐該名速遞員而鬧爆杜Sir唔識尊重人﹗

杜琪峯 杜Sir同速遞員在樓梯口﹗
杜Sir同速遞員在樓梯口﹗(圖片來源:FB@官塘老母群組截圖)

網民鬧杜Sir:樓梯豆腐做咩,咁易撞崩﹗

網民反應兩極,更各為互撐一方而引起罵戰﹗有網民留言指杜Sir出名在片場爆粗鬧人,「連劉華都被佢鬧過,我信佢會去虎個速遞員囉﹗」,有網民指杜Sir過份緊張「送貨車仔會包膠唔會撞崩佢嘅樓梯嘅﹗」、「豆腐做咩?咁都撞得崩﹗唔通將部車仔托上膊咩,阿導演」、「人哋派件已經好辛苦」、「呢位師兄真好EQ,硬食冇出聲」、「以後叫佢自己落樓攞件啦﹗」,同時有網民焦點落在杜Sir冇戴口罩,留言「戴番口罩先啦杜Sir﹗」、「楝嘢係佢嘅當喺屋企所以唔戴啩,吹咩」、「可以鬧番佢冇戴口罩罰佢五千﹗」等等

杜琪峯 杜琪峯身兼導演及監製《七人樂隊》即將上映﹗
杜琪峯身兼導演及監製的電影《七人樂隊》即將上映,有網民問杜Sir鬧速遞員cap圖係咪為宣傳新戲?(圖片來源:相關機構)

網民撐杜琪峯:看圖作文﹗杜Sir對基層好客氣

同時有不少網民力撐杜琪峯,「張圖杜Sir笑笑口喎」、「似係看圖作文」,樓主即回覆反駁「我先冇咁得閒作嘢,或者我忽然間幻聽囉」,其後有網民指速遞員唔啱規矩「樓梯唔係畀車仔用㗎喎﹗」、「唔好同我講咩辛苦嗰啲呀﹗」、「我之前都係做呢間速遞公司,係唔可以推部車仔上落樓梯喎﹗」,有網民即反駁:「成棟樓係杜Sir,業主係佢,但佢又當劏房咁租咗出去,叫人點逐次拎上去呀?」。有網民撐杜Sir好人,指佢雖然有脾氣,但對基層好客氣」﹗有網民指信杜Sir唔係咁嘅人,但就指杜Sir個仔先鍾意鬧人,仲出埋片以作證,留言指「原來係杜Sir個仔?呢條友上次鬧完人話其實想識多個朋友,亦有網民指有其父必有其子﹗各有支持者﹗仲有幾日就係電影金像獎頒獎禮,唔知杜Sir會唔會回應吓呢單嘢呢?

杜琪峯成焦點:成日都講Mirror多咗啲!

杜琪峯有江湖地位,行內人人尊重,出名有性格又敢言,之前出席MakerVille發佈會,被主持谷德昭問到熟唔熟悉ViuTV男團Mirror時,杜琪峯即表示:「又嚟?好似多咗啲,成日都提佢哋。」其後講到現時電影圈問題時,杜琪峯還指現時戲院像「試映室」,返屋企睇仲好,錯口指「屋企食得煙」,谷德昭即幫手兜圓埸說「係錯嘅呢個行為」,即惹笑埸。

杜琪峯 MakerVille
(圖片來源:youtube@MakerVille)

杜Sir首拍廣告好好戲

杜Sir氣場勁,平時看來甚為嚴肅,之前孖欣宜、盧瀚霆拍銀行廣告,表情誇張又搞笑,令大家都好驚喜﹗

杜琪峯 杜Sir對欣宜所講銀行及信用卡優惠感興趣,表情趣怪﹗
杜Sir表情趣怪﹗(圖片來源:廣告截圖)
杜琪峯
(圖片來源:廣告截圖)

常見問題

杜琪峯早前在現時電影圈問題時有什麼意見?

講到現時電影圈問題時,杜琪峯還指現時戲院像…詳情請看

網民對杜琪峯速遞員事件有什麼看法?

網民反應兩極,但有人指指速遞員唔啱規矩「樓梯唔係畀…詳情請看

圖片來源:FB@官塘老母群組截圖

YOU MAY ALSO LIKE ...