李蔓瑩Renee搭上有婦之夫？同性密友疑情已逝 網民估係佢？
李蔓瑩疑被同性密友大爆出軌搭有婦之夫
身材出眾的女神李蔓瑩（Renee）自與前男友鄺家銘（阿占）分手後便與富貴同性髮型師密友Joe公開戀情，同性密友Joe錫到濃買包包之餘，2人經常外出旅遊放閃。不過近日眼利的網民發現2人IG已不見昔日放閃相，Joe更突然出story爆「有老婆都介入人哋嘅感情，損人而不利己，真係若要人不知 唔好太低b」不過story不久便已刪除。
網民懷疑對象係Thor駱振偉 跳繩片唔簡單！
網民懷疑Renee疑似搭上有婦之夫，2人因Renee變心而分手，而該有婦之夫有不少網民猜測是曾一起拍節目的Thor Lok 駱振偉，2人於節目中互動令不少網民懷疑，特別係Thor 幫Renee拍的極震撼跳繩片！不過許多網民相信Thor 不是這樣的人！
重溫超動感跳繩片 李蔓瑩多謝「周Sir」
李蔓瑩曾於社交平台分享一段自己用四天練習跳繩嘅短片，配文稱：「由第1日嘅手腳完全唔協調，到而家叫做跳到下，我覺得係開心嘅」。又tag埋駱振偉多謝佢教自己跳繩，仲獲本尊留言調侃李蔓瑩：「令周Sir失去自信心嘅學生！你好嘢，手腳咁協調」！而網民嘅關注點就擺咗係李蔓瑩非常澎湃嘅上圍到，著住緊身衫練跳繩嘅佢上圍動感十足，再配埋出鏡率超高嘅真理褲，畫面十分係睛！令網民忍唔住留言：「好暈，畫面係咁震」、「Feel到地震」、「姐姐唔好跳啦，我眼球跟唔上」、「重心太高，跳繩係難啲」同「好震撼」等等！
網民：條女咁正多狂蜂浪蝶好正常
亦有網民就認為2人未分手，亦不相信Renee會偷食只係Joe想宣示主權，並表示Renee咁正多情敵都正常「講真條女咁正，多狂蜂浪蝶好正常」「Renee把聲又嗲又正」「絕對相信Renee唔會偷食」「比renee飛咗啦」有網民更大爆當時Renee同Joe已經係同一情況，Joe疑似有女友，而Renee介入感情後坐正！
富貴密友鍚到濃連送兩個Chanel袋
李蔓瑩憑住可愛甜美童顏加上貼地的主持方式，吸引大批宅男愛戴，在IG更坐擁超過21萬個Followers，其密友Joe曾在IG晒出她在一個月內豪買5個俗稱「小廢包」的Chanel手袋，估計價值接近10萬。Joe笑言：「（Renee）一個月買咗5個小廢包，佢批准我送兩個畀佢（我求佢），其他話要自己畀錢（好型）。」
與男友阿占分手交上密友
李蔓瑩出道11年做過模特兒同演員，亦在網台和ViuTV的清談節目《對不起 標籤你》和旅遊節目《旅行吊靴鬼》中擔過任主持，她曾與前有線球彩台主持，現已過檔無綫的鄺家銘（阿占）拍拖，愛得高調更去到談婚論嫁階段，不過最後分手收場，李蔓瑩未幾即與富貴同性髮型師密友Joe公開戀情，並不時在IG高調放閃。
Renee疑似白滑玉背出浴照失守？
Renee除了情人節晒浴照，後面更有多張做Gym的圖片，又轉貼女友Joe與她一同做Gym的相片。結果這個福利Po，即時吸引超過兩萬八千個Like，更有多達二百個留言，有人留言提醒Renee小心走光，即有網民偵探上身Check倒影…詳情請看
Renee前男友阿占宣佈求婚成功？
Renee的前男友、前球彩台足球主播鄺家銘（阿占）同樣在情人節當日放閃，宣佈向現年31歲的藝人女友霍嘉恩（Gracey）求婚成功，更在東京鐵塔前大晒巨鑽婚戒…詳情請看
