李佳芯

李佳芯自爆20歲初戀遇躁狂破產男 經常俾人當出氣袋?!

流行娛樂

廣告

TVB 39歲小花李佳芯日前上咗楊詩敏(蝦頭)和連詩雅主持的《絲打圍爐》做嘉賓。節目中感情一向低調的Ali竟自爆20歲初戀的經歷,原來慘遇躁狂破產男,仲經常俾人做出氣袋,仲要拍咗2、3年,之後先醒覺要斷捨離撇甩他!Ali仲喺節目講到自己而家個人好Negative,唔通因為情路太坎坷?

李佳芯 絲打圍爐 39歲的李佳芯日前做《絲打圍爐》做嘉賓,自爆20歲的初戀經歷令她透不過氣。
39歲的李佳芯日前做《絲打圍爐》做嘉賓,自爆20歲的初戀經歷令她透不過氣。(圖片來源:《絲打圍爐》截圖)

李佳芯自認而家個人係negative

節目中,蝦頭問李佳芯是否曾經將一段「關係」斷捨離,李佳芯坦言:「而家我係negative,我覺得每一個階段都唔同,以前我唔係negative,而家我係,我本身容易被人帶動情緒,我嘅工作要情緒啦,做人已經盡量做好多嘢令自己開心,如果身邊有個人每日無限放負,我真係唔得。有時關係裏面都係講緣分,可能去到個位,大家都頂大家唔順。」

李佳芯 絲打圍爐 李佳芯中)日前和蝦頭及連詩雅討論感情斷捨離。
李佳芯(中)日前和蝦頭及連詩雅討論感情斷捨離。(圖片來源:《絲打圍爐》截圖)

李佳芯罕談初戀男友

蝦頭問李佳芯有無感情關係「荼毒」過她,李佳芯便自爆20歲的初戀經歷令她透不過氣:「我記得我第一次拍拖,個對象大我幾年,已經出嚟做嘢,佢經歷過破產,但其實佢只係大我幾年,即佢好早就好叻,搵到啲錢,亦都好快就破產。我識佢嘅階段佢已經破咗產,佢係一個好認真嘅人,初初識佢我嗰時20歲,佢大我幾年啦,見識多過我,因佢好早出嚟做嘢,亦經歷咗破產,我覺得溝通到,可教到我嘢,但後尾同佢相處嗰兩三年,佢某程度上接受唔到自己嘅經歷、低潮,佢好似憤青咁將怒火積喺心入面。」

李佳芯 絲打圍爐 李佳芯發覺初戀男友當她出氣袋,終於醒覺要分手。
李佳芯發覺初戀男友當她出氣袋,終於醒覺要分手。(圖片來源:《絲打圍爐》截圖)

初戀男友有躁狂 Ali:我覺得我要體諒佢

李佳芯發覺初戀男友越來越不對勁:「試過有次同佢出街,香港細容易同人擦肩而過,佢會鬧人『你做乜撞我?做乜掂我?』後來我先發覺佢有少少躁狂,我嗰時20歲好細個,真係唔識面對,我覺得我要體諒佢,因為佢經歷過呢啲高低啦,我純粹覺得要陪佢渡過難關,後尾演變到佢躁狂到鬧我!佢喺出面好容易同人有衝突,我話『人哋唔係有心,你唔好咁諗』,佢會鬧我,佢覺得你幫人唔幫我!跟住嗰一刻我醒咗,呢段係好唔健康嘅感情,佢成日令我覺得自己做錯,所以去到呢刻我要斷囉!」

李佳芯 絲打圍爐 蝦頭和李佳芯玩遊戲食wasabi,食到呻脷!
蝦頭和李佳芯玩遊戲食wasabi,食到呻脷!(圖片來源:《絲打圍爐》截圖)

連詩雅自揭被前度當街鬧喊

主持連詩雅亦自爆遇過躁狂男友:「我都試過一段關係好toxic,一個令我覺得自己好卑微嘅人,可能一大班人影相嘅時候,對方就會叫我唔好影,即係你覺得我咁差?你咁唔想俾人知道我哋一齊?好唔尊重我,控制唔到自己脾氣。例如去旅行,佢認為男士畀晒機票錢,女仔應該訂晒所有嘢,到可能我做得唔夠好嘅時候,佢會話我點解會做到咁嘅?咁小事你都做唔好!我想食呢間餐廳,點解你唔早啲book,喺街鬧到我喊,我越喊呢,佢就話你好收聲嘞,你再喊我走嘞!我去到呢啲位我就醒囉,我覺得真係好卑微,我媽都唔會喺街鬧到我喊,喊完仲要鬧,所以我就醒囉!」

李佳芯 絲打圍爐 連詩雅自爆遇過躁狂男友,被當街鬧到喊。
連詩雅自爆遇過躁狂男友,被當街鬧到喊。(圖片來源:《絲打圍爐》截圖)

李佳芯情路坎坷 陳炳銓相戀7年分手

李佳芯的情路頗為坎坷,她曾與演員陳炳銓拍拖7年,可惜最後無疾而終。事後李佳芯講分手原因是2018年她憑劇集《BB來了》勇奪視后,事業如日方中,兩人對於婚事的見解有差異,導致分手收場。之後,她曾被影到與「蟲草大王」寵物藥妝品牌老闆陳恩德密會,但事後否認緋聞。

李佳芯 絲打圍爐 李佳芯和陳炳銓拍拖期間,常被稱為「美女與野獸」組合。
李佳芯和陳炳銓拍拖期間,常被稱為「美女與野獸」組合。(圖片來源:微博@陳炳銓)

即睇李佳芯慘痛經歷:

真係聽到都驚驚!

撰文:東方新地圖片來源:《絲打圍爐》截圖、微博@陳炳銓資料或影片來源:[email protected]絲打圍爐

YOU MAY ALSO LIKE ...