朱凌凌潛水後首度公開露面!吳偉豪直認係「沖涼片主角」:Size細?冇放喺心度!

朱凌凌潛水後首度公開露面!吳偉豪直認係「沖涼片主角」:Size細?冇放喺心度!

吳偉豪以TVB處境劇《愛‧回家之開心速遞》「朱凌凌」一角成功入屋,不過早郭5月捲入沖涼片風波,潛水個幾月後終於首度作公開露面出席宣傳活動。今次朱凌凌直認自己係片中主角,對外界談論他身體部位Size表示完全不上心,到底點解呢?

撰文:東方新地 |圖片:吳偉豪IG圖片、無綫娛樂新聞台影片截圖、網上影片截圖《愛回家》電視截圖|編輯:20|原文刊於:東方新地

潛水個幾月終上水

早前網上瘋傳一條約12秒的影片,片中男子全身赤裸沖涼自拍,有指片中人的樣貌疑似朱凌凌吳偉豪,事件不但惹來熱議,無綫高層樂易玲更表示吳偉豪已報警求助並安排他停工。潛水個幾月的朱凌凌,早前已復工拍《愛回家》,6月18日終於現身宣傳活動。

朱凌凌
22歲的朱凌凌受沖涼片影響,曾停工休息。(圖片來源:吳偉豪IG)
朱凌凌
潛水個幾月後在宣傳活動中再露面,朱凌凌笑臉迎人好醒神。(圖片來源:無綫娛樂新聞台影片截圖)

神情自若公開回應

這日朱凌凌明顯狀態不錯,見到在場傳媒都笑晒口冇迴避,與劇中的「島大」同學一齊出場時有講有笑,似乎已走出陰霾,並表現大方影相。活動後朱凌凌接受訪問,被問到休息了多少天才開工?他說:「都有keep住開工,件事交咗警方處理,專注工作。(有冇諗過條片邊度流出嚟?)交咗畀警方處理,唔方便討論。(間接承認片中人係自己?)呢條片係我嚟,其他嘢唔回應。(有冇影響心情?)都冇,因為工要keep住開。(家人有冇鬧你?)冇,都想多謝番呢段時間支持我嘅家人、同事、朋友同粉絲。(點解你會拍呢段片?)都唔方便回應。」

朱凌凌
朱凌凌露出一貫的陽光笑容。(圖片來源:無綫娛樂新聞台影片截圖)
朱凌凌
朱凌凌玩遊戲亦非常投入。(圖片來源:無綫娛樂新聞台影片截圖)

朱凌凌:都覺得唔應該拍

現場記者追問朱凌凌有冇後悔拍了沖涼片?他說:「都覺得唔應該做。(怕唔怕影響形象?)都唔會,多謝公司體諒。(網上留言比較差,自己會唔會唔開心?)都唔會被影響到,都要專注工作。(短片流出後,覺得好震撼?)都係專注工作,冇乜點諗。(事發後有冇工作被飛?)都唔方便回應。(對於網友批評你嘅size,有冇唔開心?)冇放喺心度!(驚唔驚有其他片段?)唔方便回應。(條片係前女友放出嚟?)大家諗多咗,交咗畀警方,唔方便回應。」

朱凌凌
活動後朱凌凌被鏡頭影到匿埋玩電話。(圖片來源:無綫娛樂新聞台影片截圖)
朱凌凌
朱凌凌大方回應事件,承認自己是片中人,不過案件已交警方處理所以不便多講。(圖片來源:吳偉豪IG)

朱凌凌低調復工

朱凌凌受不雅片影響停工,早於上個月原來已默默復工,早前張明偉在IG動態中分享拍攝外景的花絮中,已見到吳偉豪的身影,在5月22日播出的《愛‧回家之開心速遞》,朱凌凌就再度登場。

朱凌凌停工半個月再現身《愛回家》,依然咁靚仔。
朱凌凌停工半個月再現身《愛回家》,依然咁靚仔。(圖片來源:《愛回家》電視截圖)
唔見一排,朱凌凌演技都係咁浮誇。
唔見一排,朱凌凌演技都係咁浮誇。(圖片來源:《愛回家》電視截圖)

抄《天與地》橋段上雪山遇險

劇情講述朱凌凌與金城安、阿壯一齊去西伯利亞搵傻強,四人一齊上雪山遇到雪崩,被困山上差點重演《天與地》的人食人情節,三人返港後性情大變惹起猜測,真相竟是金城安與朱凌凌為救阿壯,除衫互相取暖。

三人去完西伯利亞的雪山,惹來無限揣測。
三人去完西伯利亞的雪山,惹來無限揣測。(圖片來源:《愛回家》電視截圖)
阿壯、朱凌凌與金城安突然性情大變,唔想提起在雪山的事,仲大唱《天與地》主題曲。
阿壯、朱凌凌與金城安突然性情大變,唔想提起在雪山的事,仲大唱《天與地》主題曲。(圖片來源:《愛回家》電視截圖)

朱凌凌又要被打格

朱凌凌擁有一副健碩身材,唔介意騷Quali,今次被安排在鏡頭前剝光豬,卻全程有打格仔,冇睇頭囉!

朱凌凌與金城安為救已暈低的阿壯,在雪山除衫肉帛相見。
朱凌凌與金城安為救已暈低的阿壯,在雪山除衫肉帛相見。(圖片來源:《愛回家》電視截圖)
之後他們再除去阿壯身上的衣服,三個男仔攬埋一嚿取暖。
之後他們再除去阿壯身上的衣服,三個男仔攬埋一嚿取暖。(圖片來源:《愛回家》電視截圖)
拯救隊抵達,見到光豬三人組,除了恥笑還拍照留念。
拯救隊抵達,見到光豬三人組,除了恥笑還拍照留念。(圖片來源:《愛回家》電視截圖)

《愛·回家》演員力撐吳偉豪無錯

吳偉豪不雅片段風波愈鬧愈熱,更有傳會被雪藏,朱凌凌更會被踢出《愛‧回家之開心速遞》劇組。早前《愛·回家》宣傳活動,已不見吳偉豪身影,劇組演員被問到如何看待此事件,全體表示力撐吳偉豪無做錯,開腔支持吳偉豪!

劉丹開聲力撐「朱凌凌」無做錯,指事件只是交友不慎所致,更反問年輕人一定做過,勸大家多鼓勵吳偉豪,讓他能夠早日回歸工作。
劉丹開聲力撐朱凌凌無做錯,指事件只是交友不慎所致,更反問年輕人一定做過,勸大家多鼓勵吳偉豪,讓他能夠早日回歸工作。(圖片來源:東方新地)
周嘉洛 愛回家 王祖藍 痞子殿下
周嘉洛表示希望觀眾給予他時間及空間,更指社會就不雅影片風波就隨便評論對吳偉豪並不公平,希望大家尊重他。(圖片來源:東方新地)

疑似吳偉豪12秒沖涼影片 網上瘋傳

22歲TVB藝員吳偉豪憑處境劇《愛‧回家之開心速遞》飾演「朱凌凌」為人認識,人氣不比「金城安」周嘉洛輸蝕,不過5月1日開始網上討論區瘋傳一條不雅影片,短片長12秒片中男子全身赤裸,邊沖涼邊自拍,而且有所動作,眼利的網民憑影片中男子笑起來的酒窩、胸肌以及胸口上的癦位置等線索,認為片中人疑似是吳偉豪。

沖涼影片可以看到片中男子胸口的幾粒癦,成為線索。(圖片來源:網絡截圖)
沖涼影片可以看到片中男子胸口的幾粒癦,成為線索。(圖片來源:網絡截圖)
男子的五官表情清晰可見,表情曖昩⋯⋯(圖片來源:網絡截圖)
男子的五官表情清晰可見,表情曖昩⋯⋯(圖片來源:網絡截圖)
片尾仲有一個滿足的笑容⋯⋯(圖片來源:網絡截圖)
片尾仲有一個滿足的笑容⋯⋯(圖片來源:網絡截圖)

樂易玲指吳偉豪已報警求助

有消息指出吳偉豪同家人就此事報警求助,而早前無綫高層樂易玲接受傳媒查詢時提及指出:「公司同事已經帶佢(吳偉豪)同佢家人到警署報了案,警方已經在跟進追查。」事發後唔少網民都在他IG上提問,更有網民在他IG貼文下留言直說:「朱凌凌,你咁xx嘅」,直至當日下午該留言已經被刪除,但網民依然在各大社交平台熱烈討論此事,並進行深入解剖,網民指:「係佢嚟喇,條眉,個鼻,連啲腹肌都一樣,連笑容都一樣」、「個樣似佢,但唔肯定係咪同一人」,甚至有女網民在當日留言指:「得咁XX,冇乜討論空間」。

吳偉豪形象健康身形健碩,IG 上不時發放戶外活動照片。
吳偉豪形象健康身形健碩,IG 上不時發放戶外活動照片。(圖片來源:吳偉豪IG)
早年在峇里旅遊,吳偉豪在瀑布前留影,大展健美身材。
早年在峇里旅遊,吳偉豪在瀑布前留影,大展健美身材。(圖片來源:吳偉豪IG)
吳偉豪熱愛自拍。
吳偉豪熱愛自拍。(圖片來源:吳偉豪IG)

吳偉豪入行6年緋聞不斷

吳偉豪在朱凌凌為人認識前,被受關注的卻是身邊緋聞,去年被爆有位年長10歲的圈外女友在戀情曝光後立即斬纜,之後又傳出暗交《學是學非》26歲何泳芍(Honey),兩人年紀亦相差4年。

未命名-1
朱凌凌被傳媾掂現年26歲、憑《學是學非》彈起的「美人魚港姐」Honey何泳芍,Honey曾在社交網po摸狗行山照,狗狗正是朱凌凌的愛犬,令二人關係洩密。不過吳偉豪在IG否認戀情,更指拖狗行山相是一年前﹗(圖片來源:吳偉豪IG)

去年因為去酒店Staycation被揭與大十年的金毛女友Charlotte發展姊弟戀,開心度完春宵麻煩事隨之而來,女友被爆膠樣真身事小,影響星途事大。

1194A_scov
早前吳偉豪受酒店之邀去Staycation,把多張瞓床型仔照放上社交網,即被踢爆當日原來與大十年的金毛女友Charlotte同行,女友把遮了吳偉豪樣的合照放上社交網,男方的打扮與吳偉豪完全脗合,百密一疏令姊弟戀情見光。(圖片來源:東方新地)
正在上位中的吳偉豪被爆帶埋金毛女友Charlotte去酒店 Staycation,事後他焗住認愛,不過未肯透露女友身份。
正在上位中的吳偉豪被爆帶埋金毛女友Charlotte去酒店 Staycation,事後他焗住認愛,不過未肯透露女友身份。(圖片來源:東方新地)
吳偉豪與 Charlotte的戀情被踢爆後,女主角即被起底指年約32歲,其 IG內有不少性感照,當中不乏三點式及內衣褲床照,全部都化極濃妝,好似戴了面具一樣,超現實。
吳偉豪與 Charlotte的戀情被踢爆後,女主角即被起底指年約32歲,其 IG內有不少性感照,當中不乏三點式及內衣褲床照,全部都化極濃妝,好似戴了面具一樣,超現實。(圖片來源:東方新地)

刻意淡化戀情禁女友接收工

吳偉豪正值事業起步之時,據知無綫本來亦準備重點力捧,知情者透露:「去年係Ricco(吳偉豪 )入行後第一次遇到大鑊嘢,本來形象健康等緊上位,喺疫情下都好受廣告客歡迎,公司亦諗住畀多啲機會,除咗《愛‧回家》之外,都想安排佢拍其他重頭劇,不過戀情曝光後高層即叫經理人傳話,叫佢低調處理,等件事沖淡啲至算。另外公司亦加強保安,講明唔係員工同正式申請嘅訪客,其他閒雜人等係禁止入內,Ricco知道事態嚴重,依家唔敢叫女友揸車入無綫接放工,要等都要遠離公司範圍,總之Ricco會更加小心,唔想戀情再成為話題。」為了前途都要聽話啦!要紅就要付出代價,點知又發生影片流出事件,今次到底係上位機會定係入雪櫃,真係要睇事情發展落去仲有冇更多影片流出先知⋯⋯

有指吳偉豪女友 Charlotte為人盯人,親自做司機管接送,本刊記者曾目擊她的車由電視城內駛出,又長時間泊在電視城外等吳偉豪放工。
有指吳偉豪女友 Charlotte為人盯人,親自做司機管接送,本刊記者曾目擊她的車由電視城內駛出,又長時間泊在電視城外等吳偉豪放工。(圖片來源:東方新地)

網民:可能佢唔想努力搵緊姨姨

對於吳偉豪惹上不雅片新聞,網民都不太驚訝,反而紛紛揣測影片流出的原因:

有網絡神探認為佢係「搵緊姨姨」。
有網絡神探認為佢係「搵緊姨姨」。(圖片來源:facebook)
有看過影片的網民表示片尾的笑容不止於「一般沖涼」。
有看過影片的網民表示片尾的笑容不止於「一般沖涼」。(圖片來源:facebook)
有網友推測是被朋友出賣,認為事主都唔想show off。
有網友推測是被朋友出賣,認為事主都唔想show off。(圖片來源:facebook)

YOU MAY ALSO LIKE ...