獎門人

曾志偉透露重現經典《獎門人》:獎品獎金大升級!

流行娛樂

廣告

TVB總經理曾志偉近日出席活動時透露嚟緊打算重現經典《獎門人》,召集晒獎門人啲元老返嚟玩遊戲,好似「晒冷」咁話,不過網民一聽到呢個「驚喜」消息之後似乎就只有驚無喜啦?!

獎門人 蘭茜 曾志偉為整頓無綫近年四出招兵買馬,終於說服蘭茜復出。
(圖片來源:東方新地資料庫)

大搞經典《超級無敵獎門人》

曾志偉榮升TVB總經理後經常諗唔同的綜藝節目救收視,最近佢出席活動時就透露嚟緊為配合香港回歸25周年、台慶55周年、香港小姐競選50周年同埋《超級無敵獎門人》25周年搞返個獎老回歸重現經典《獎門人》,打算由7月做到11月台慶,仲話會搵埋獎老錢嘉樂、林曉峰、阮兆祥、陳小春、金剛等人,獎品獎金亦都會大升級,內地人氣旺盛的「大灣區哥哥」一定好吸收視,詳情會於5月26的節目巡禮公布。

蘭茜後排左二)是《獎門人》要員。
(圖片來源:tvb《獎門人》截圖)
獎門人 蘭茜一棚哨牙成為她的標記﹗
唔通早前傳搵蘭茜就係返嚟重現刨西瓜?(圖片來源:《獎門人》截圖)

網民:當香港人智商停留喺20年前?

係咪真係「橋唔怕舊,最緊要受?」普遍網民似乎就唔受落,更狠批「當香港人智商停留喺20年前?」「老土當時興」「咩年代呀,仲獎門人」「亞視化」「快樂長門人」「似足亞視個陣霉到要炒冷飯翻拍百萬富翁,食老本搵啲過氣明星出黎獻世」「重播咪算囉」「應改名做超級無敵老人家」。youtube頻道Smart Travel,youtuber Tsar 就分析曾志偉係有盤算之下有此舉動,指個節目本來就玩低俗起家,到時大玩「睇波波」,剛剛好選完港姐搵新人出嚟玩,可能夏天仲可以玩水著,變得有睇頭、有新鮮感。

獎門人
(圖片來源:youtube@Smart Travel)

圖片來源:tvb《獎門人》截圖,youtube@Smart Travel,東方新地資料庫

YOU MAY ALSO LIKE ...