方力申

方力申貪玩搞到胡美貽穿頭縫針 開腔回應:我都冇惡意

流行娛樂

廣告

28歲落選港姐胡美貽,拍攝TVB J2台新節目時意外受傷,要送院縫16針,事後被人爆出原來係因為俾方力申拎鬼口水整蠱而玩出禍搞到當埸痛到跪地暈倒!事隔個半月,方力申開腔回應事件,表示自己已經「負晒責」,仍未道歉同埋指呢件事係意外。

方力申 胡美貽拍攝J2節目時受傷,現在要留家休養。
2017年落選港姐胡美貽拍攝J2節目時受傷,早前要留家休養一段時間。(圖片來源:[email protected]
方力申 有指方力申因為貪玩闖禍。
有指方力申因為貪玩闖禍。(圖片來源:[email protected]

方力申蒲頭開腔:係意外!

方力申於4月拍J2台節目令胡美貽受傷險破相,事發後他一直未有回應,這日方力申終於現身為港台微電影《出發2022》開工,並為整傷胡美貽一事解畫,可惜他似乎未感到有歉意,並強調只是一場意外。

方力申 方力申在港台微電影扮演中醫師,當日以學生Look開工,更首次開腔講整傷胡美眙事件。
方力申在港台微電影扮演中醫師,當日以學生Look開工,更首次開腔回應整傷胡美眙事件。(圖片來源:[email protected]
方力申 縫了16針的胡美貽,早前展示自己的傷勢。
縫了16針的胡美貽,早前展示自己的傷勢。(圖片來源:[email protected]

方力申稱為胡美貽搵醫生、陪做手術,搵公司claim返醫藥費

方力申被傳媒追問當時情況,他說:「我自己絕對覺得係一件意外,我亦都冇惡意想傷害對方啦!成個節目都係娛樂節目,玩嗰樣嘢都係懲罰嘅一種道具,我攞咗個懲罰嘅道具繼續去玩,件事發生咗我即刻幫佢聯絡醫生啦!幫佢搵最好嘅整容醫生啦!我仲安排埋醫院陪佢做埋手術,當時夜晚12點幾冇人畀錢都係幫佢畀錢,到依家有醫藥費包括覆診我都有畀,樂小姐同我講叫我畀晒先,公司有幫藝人買保險,希望可以幫我cover番條數嘅。我有keep住同Nicole(胡美貽)聯絡,亦都知道佢近況,佢都有send相我,啲新藥好好喎,疤痕好淺色囉!」說到底,方力申幫忙墊支付醫藥費,但整個訪問未有向受傷的胡美貽道歉﹗

方力申 腦傷後胡美貽經常戴帽遮疤痕。
額傷後胡美貽經常戴帽遮疤痕。(圖片來源:[email protected]
方力申 做運動都要戴上頭帶。
做運動都要戴上頭帶。(圖片來源:[email protected]
方力申 日前胡美貽更剪短頭髮,用前蔭遮住前額。
日前胡美貽忽然剪掉一把長頭髮,改以短髮留蔭造型現身,以前蔭遮住前額。(圖片來源:[email protected]

方力申被指明明係罪魁禍首!

42歲的方力申大唔透,終於玩出禍!今年4月中傳出《3日2夜》「元祖咪神」胡美貽拍攝J2節目期間撞穿頭需送院縫16針,當時有指意外源頭是因為小方貪玩令胡美貽否認受傷,不過胡美貽就曾否認,只表示傷口很痛,需要時間復原。

方力申 號稱 《3日2夜》 「元祖級」咪神,擁有35D逼爆上圍嘅胡美貽不時喺IG大晒身材。
號稱 《3日2夜》 「元祖級」咪神,擁有35D逼爆上圍嘅胡美貽不時喺IG大晒身材。(圖片來源:[email protected]
方力申 因為貪玩而令到胡美貽受傷的方力申,仲有心情拍片教人健身。
被指因貪玩而令到胡美貽受傷的方力申,未有就此事回應,但仲有心情拍片教人健身。(圖片來源:[email protected]

方力申對胡美貽瘋狂出擊整蠱對方

有片有真相,終於有人公開當日在拍攝場地的CCTV,令胡美貽受傷過程全曝光,片中見方力申在等埋時拿著「鬼口水」對住胡美貽,不停追住對方整蠱,好似想把「鬼口水」撻落胡美貽面上,方力申窮追不捨,胡美貽好像失控一樣瘋狂閃避,一不小心撼到額頭,她即掩住個頭痛到跳起,方力申見事態嚴重,伸手想摸胡美貽額頭查看傷勢,被胡美貽阻止,之後畫面更看到她跪地暈倒,現場工作人員即湧上前。

方力申 胡美貽受傷後要留家休養一段時間。
胡美貽受傷後要留家休養一段時間。(圖片來源:[email protected]
方力申 胡美貽在社交網留言好想出外曬太陽。
胡美貽在社交網留言好想出外曬太陽。(圖片來源:[email protected]

胡美貽表現冷靜:我會唔會傻咗㗎?

除了事發經過外,更有另一條短片見到胡美貽送院前坐在地上,有工作人員為她按著傷口,表示要送她去急症室,胡美貽表現冷靜對鏡頭笑言:「我會唔會傻咗㗎?梗係唔會,我平時都夠傻。」疑似傷人者的方力申就叫工作人員按實女方傷口,仲叫胡美貽「坐喺度先。」短片咁就完結。

方力申 有人提供了當日的短片,力證方力申玩出禍。
有人提供了當日的短片,力證方力申玩出禍。(圖片來源:[email protected]
方力申 方力申最近艷福不淺,除了與胡美貽拍新節目,還與身材同樣出眾的小花陳欣茵拍短片。
方力申最近艷福不淺,除了與胡美貽拍新節目,還與身材同樣出眾的小花陳欣茵拍短片。(圖片來源:[email protected]

胡美貽維護方力申未有公開真相

女藝人靠塊面搵食,胡美貽意外後為維護方力申並未有公開真相,回應傳媒時還攬上身自認論盡,表示是自己整親,一撞落去已經暈咗,之後唔知發生乜嘢事。其後,胡美貽一直留在家中休養,她最擔心是傷口留疤會破相,更要食藥止痛。熱愛戶外活動的胡美貽更因為傷口不能沾水、曬太陽,日日留家非常苦悶,還要食得清淡以免傷口發炎或者疤痕變深色。

方力申 胡美貽為維護方力申未有供出真相,雖然遇上無妄之災,但幸好有胡媽媽越洋送上花束為愛女打氣。
胡美貽維護方力申未有供出真相,雖然遇上無妄之災,但幸好有胡媽媽越洋送上花束為愛女打氣。(圖片來源:[email protected]
方力申 為怕傷口留深色疤,受傷後的胡美貽食得好清淡。
為怕傷口留深色疤,受傷後的胡美貽食得好清淡。(圖片來源:[email protected]

即睇胡美貽靚相:

撰文:東方新地圖片來源:[email protected][email protected]

YOU MAY ALSO LIKE ...