方力申

方力申冧爆收李佳芯私訊邀請勁開心 遭Ali當場請食檸檬澄清無私交

流行娛樂

廣告

方力申自同鄧麗欣分手後,一直聲稱單身唔敢追女,但就被爆做陳瀅隻兵,又傳有意翻撻鄧麗欣,不過傳完都係無下文﹗方力申其實好積極捉緊每一個埋女神身的機會,近日受邀上李佳芯主持的《夢中.情.人》節目時,方力申趁機表愛意,自爆收到女神Ali私訊時暗喜,心心眼之際,卻被Ali一盆冷水照頭淋﹗陰公﹗兵都冇得做﹗?

方力申著住浴袍與李佳芯講夢

李佳芯以身體為由暫別劇組,轉攻綜藝節目,近日與黃庭鋒主持解夢節目《夢.中.人》於myTVSUPER上架﹗日前一集邀請了方力申任嘉賓,在節目分享其古怪夢境,方力申相當配合節目主題,穿上睡前服以浴袍現身,他指自己甚少失眠,平常5分鐘內便可睡著,方力申話:「我問可唔可以講朋友嘅夢,回覆話唔得,咁我唯有發個超厲害嘅夢啦﹗」為上Ali個節目真係用心良苦喎﹗

方力申 方力申分享夢境時講到好仔細﹗
方力申分享夢境時講到好仔細﹗(圖片來源:《夢中.情.人》截圖)
方力申 李佳芯都聽得好入神﹗
李佳芯都聽得好入神﹗(圖片來源:《夢中.情.人》截圖)

方力申:Ali叫我做乜都好﹗

方力申其後自爆是李佳芯親自邀請上節目,一副冧樣話:「講番我點解嚟做嘉賓啦,因為Ali喺IG搵我,請我嚟做節目嘉賓﹗」當眾炫耀獲Ali親自邀請﹗卻遭在旁李佳芯耍擰頭指大家沒有電話聯絡,只告訊息:「講明呀,無呀﹗無呀(無限Loop)﹗」方力申續說:「因為上年邀請咗Ali上《鬼上你架車》節目,所以Ali叫我做乜都好我都做,總之呢個人情我一定還﹗」呢個時候Ali反應比之前大十倍,搶住要澄清,Ali仲緊張到捉實方力申隻手:「但係呢個唔係我私人事﹗我都係聽order叫我去幫手問方力申咋﹗我收到order『哦』完照做,就係咁㗎咋﹗」

李佳芯當場落閘:我都係收order做咋﹗

方力申本來暗爽被Ali私下邀請,卻當場被對方落閘兼派檸檬,一臉無奈,連主持之一的黃庭鋒都忍唔住:「你講到咁冇興趣搵佢咁﹗」李佳芯為免誤會再解釋:「嗰一刻我諗,佢請過我上節目,今次都應該唔會托我手踭啩,就係咁㗎咋﹗」空氣突然靜止……大家立即轉話題講回夢境,才令氣氛無咁尷尬﹗

方力申 李佳芯被黃庭鋒笑佢完全對方力申無興趣﹗
李佳芯被黃庭鋒笑佢完全對方力申無興趣﹗(圖片來源:《夢中.情.人》截圖)
方力申 李佳芯為免誤會即兜,點知愈講愈令方力申無癮﹗
李佳芯為免誤會即兜,點知愈講愈令方力申無癮﹗(圖片來源:《夢中.情.人》截圖)
方力申 李佳芯指因為曾為方力申節目《鬼上你架車》做嘉賓,所以今次搵佢應該唔會被對方托踭,Ali解釋:「就係咁㗎咋﹗」勁驚方力申會錯意﹗
李佳芯指因為曾為方力申節目《鬼上你架車》做嘉賓,所以今次對方應該唔會托手踭,Ali解釋:「就係咁㗎咋﹗」勁驚方力申會錯意﹗(圖片來源:《夢中.情.人》截圖)

去片﹗睇吓方力申個夢境有幾咁離奇﹗

方力申曾當眾被陳瀅踢爆用屎橋媾女法

方力申被人派檸又何只李佳芯呢次,之前在訪問中,都被陳瀅當眾踢爆想媾佢﹗去年方力申、陳瀅和唐詩詠上伍詠薇及阿Bob林盛斌主持的《Tiger’s Talk》節目。方力申話自己甚少約女性單獨出街,當場遭陳瀅玩踢爆:「佢(指小方)有約過我喎,有一日突然問我可唔可以同佢單獨食飯,但後來冇發生到嘅,事緣因為疫情我由溫哥華返嚟,佢怕我悶就叫我打電話畀個星座專家,個星座師傅話我2023、24年會同個點樣點樣嘅男仔結婚,個男仔係屬猴嘅,之後我打番畀小方,同佢講個師傅同我講咗啲乜,原來咁啱佢係屬猴嘅,所以我懷疑佢畀咗錢個師傅。」陳瀅踢爆小方冧佢,更暗笑小方的屎橋媾女法未能成事﹗

點知笑唔停的陳瀅一手翹落方力申隻手度,大玩合巹交杯,小方嚇到呆在當場,陳瀅繼續放聲狂笑。
陳瀅當眾爆曾被小方追求,小方已經勁尷尬,進擊的陳瀅繼續玩謝方力申,拎起紅酒主動翹實小方隻手玩「合巹交杯」,小方被玩到紅都面晒﹗(圖片來源:《Tiger’s Talk》截圖)

圖片來源:《夢中.情.人》截圖、IG@aliaime、

YOU MAY ALSO LIKE ...